Ап. уджъяс 17:1 - Коми Библия 2023

¹ Павел да Сила мунісны Амфиполь да Аполония пыр Фессалоникаӧ. Сэні вӧлі иудейяслӧн синагога.

Ап. уджъяс 17:1 Iomraidhean Croise

Ап. уджъяс 14:1

Иконияын Павел да Варнава мунісны синагогаӧ да висьталісны сэні Енлысь кывсӧ. Иудейяс да грекъяс пиысь сэки унаӧн эскисны.

Ап. уджъяс 15:21

Мӧисейлысь Индӧдсӧ ӧд важысянь висьталӧны быд карын да быд шойччан лунӧ лыддьӧны синагогаын».

Ап. уджъяс 16:13

Шойччан лунӧ ми петім кар саяс да лэччим ю дорӧ, буретш сэтчӧ чукӧртчывлісны кевмысьны. Ми пуксим сэтчӧ локтысь аньяс дорӧ да пондім сёрнитны накӧд.

Ап. уджъяс 17:10

Вокъяс сійӧ жӧ войнас мӧдӧдісны Павелӧс да Силаӧс Верияӧ. Сэтчӧ воӧм мысти Павел да Сила мунісны иудейяслӧн синагогаӧ.

Ап. уджъяс 17:11

Фессалоникасаяс дорысь татчӧс иудейяс вӧліны восьса сьӧлӧмаӧсь. Найӧ сибӧдісны Енлысь кывсӧ став сьӧлӧмнас, быд лун лыддьысисны, видзӧдісны Гижӧдъясысь, збыльысь-ӧ ставыс тадз.

Ап. уджъяс 17:13

Кор Фессалоникаын иудейяс кылісны, мый Павел Верияын висьтавлӧ Енлысь кывсӧ, локтісны сэтчӧ да пондісны шызьӧдны сэтчӧс йӧзсӧ.

Ап. уджъяс 20:4

Асияӧдз Павелӧс колльӧдісны Верияысь Пирлӧн Сопатр пиыс, Фессалоникаысь Аристарк да Секунд, Дервияысь Гай, Тимофей да Асияысь Тихик Трӧпимкӧд.

Ап. уджъяс 27:2

Ми сӧлім Адрамитияысь кывтысь корабль вылӧ, сійӧ лӧсьӧдчис кывтны Асия муясті. Миянкӧд тшӧтш вӧлі Фессалоникаысь македонияса Аристарк.

Филипӧ 4:16

Весиг Фессалоникаӧ гоз-мӧдысь мӧдӧдлінныд меным олӧм вылӧ.

1 Фессалоникаӧ 1:1

Павел, Силуан да Тимофей чолӧмалӧны тіянӧс, Ен Батьлысь да Господь Исус Кристослысь фессалоникаса вичкоӧс. Буралӧм да лӧнь олӧм тіянлы Ен Батьнымсянь да Господь Исус Кристоссянь.

1 Фессалоникаӧ 2:2

Ті тӧданныд, мый таысь водзджык Филип карын ми уна сьӧкыд нуим, миянӧс янӧдісны да нӧйтісны. Но та вылӧ видзӧдтӧг, Ен отсӧгӧн, восьсӧн да повтӧг висьтавлім тіянлы Сылысь Бур Юӧрсӧ.

2 Фессалоникаӧ 1:1

Павел, Силуан да Тимофей чолӧмалӧны тіянӧс, миян Ен Батьлысь да Господь Исус Кристослысь фессалоникаса вичкоӧс.

2 Тимофейлы 4:10

Димас эновтіс менӧ да муніс Фессалоникаӧ. Сылы тайӧ мувывса олӧмыс мусаджык вӧлӧма. Крискент муніс Галатӧ, Тит – Далматияӧ, ӧтнас Лука мекӧд.