Ап. уджъяс 12:7 - Коми Библия 2023

⁷ Виччысьтӧг Господьлӧн андел сувтіс сы водзӧ, и гӧгӧр югдіс. Петырлы инмӧдчиг андел садьмӧдіс сійӧс да шуис: «Чеччы ӧдйӧджык». Петырлӧн киыс дзик пыр мыніс чепъясысь.

Ап. уджъяс 12:7 Iomraidhean Croise

Ӧксыяслӧн 2 небӧг 22:29

Господьӧй, Тэ меным югдӧдысь биыс, Тэ югдӧдан менсьым пемыдӧс.

Ӧксыяслӧн 3 небӧг 19:5

Сэсся водіс пу улӧ да унмовсис. Сэки андел инмӧдчис сы дінӧ да шуис: «Чеччы, сёй [да ю]».

Ӧксыяслӧн 3 небӧг 19:7

Господьлӧн андел мӧдысь локтіс, инмӧдчис Илля дінӧ да шуис: «Чеччы, сёй [да ю]. Тэнӧ кузь туй виччысьӧ».

Псалтыр 107:14

Енмыскӧд ми вӧчам ыджыд уджъяс, миянӧс дзескӧдысьясӧс Сійӧ талялас.

Псалтыр 146:7

Сьылӧй Господьлы, аттьӧалӧй Сійӧс, ворсӧй миян Енлы гуслиӧн.

Псалтыр 34:7

Ме нинӧм лёксӧ эг вӧч, но найӧ пуктісны нальк, медым кыйны менӧ, кодйисны джуджыд гу, медым босьтны менсьым олӧмӧс.

Псалтыр 68:6

Енмӧй, Тэ тӧдан менсьым мывкыдтӧм олӧмӧс, аддзан менсьым мыжъясӧс.

Исай 37:30

Со, Езекей, тэныд пас. Тайӧ вонас ті сёянныд усьӧм тусьясысь быдмӧм няньсӧ, мӧд вонас сёянныд, мый ачыс чужас, а коймӧд вонас кӧдзанныд да вунданныд, пуктанныд виноград пуяс да сёянныд налысь вотӧссӧ.

Исай 60:1

Чеччы, югъяв, Ерусалим, ӧд тэнад югыдыд ӧзйис, тэ весьтын Господьлӧн дзирдлуныс тыдовтчис.

Еремей 40:1

Еремейӧс вӧлі дорӧма чепъясӧн да нуӧдӧма Рама карӧ. Сійӧ вӧлі пленӧ босьтӧмаяс пӧвстын, кодъясӧс вӧлі нуӧдӧны Ерусалимысь да Иудаысь Вавилонӧ. Рама карын Еремейлы вӧлі Господьсянь кыв сы бӧрти, кор Навузардан, ӧксыӧс видзысьяслӧн юралысь, лэдзис сійӧс вӧля вылӧ.

Езекиль 43:2

Ме аддзи, мый асыввывсянь матыстчӧ Израиль Енлӧн дзирдлуныс. Ме кылі бузгысь ыджыд валысь кодь шы. Господьлӧн дзирдлунысь муыс югдіс.

Даниил 3:28

Тэ веськыда мыждін миянӧс да миян батьяслысь вежа Ерусалим карсӧ, Тэ мыждін Аслад збыльыд серти, миян мыжъяс вӧсна став тайӧ сьӧкыдсӧ Тэ мӧдӧдін миянлы.

Даниил 6:22

Менам Енмӧй мӧдӧдіс Ассьыс анделсӧ, и сійӧ тупкис левъяслысь вомсӧ. Найӧ эз вермыны вӧчны меным лёксӧ, ӧд Ен водзас ме сӧстӧм, и тэ водзын, ӧксыӧй, ме нинӧмӧн эг мыжмы».

Микей 7:9

Ме мыжа Господь водзын, та вӧсна меным колӧ нуны Сылысь скӧрлунсӧ, кытчӧдз Сійӧ оз видлав менсьым мыжӧс да оз бурсьӧлӧмтчы ме дінӧ. Сэки Сійӧ петкӧдас менӧ югыдас, и ме аддза Сылысь веськыдлунсӧ.

Аввакум 3:11

Тэнад ыпъялысь ньӧвъясысь, Тэнад чардби моз сявкйысь шы помысь шондіыс да тӧлысьыс сувтӧны.

Аввакум 3:4

Сійӧ югъялӧ шонді моз, Сылӧн киысь вартӧ югӧрыс – Ассьыс вынсӧ сэтчӧ дзебӧма.

Матвей 2:13

Тӧдысьяслӧн мунӧм бӧрын Господьлӧн андел петкӧдчис Ӧсиплы вӧтас да шуис: «Чеччы, босьт кагатӧ мамыскӧд да пышйы Египет муӧ. Ов сэні менам шутӧдз. Ирӧд кутас корсьны кагатӧ, мед вины Сійӧс».

Лука 2:9

Виччысьтӧг на водзӧ сувтіс Господьлӧн андел. Господьлӧн дзирдлуныс югзьӧдіс ыж видзысьясӧс, да найӧ ёна повзисны.

Лука 24:4

Аньяс шӧйӧвошисны. Виччысьтӧг на водзӧ сувтісны дзирдалан паськӧма кык морт.

Ап. уджъяс 10:30

Корнилий висьталіс: «Куим лун сайын дзик тайӧ кадас куим часын ме видзалӧмӧн кевмыси гортын. Сэки сувтіс ме водзӧ дзирдалан паськӧма морт

Ап. уджъяс 12:23

Сэки Господьлӧн андел чорыда дойдіс Ирӧдӧс, ӧд Енлы пыдди сійӧ аслыс босьтіс ошкӧмсӧ. Сійӧс ловъявывсьыс сёйисны номыръяс.

Ап. уджъяс 12:6

Петкӧдан лунлы паныда войӧ Петыр узис кык шыпурта костын. Сійӧс вӧлі дорӧма кык чептӧн, а дзескыдін ӧдзӧс дорын сулалісны видзысьяс.

Ап. уджъяс 12:8

Андел шуис: «Вӧнясь да кӧмась». Петыр кывзысис. Сэсся андел шуис: «Пасьтав вылыс паськӧмтӧ да лок ме бӧрся».

Ап. уджъяс 16:26

Виччысьтӧг муыс пондіс ёна вӧрны, дзескыдінлӧн подулыс вӧрзис, ӧдзӧсъяс воссисны, пукалысьяслӧн ки-коксьыныс кӧртӧдъяс разьсисны.

Ап. уджъяс 2:24

Но Енмыс ловзьӧдіс Сійӧс да мездіс кулӧмыслӧн вын улысь. Кулӧмыс эз вермы Сійӧс кутны.

Ап. уджъяс 5:19

Войнас Господьлӧн андел восьтіс дзескыдінысь ӧдзӧсъяссӧ да петкӧдіс найӧс сэтысь. Андел шуис налы:

Ап. уджъяс 9:3

Дамаскӧ матыстчигӧн туй вылас Савл гӧгӧр виччысьтӧг югнитіс енэжсяньыс югыд.

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Восьтӧм 18:1

Та бӧрын ме аддзи нӧшта ӧти анделӧс, коді лэччис енэжсяньыс. Сылӧн вӧлі ыджыд вын, и муыс ставнас югдіс сылӧн дзирдлунысь.