Ап. уджъяс 2:10 - Коми Библия 2023

¹⁰ Фригияысь, Памфилияысь, Египетысь, Римысь да ливияса Киринея кар бердысь. Кодсюрӧ миян пӧвстысь чужӧмсяньныс иудейяс, а кодсюрӧ – иудей эскӧмӧ бергӧдчӧмаяс.

Ап. уджъяс 2:10 Iomraidhean Croise

Олӧм 12:10

Тайӧ муас йӧзыс кутісны ёна тшыгъявны, та вӧсна Ӧврам муніс овны Египетӧ.

Эсфир 8:17

Быд муын да быд карын – быдлаын, кӧні юӧртісны ӧксылысь тшӧктӧмсӧ, иудейяслӧн вӧлі нимкодьлун да долыдлун, найӧ сёйисны-юисны да гажӧдчисны. Мукӧд войтыръясысь унаӧн лоисны иудейясӧн, ӧд полісны наысь.

Еремей 46:9

Рӧдтӧй, вӧвъяс, тӧвзьӧй, тарантасъяс! Петӧй тышӧ, вына шыпуртаяс, петӧй сайӧдъясӧн, эфиопияса да ливияса тышкайӧз, петӧй зэвтӧм ньӧввужъясӧн, лудса тышкайӧз!

Еремей 9:26

Ме мыжда Египетын, Иудаын да Эдомын олысьясӧс, мыжда аммон войтырӧс, моав войтырӧс да овтӧминын олысьясӧс, кодъяс шырӧны юрсинысӧ пель боксьыныс. Тайӧ войтыръясыс – вундыштчытӧм войтыръяс, а израильсаяс – сьӧлӧмнаныс вундыштчытӧмӧсь.

Езекиль 30:5

Эфиопия, Ливия, Луд да Кув муясысь войтыр, Египетын олысь сорласьӧм войтыр да Менам йитӧдлӧн муысь локтӧм войтыр египетсаяскӧд ӧтвылысь шыпурт помысь куласны.

Даниил 11:43

Сійӧ босьтас Египетысь зарни, эзысь да став мукӧд озырлунсӧ. Ливияса да эфиопияса войтыр сетчасны сылӧн кипод улӧ.

Осий 11:1

– Кор Израиль вӧлі том на, сійӧ вӧлі муса Меным. Египет муысь Ме кори пиӧс.

Закар 8:20

Господь Саваоф тадзи висьталӧ: войтыръяс локтасны, уна карысь локтасны йӧз.

Закар 8:23

Господь Саваоф тадзи висьталӧ: сійӧ лунъясӧ быд иудейлӧн паськӧм бӧждорӧ кутчысясны мукӧд войтыръясысь дас морт, ас кыв вылас найӧ шуасны: «Ми тэкӧд мунам, ӧд ми кывлім, мый тэнад войтыркӧд Ен».

Матвей 2:15

Сэні сійӧ оліс Ирӧд кувтӧдз. Тадзи иніс пророк пыр Господьлӧн шуӧмыс: «Египет муысь Ме кори Пиӧс».

Матвей 23:15

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті мусӧ и васӧ вуджанныд, медым аддзыны тіян бӧрся ӧти мунысьӧс. А сюрас кӧ, ті вӧчанныд сыысь адӧ мунысьӧс, кык пӧв лёкджыкӧс на ас дорсьыныд.

Матвей 27:32

Карсьыс петіганыс налы вочаасис киринеяса Симон, сылы тшӧктісны нуны Исуслысь крестсӧ.

Марк 15:21

Исуслысь крестсӧ тшӧктісны нуны видз-му вылысь локтысь киринеяса Симонлы, Ӧльӧксанлӧн да Руфослӧн батьлы.

Ап. уджъяс 11:20

На пӧвстын тшӧтш вӧліны Кипрысь да Киринеяысь кодсюрӧ. Антиокияӧ локтӧм бӧраныс найӧ висьтавлісны грекъяслы Господь Исус йылысь Бур Юӧр.

Ап. уджъяс 13:1

Антиокия вичкоын вӧліны пророкъяс да велӧдысьяс: Варнава, Симеон, кодӧс шуисны Нигерӧн, Киринеяысь Лукий, Манаин, коді быдмылӧма Ирӧд ӧксыкӧд, да Савл.

Ап. уджъяс 13:13

Пафысь мукӧдыскӧд тшӧтш Павел кывтіс Памфилияӧ, Пергия карӧ. Сэні Иоан колис найӧс да бӧр косіс Ерусалимӧ.

Ап. уджъяс 13:43

Синагогаысь разӧдчигӧн иудейяс да иудей эскӧмӧ бергӧдчысьяс пиысь унаӧн мунісны Павел да Варнава бӧрся. Апостолъяс сёрнитісны накӧд да ышӧдісны, медым кутчысясны Енлӧн буралӧмас.

Ап. уджъяс 14:24

Сэсся Писидия пыр мунісны Памфилияӧ.

Ап. уджъяс 15:38

Но Павел эз кӧсйы босьтны Маркӧс, коді эновтіс найӧс Памфилияын, эз мун накӧд водзӧ, мед ӧтвылысь уджавны-кесъявны.

Ап. уджъяс 16:6

Асияын Вежа Лов эз сет налы висьтавны Енлысь кывсӧ, та вӧсна найӧ мунісны Фригия да Галат муяс пыр

Ап. уджъяс 17:21

Афинын олысьяс да сэтчӧ локтысь йӧз каднысӧ ёнджыка коллявлісны сёрнитӧмъясӧн, ёна радейтісны кывзыны мыйкӧ выльтор.

Ап. уджъяс 18:2

Сэні паныдасис Акил нима иудейкӧд, коді чужлӧма Понтын, да сылӧн Прискилла гӧтырыскӧд. Найӧ регыд на вӧлі локтӧмаӧсь Италияысь, сы вӧсна мый Клавдий кесар тшӧктӧма став иудейыслы эновтны Рим. Павел муніс на ордӧ

Ап. уджъяс 18:23

Сэні олыштӧм бӧрын бара петіс туйӧ, кытшовтіс Галат да Фригия муяс, ёнмӧдіс сэні велӧдчысьясӧс.

Ап. уджъяс 2:11

Нӧшта эмӧсь тані Критысь да Аравияысь локтысьяс. Быдӧн тай нӧ ми асланым кыв вылын Енлӧн ыджыд уджъяс йылысь кылам».

Ап. уджъяс 23:11

Сійӧ войнас Господь сувтіс Павел водзӧ да шуис: «Эн пов, Павел. Ӧні тэ Ерусалимын висьталін Ме йылысь, тадзи тэныд ковмас висьтавны тшӧтш Римын».

Ап. уджъяс 27:5

Киликия да Памфилияті кывтігӧн ми вуджим саридзсӧ да воим Ликияӧ, Мира карӧ.

Ап. уджъяс 28:15

Сэні вокъяс кывлӧмаӧсь миян локтӧм йылысь. Найӧ воча локтісны миянлы, ӧтияс Аппия вузасянінӧдз, мӧдъяс – Куим шойччан керка нима сиктӧдз. Найӧс аддзӧм бӧрын Павел долыдмис да аттьӧаліс Енмӧс.

Ап. уджъяс 6:5

Тайӧ вӧзйӧмыс ставныслы воис сьӧлӧм вылас. Бӧрйисны Степанӧс, кодлӧн вӧлі зумыд эскӧм. Сійӧ вӧлі тырӧма Вежа Лолӧн. Нӧшта бӧрйисны Филипӧс, Прокорӧс, Никанорӧс, Тимонӧс, Парменӧс да Антиокияысь Николайӧс, коді вӧлі бергӧдчӧма иудей эскӧмӧ.

Ап. уджъяс 6:9

Киринеяысь да Александрияысь сідз шусяна вӧвлӧм кесйӧгъяслӧн синагогаысь кодсюрӧ, нӧшта Киликияысь да Асияысь кодсюрӧ панісны вен Степанкӧд.

Римӧ 1:15

Ёна кӧсъя висьтавны Бур Юӧрсӧ тшӧтш тіянлы, Римын олысьяслы.

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

2 Тимофейлы 1:17

Римӧ волігас сійӧ быдлаысь корсис менӧ да аддзис.

Восьтӧм 11:8

Налӧн шойясыс кутасны куйлыны ыджыд карлӧн туй вылас. Тайӧ карсӧ позьӧ ӧткодявны Содомкӧд да Египеткӧд, ӧд тайӧ карас вӧлі тувъялӧма налысь Господьӧс.