Ап. уджъяс 12:5 - Коми Библия 2023

⁵ Петырӧс видзисны дзескыдінын, а вичко дугдывтӧг кевмысис сы вӧсна Енлы.

Ап. уджъяс 12:5 Iomraidhean Croise

Матвей 18:19

Веськыда висьтала тіянлы: тіян пиысь кӧ кыкӧн ӧтвыв корасны мыйкӧ, енэжвыв Батьӧй сетас налы.

Лука 18:1

Исус висьталіс велӧданвисьт, мый оз ков лигышмунны, а дугдывтӧг кевмысьны.

Ап. уджъяс 12:12

Тайӧс гӧгӧрвоӧм бӧрын Петыр мӧдӧдчис Иоанлӧн Марья мамыс ордӧ. Тайӧ Иоансӧ шуисны Маркӧн. Сэні вель унаӧн вӧлі чукӧртчӧмаӧсь кевмысьны.

Ап. уджъяс 12:4

Петырӧс босьтісны да йӧртісны дзескыдінӧ. Шыпуртаяслы тшӧктісны видзны сійӧс нёльӧн-нёльӧн да нёльысь вежласьӧмӧн. Ирӧд шуис Ыджыд лун бӧрын петкӧдны сійӧс йӧз водзӧ.

Ап. уджъяс 12:6

Петкӧдан лунлы паныда войӧ Петыр узис кык шыпурта костын. Сійӧс вӧлі дорӧма кык чептӧн, а дзескыдін ӧдзӧс дорын сулалісны видзысьяс.

1 Коринфӧ 12:26

Сьӧкыдалӧ кӧ вир-яйлӧн ӧти юкӧн, сыкӧд тшӧтш сьӧкыдалӧ мукӧд юкӧныс. Ошкӧны кӧ вир-яйлысь ӧти юкӧн, сыкӧд тшӧтш нимкодясьӧ мукӧд юкӧныс.

1 Фессалоникаӧ 5:17

Дугдывтӧг кевмысьӧй.

Еврейяслы 13:3

Тӧждысьӧй дзескыдінын пукалысьяс вӧсна, быттьӧ ті на моз пукаланныд дзескыдінын. Энӧ вунӧдӧй найӧс, кодъясӧс нӧйтӧны, ті ӧд асьныд тӧданныд, мый сэтшӧм дойыс.

Яков 5:16

Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.