Ап. уджъяс 13:19 - Коми Библия 2023

¹⁹ Сэсся бырӧдіс Ханаан муысь сизим войтырӧс да налысь муяссӧ юкліс миян батьяслы.

Ап. уджъяс 13:19 Iomraidhean Croise

Олӧм 12:5

Ӧврам босьтіс Сара гӧтырсӧ, вокыслысь Лот писӧ, став эмбурсӧ, йӧзӧс, кодъяс кесъялісны налы Харанын, да мӧдӧдчис Ханаан муӧ. Ханаанӧ воӧм бӧрын

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Ӧксыяслӧн 3 небӧг 6:1

Соломон пондіс лэптыны Господьлы крам Израильын аслас нёльӧд ӧксыалан воӧ, зиф нима мӧд тӧлысьӧ. Тайӧ вӧлі Израиль войтырлӧн Египетысь петӧмсянь нёльсё кӧкъямысдасӧд воын.

Неемий 9:24

Пияныс локтісны да босьтісны тайӧ мусӧ. Тэ сетін налӧн кипод улӧ сэтчӧс ханаан войтырӧс, сетін налӧн киӧ ӧксыясӧс да сэні олысь войтыръясӧс, медым вӧчисны тайӧ йӧзыскӧд асланыс кӧсйӧм серти.

Псалтыр 135:11

Сійӧ петкӧдіс Израиль войтырӧс Египетысь, Сылӧн буралӧмыс оз помасьлы.

Исай 34:17

Господь Ачыс пудъяліс налы мусӧ, Аслас киӧн мурталіс да юкліс налы мусӧ. Тайӧ муыс вичмас налы пыр кежлӧ, найӧ кутасны овны сэні нэмъяс чӧж.

Ап. уджъяс 7:45

Миян батьяс колисны вежа чомсӧ асланыс пиянлы. Сэсся найӧ Нав Исускӧд пыртісны сійӧс муӧ, кытысь Енмыс вӧтліс мукӧд войтыръясӧс. Тадзи вӧлі Давидлӧн олан лунъясӧдз.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Нав Исус 14:1

Израиль пиянлы Ханаан муысь вичмисны татшӧм муяс. Мусӧ налы юклісны Элазар поп, Навлӧн Исус пиыс да Израиль чужанкотыръяслӧн рӧдкутысьяс.

Нав Исус 18:10

Силомын Исус пудъяліс мусӧ Господь водзын да юкліс сійӧс Израиль чужанкотыръяслы.

Нав Исус 19:51

Элазар поп, Навлӧн Исус пиыс да Израиль чужанкотыръяслӧн рӧдкутысьяс пудъясьӧмӧн юклісны ставнас мусӧ Господь водзын Силомын, вежа чом пыранін дорын.

Нав Исус 23:4

Ме пудъясьӧмӧн юклі тіян чужанкотыръяслы мусӧ, мый босьтім тані олысь войтыръяслысь да сійӧ войтыръяслысь, кодъясӧс ме бырӧді Йӧрдан ю рытыввывсянь Ыджыд саридзӧдз.

Нав Исус 24:11

Ті вуджинныд Йӧрдан ю да локтінныд Ерикон кар дорӧ. Ериконса олысьяс, аморейяс, перезейяс, ханаансаяс, хеттейяс, гергесейяс, хивейяс да евуссаяс тышӧ петісны тіянлы паныд, но найӧс Ме сеті тіян киӧ.

Ёрдысьяс 11:26

Куимсё во нин Израиль войтыр олӧ Хешбон да Ароэр каръясын да нагӧгӧрса сиктъясын, тшӧтш Арнон ю бокын сулалысь каръясын. Мыйла нӧ ті водзынджыксӧ энӧ босьтӧй найӧс аслыныд?