Ап. уджъяс 12:3 - Коми Библия 2023

³ Ирӧд аддзис, мый тайӧ сьӧлӧм вылас воис иудейяслы, да тшӧктіс босьтны тшӧтш Петырӧс. Сэки буретш пасйисны Шомтӧм нянь сёян лунъяс.

Ап. уджъяс 12:3 Iomraidhean Croise

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Петӧм 23:15

Менам тшӧктӧм серти индӧм кадӧ авив тӧлысьӧ сизим лун чӧж пасйӧй Шомтӧм нянь сёян лунъяс. Сёйӧй сэки шомтӧм нянь. Ӧд авив тӧлысьӧ ті петінныд Египетысь. Энӧ локтӧй Ме водзӧ куш киӧн.

Матвей 26:17

Шомтӧм нянь сёян лунъяс дырйи медводдза лунӧ Исус дінӧ локтісны велӧдчысьясыс да юалісны: «Кӧні кӧсъян сёйны ыджыдлунся баляӧс? Ми мунам да дасьтам».

Иоан 12:43

Ӧд Енлӧн ошкӧм дорысь налы мусаджык вӧлі йӧзлӧн ошкӧмыс.

Иоан 19:11

Исус вочавидзис: «Тэ эськӧ нинӧм эн вермы вӧчны Мекӧд, эз кӧ вӧв сетӧма тэныд вылісянь. Та вӧсна Менӧ вузалысь ёнджыка на мыжа».

Иоан 21:18

Веськыда, веськыда висьтала тэныд: томдырйиыд тэ ачыд вӧнясьлін да ветлін, кытчӧ кӧсйин. Пӧрысьман да, нюжӧдан китӧ, сэки мӧд тэнӧ вӧньӧдас да нуӧдас, кытчӧ он кӧсйы».

Ап. уджъяс 12:4

Петырӧс босьтісны да йӧртісны дзескыдінӧ. Шыпуртаяслы тшӧктісны видзны сійӧс нёльӧн-нёльӧн да нёльысь вежласьӧмӧн. Ирӧд шуис Ыджыд лун бӧрын петкӧдны сійӧс йӧз водзӧ.

Ап. уджъяс 2:14

Петыр сувтіс дас ӧтиыскӧд да гораа шыасис: «Иудей войтыр да Ерусалимын мукӧд олысьяс! Кывзӧй менӧ да тӧд выланыд босьтӧй менсьым висьталӧмӧс.

Ап. уджъяс 20:6

Шомтӧм нянь сёян лунъяс бӧрын ми петім Филип карысь да вит лунӧн воӧдчим на дінӧ Троадаӧ. Сэні олім вежон чӧж.

Ап. уджъяс 24:27

Кык во мысти Феликс пыдди юралысьӧ пуксис Порций Фест. И медым шогмыны иудейяслы, Феликс колис Павелӧс дзескыдінӧ.

Ап. уджъяс 25:9

Мед бурӧн кольны иудейяс водзын, Фест шуис Павеллы: «Кӧсъян-ӧ мунны Ерусалимӧ, мед сэні менам ёрд водзӧ сувтны?»

Ап. уджъяс 4:13

Кор веськӧдлысьяс да юрнуӧдысьяс аддзисны Петыр да Иоанлысь повтӧмлунсӧ да казялісны, мый найӧ велӧдчытӧм йӧз, ёна шензисны. Гӧгӧрвоисны, мый найӧ вӧлӧмаӧсь Исускӧд.

Галатӧ 1:10

Йӧзсянь-ӧ, Енсянь-ӧ виччыся ме ошкӧмсӧ? Йӧзлы ӧмӧй зіля шогмынысӧ? Ме кӧ зіли шогмыны йӧзлы, сэки эськӧ эг вӧв Кристослӧн кесйӧг.

1 Фессалоникаӧ 2:4

Енмыс водзвыв тӧдмаліс миянӧс да лыддис шогманаясӧн висьтавлыны Сылысь Бур Юӧрсӧ, та вӧсна и висьтавлам. Ми зілям шогмыны Енмыслы, а огӧ йӧзыслы, ӧд Сійӧ тӧдӧ миянлысь сьӧлӧмнымӧс.