Ап. уджъяс 19:19 - Коми Библия 2023

¹⁹ Тшыкӧдчысьяс пиысь унаӧн вайисны небӧгъяснысӧ да став йӧз водзас сотісны. Небӧгъяслӧн доныс, артыштісны да, ветымын сюрс эзысь лои.

Ап. уджъяс 19:19 Iomraidhean Croise

Олӧм 35:4

Йӧзыс ваялісны вӧчӧм енъяссӧ да пельсьыныс перъялӧм исерганысӧ Яковлы. Ставсӧ тайӧс Яков гуаліс сикемдорса тупу улӧ. [Эз висьтав некодлы, и весиг ӧніӧдз оз тӧдны, кӧні тайӧ ставыс.]

1 Каднебӧг 10:13

Тадзи куліс Саул, ӧд сійӧ эновтіс Господьӧс. Сійӧ мыж вӧчис Господьлы паныд, эз ов Господьлӧн кыв серти, но туйдӧдӧмла шыасис кулӧмаӧс корысь ань дінӧ,

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Петӧм 32:20

Сійӧ босьтіс киӧн вӧчӧм ӧшнысӧ да сотіс биын. Ниртіс сійӧс пызьӧдз да койыштіс ваӧ, а васӧ тшӧктіс юны Израиль пиянлы.

Петӧм 7:11

Фараон корис египетса тӧдысьясӧс да тунъясӧс. Асланыс кимӧститчӧмӧн найӧ вӧчисны тадзи жӧ.

Петӧм 7:22

Египетса тунъяс кимӧститчӧмӧн вӧчисны сійӧ жӧ, мый вӧчисны Мӧисей да Аарон. Фараонлӧн сьӧлӧмыс чорзис, сійӧ эз кут кывзыны Мӧисейӧс да Ааронӧс. Та йылысь водзвыв висьтавліс Господь.

Исай 30:22

Сэки ті понданныд пежӧн лыддьыны эзысьӧн эжӧм бӧлбанъяснытӧ да зарниӧн эжӧм идолъяснытӧ. Ті шыбитанныд найӧс пеж шыбласӧс моз да шуанныд налы: «Весасьӧй татысь!»

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Даниил 2:2

Ӧксы тшӧктіс корны туналысьясӧс, кимӧститчысьясӧс, тшыкӧдчысьясӧс да калдеяса мывкыд йӧзӧс, медым найӧ гӧгӧрвоӧдісны сылысь вӧтъяссӧ. Найӧ локтісны да сувтісны ӧксы водзӧ.

Левит 13:52

Поп мед сотас лёк проказаӧн пежасьӧм кӧлуйсӧ: паськӧмсӧ, вурун либӧ шабді шӧрт-дӧрасӧ да кучикысь вӧчӧмторсӧ.

Лука 14:33

Ті кӧ онӧ кольӧй ставсӧ, мый тіян эм, онӧ вермӧй лоны Менам велӧдчысьясӧн».

Лука 15:8

«Ань кӧ воштас дас эзысь сьӧмсьыс ӧтикӧс, оз-ӧ сійӧ биасьӧмӧн кут чышкыны джоджсӧ да корсьны вошӧмторсӧ.

Ап. уджъяс 13:6

Дісӧ кытшовтігӧн воисны Пафӧ, сэні налы паныдасис Вар-Исус нима сэтчӧс тун да ылӧгпророк, ачыс сійӧ вӧлі иудей.

Ап. уджъяс 13:8

Элим тун – тадзи Вар-Исусӧс нимтісны грек кывйӧн – паныд сувтіс локтысьяслы. Сійӧ эз кӧсйы, мед діӧн веськӧдлысьыс эскис.

Ап. уджъяс 19:18

Унаӧн эскӧм бӧраныс волісны да висьтасисны асланыс лёк уджъясысь.

Еврейяслы 10:34

Кор ме пукалі дзескыдінын, ті нуинныд сьӧкыдсӧ мекӧд ӧтвыв. Тіянлысь эмбуртӧ мырддялігӧн ті нимкодясинныд, ӧд ті тӧдінныд, мый енэжас тіян эм ёна бурджык да бырлытӧм эмбур.