Ап. уджъяс 2:11 - Коми Библия 2023

¹¹ Нӧшта эмӧсь тані Критысь да Аравияысь локтысьяс. Быдӧн тай нӧ ми асланым кыв вылын Енлӧн ыджыд уджъяс йылысь кылам».

Ап. уджъяс 2:11 Iomraidhean Croise

Ӧксыяслӧн 3 небӧг 10:15

Таысь ӧтдор вузасьысьяс, ӧксыув муясын юралысьяс да аравияса ӧксыяс мынтылісны сылы вот.

2 Каднебӧг 17:11

Филистимсаяс вайлісны Иосафатлы козинъяс да вот пыдди эзысь, арабъяс вайлісны сылы сизим сюрс сизимсё межӧс да сизим сюрс сизимсё ай кӧзаӧс.

2 Каднебӧг 26:7

Енмыс отсаліс сылы тышкасьны филистимсаяслы паныд, Гур-Ваалын олысь арабъяслы да меунъяслы паныд.

Иов 9:10

Сылӧн уджъясыс ыджыдӧсь, вежӧрӧ тӧрӧдтӧмӧсь, Сылӧн шензьӧданаторъяслы лыдыс абу.

Псалтыр 107:8

Енмыс шуис Аслас вежаинсянь: «Нимкодьпырысь Ме юкла тіянлы Сикем му, муртала тіянлы Суккот ковтыс.

Псалтыр 111:4

Весиг пемыдас ӧзйӧ югыдыс веськыда олысьлы, сійӧ бур да мелі сьӧлӧма, веськыда вӧчӧ.

Псалтыр 136:4

Но ми ӧмӧй вермам йӧз муын сьывны Господьлысь сьыланкывъяссӧ?

Псалтыр 26:7

Господьӧй, кыв менсьым гӧлӧс шыӧс, кор ме шыася Тэ дінӧ. Ло бур сьӧлӧма ме дінӧ да вочавидз!

Псалтыр 40:5

Ме шуи: «Господьӧй, ме мыж вӧчи Тэныд паныд. Ло бур сьӧлӧма ме дінӧ, бурдӧд менӧ!»

Псалтыр 71:17

Ӧксылысь нимсӧ мед ошкасны нэмъяс чӧж, сылысь нимсӧ мед оз вунӧдны, кытчӧдз югъялӧ шонді. Сійӧ лоӧ бурсиӧмӧн [став мувывса йӧзыслы], войтыръяс шуасны сійӧс майбырӧн.

Псалтыр 77:11

Найӧ вунӧдісны Сылысь уджъяссӧ, шензьӧданаторъяссӧ, мый Сійӧ петкӧдліс налы.

Псалтыр 78:4

Орччӧн олысьяс серамвыв лэптӧны миянӧс, миян гӧгӧр олысьяс лёкӧдӧны да омӧльтӧны миянӧс.

Псалтыр 89:5

Тэнад син водзын сюрс воыс тӧрытъя кольӧм лун кодь, кар видзысьлӧн войся дӧзьӧритан кад кодь.

Псалтыр 96:3

Господь водзвылын мунӧ би, Господьӧс мустӧмтысьясӧс бырӧдӧ.

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Исай 13:20

Сэтчӧ некод оз овмӧдчы, сэні некод оз кут овны нэмъяс чӧж. Сэні араб оз сувтӧд чомсӧ, ыж видзысь оз понды шойччыны ыжъясыскӧд.

Исай 21:13

Аравия йылысь водзвыв висьталӧм. Деданса караванъяс, войсӧ коллялӧй аравияса пуяс улын.

Исай 25:1

Господьӧй, Тэ – менам Енмӧй! Ме ыдждӧдла Тэнӧ, ошка Тэнсьыд нимтӧ. Тэ вӧчин шензьӧданаторъяс, важысянь мӧвпыштӧмторъяс, Тэнад вӧчӧмторъясыд збыльӧсь да эсканаӧсь.

Исай 28:29

Ставыс тайӧ – Господь Саваофсянь. Сылӧн велӧдӧмыс шензьӧдана, Сылӧн мывкыдлуныс пыдӧстӧм!

Еремей 25:24

Ме юктӧді Аравияысь ӧксыясӧс да овтӧминын олысь войтыръяслысь ӧксыяссӧ,

Еремей 3:2

Лэпты синтӧ изъя керӧсъяслань да видзӧдлы, эм-ӧ сэтшӧм керӧсыс, кӧні эськӧ тэ эн сетчы мукӧд енъяслы. Овтӧминын кыйӧдчысь араб моз тэ пукалін туй бокын да виччысин ветлысь-мунысьясӧс. Мукӧд енъяслы сетчӧмнад да лёк вӧчӧмнад тэ пежалін мусӧ.

Ап. уджъяс 2:10

Фригияысь, Памфилияысь, Египетысь, Римысь да ливияса Киринея кар бердысь. Кодсюрӧ миян пӧвстысь чужӧмсяньныс иудейяс, а кодсюрӧ – иудей эскӧмӧ бергӧдчӧмаяс.

Ап. уджъяс 2:12

Ставныс шензисны да шӧйӧвошӧмӧн ӧта-мӧдныслысь юасисны: «Мый нӧ тайӧ?»

Ап. уджъяс 27:12

Тӧвйыны тайӧ сувтанінас эз позь, та вӧсна унаӧн шуисны кывтны татысь, кыдзкӧ воӧдчыны Финик карӧдз да тӧвйыны сэні. Тайӧ критса ӧзыныс видзӧдіс рытыв-лунвывлань да рытыв-войвывлань.

Ап. уджъяс 27:13

Пӧльыштіс лун тӧв. Чайтісны, мый кывтӧмыс артмас, та вӧсна мӧдӧдчисны Крит пӧлӧн.

Ап. уджъяс 27:7

Ми кывтім ньӧжйӧ уна лун чӧж, ӧдва воим Книд карӧдз. Паныда тӧлыс эз лэдз кывтны водзӧ, та вӧсна Салмонаті кытшовтӧмӧн пондім кывтны Крит пӧлӧн.

1 Коринфӧ 12:10

Мукӧдыслы Лолыс сетӧ вын вӧчны шензьӧданаторъяс, кодлыкӧ – пророкавны, кодлыкӧ – сямлун тӧдмавны быдпӧлӧс ловсӧ. Мукӧдыслы Лолыс сетӧ сямлун сёрнитны мукӧд кывъяс вылын, а кодлыкӧ – гӧгӧрвоӧдны тайӧ сёрнисӧ.

1 Коринфӧ 12:28

Вичкоын Енмыс медводз сувтӧдіс апостолъясӧс, сэсся пророкъясӧс, сэсся велӧдысьясӧс. Мукӧдыслы Енмыс сетіс вын вӧчны шензьӧданаторъяс, мукӧдыслы – сямлун бурдӧдны, кодлыкӧ – отсасьны йӧзыслы, кодлыкӧ – веськӧдлыны, а кодлыкӧ – сёрнитны мукӧд кывъяс вылын.

Галатӧ 1:17

весиг эг мун Ерусалимӧ меӧдз на пуктӧм апостолъяс дінӧ. Ме муні Аравияӧ, сэсянь бӧр локті Дамаскӧ.

Галатӧ 4:25

Агарыс индӧ Аравияын Синай керӧс вылӧ да лӧсялӧ ӧнія Ерусалимлы. Сійӧ аслас челядькӧд кесйӧг туйын.

Титлы 1:12

Налӧн асланыс гижысьыс весиг шулӧма: – Критсаяс – пӧръясьысьяс, скӧр да горш зверъяс, дыш руньӧяс.

Титлы 1:5

Ме коли тэнӧ Критӧ, мед тэ эштӧдін сэні помавтӧмторсӧ да быд карын индін вичкоса юрнуӧдысьясӧс, кыдзи тай ме тэныд тшӧктылі.

Еврейяслы 2:4

Тайӧ висьталӧмсӧ Енмыс ёнмӧдіс тадзи: висьталысьяс пыр Сійӧ петкӧдліс индысьпасъяс, вӧчис шензьӧданаторъяс да быдпӧлӧс ыджыд уджъяс, Ас кӧсйӧм сертиыс Сійӧ юкліс Вежа Ловсянь сетӧмторъяс.