Ап. уджъяс 17:2 - Коми Библия 2023

² Павел, кыдзи и век, муніс сэтчӧ да куим вежон чӧж шойччан лунӧ сёрнитіс йӧзыскӧд. Вежа Гижӧдъяс вылӧ подуласьӧмӧн

Ап. уджъяс 17:2 Iomraidhean Croise

Исай 1:18

Локтӧй да сёрнитчам, – висьталӧ Господь. Тіян мыжъясныд кӧ пемыдгӧрд рӧмаӧсь, найӧ лоӧны лым кодь еджыдӧсь. Мыжъясныд кӧ чим гӧрд рӧмаӧсь, найӧ лоӧны еджыд вурун кодьӧсь.

Матвей 26:24

Морт Пи мунӧ, кыдзи гижӧма Сы йылысь. Но курыд шог Сійӧс вузалысьлы! Бурджык сылы вӧлі, эз кӧ чужлы».

Лука 4:16

Исус локтіс Назаретӧ, кӧні Сійӧ быдмис. Шойччан лунӧ, кыдзи пыр вӧчліс, Сійӧ муніс синагогаӧ. Сэні сувтіс лыддьыны Гижӧд.

Иоан 18:20

Исус вочавидзис: «Ме ставсӧ висьтавлі восьсӧн. Ме велӧді иудейясӧс синагогаясын да крамын, кӧні найӧ пыр чукӧртчывлӧны. Ме нинӧм эг висьтавлы гусьӧн.

Ап. уджъяс 13:14

А найӧ Пергиясянь мунісны писидияса Антиокия карӧ. Шойччан лунӧ найӧ пырисны синагогаӧ да пуксисны.

Ап. уджъяс 13:5

Кипрӧ воӧм бӧрын сувтісны Саламинӧ. Сэні иудейяслӧн синагогаясын висьталісны Енлысь кывсӧ. Накӧд тшӧтш вӧлі Иоан, коді отсасис налы.

Ап. уджъяс 14:1

Иконияын Павел да Варнава мунісны синагогаӧ да висьталісны сэні Енлысь кывсӧ. Иудейяс да грекъяс пиысь сэки унаӧн эскисны.

Ап. уджъяс 17:10

Вокъяс сійӧ жӧ войнас мӧдӧдісны Павелӧс да Силаӧс Верияӧ. Сэтчӧ воӧм мысти Павел да Сила мунісны иудейяслӧн синагогаӧ.

Ап. уджъяс 17:17

Синагогаын Павел ёна сёрнитіс иудейяскӧд да Енсьыс полысь мукӧд войтыркӧд. Быд лун сійӧ сёрнитіс йӧзыскӧд ывлаын.

Ап. уджъяс 18:4

Быд шойччан лунӧ Павел сёрнитіс синагогаын, ышӧдіс иудейясӧс да грекъясӧс эскыны.

Ап. уджъяс 19:8

Куим тӧлысь чӧж Павел ветлӧдліс синагогаӧ да повтӧг сёрнитіс сэні, эскӧдӧмӧн висьтавліс Енлӧн Юралӧм йылысь.

Ап. уджъяс 24:25

Но кор Павел висьталіс веськыда олӧм йылысь, асьтӧ кутӧм да локтана мыждӧм йылысь, Феликсӧс полӧм босьтіс. Сійӧ шуис: «Ӧні мун. Кад кӧ лоӧ, корла на».

Ап. уджъяс 28:23

Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.

Ап. уджъяс 8:35

Сэки Филип тайӧ гижӧдсяньыс пондіс висьтавны сылы Исус йылысь Бур Юӧрсӧ.

Ап. уджъяс 9:20

Савл дзик пыр пондіс юӧртны-висьтавны синагогаясын, мый Исус эм Ен Пи.

1 Коринфӧ 15:3

Ме висьтавлі тіянлы медколанаторсӧ, мый ачым босьті сьӧлӧмӧ: Гижӧдыс серти Кристос куліс миян мыжъяс вӧсна.

Ӧксыяслӧн 1 небӧг 12:7

Ӧні сувтӧй, а ме кута мыждыны тіянӧс Господь водзын. Кута казьтывны тіянлы Сылысь веськыд уджъяссӧ, мый Сійӧ вӧчис тіянлы да тіян батьяслы.