Ап. уджъяс 13:7 - Коми Библия 2023

⁷ Сійӧ оліс діӧн веськӧдлысь Сергий Павел ордын. Веськӧдлысьыс вӧлі сюсь вежӧра морт. Сійӧ кӧсйис кывны Енлысь кывсӧ, та вӧсна корис Варнаваӧс да Савлӧс ас ордас.

Ап. уджъяс 13:7 Iomraidhean Croise

Шусьӧгъяс 14:15

Вежӧртӧм морт эскӧ быд кывлы, вежӧра морт мӧвпалӧ, кытчӧ воськовтны.

Шусьӧгъяс 14:18

Вежӧртӧмлӧн олан пайыс – йӧйталӧм, вежӧралӧн юркытшыс – тӧдӧмлун.

Шусьӧгъяс 14:8

Вежӧра мортлӧн мывкыдлуныс тыдалӧ туйсӧ тӧдӧмас, вежӧртӧмлӧн йӧйталӧмыс тыдалӧ пӧръясьӧмас.

Шусьӧгъяс 18:15

Мортыд ловнас кор вына, вермытӧмсӧ вермӧ, а нюкыртчӧм ловнад коді вермас овны?

Осий 14:9

Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.

Ап. уджъяс 13:12

Діӧн веськӧдлысь кор аддзис тайӧ лоӧмторсӧ, шензис Господьлӧн велӧдӧмысь да кутіс эскыны.

Ап. уджъяс 13:8

Элим тун – тадзи Вар-Исусӧс нимтісны грек кывйӧн – паныд сувтіс локтысьяслы. Сійӧ эз кӧсйы, мед діӧн веськӧдлысьыс эскис.

Ап. уджъяс 18:12

Кор Акайяын пуксис веськӧдлыны Галлион, иудейяс сёрнитчисны босьтны Павелӧс. Найӧ вайӧдісны Павелӧс ёрдӧ.

Ап. уджъяс 19:38

Димитрийлӧн да сылӧн вӧчасьысьяслӧн кӧ эм норасьӧм кодкӧ вылӧ, мед шыасясны ёрдӧ да веськӧдлысьяс дінӧ, мед на водзын норасясны ӧта-мӧдныс вылӧ.

1 Фессалоникаӧ 5:21

Ставсӧ тӧдмалӧй, бурас кутчысьӧй.