Ап. уджъяс 10:40 - Коми Библия 2023

⁴⁰ Но Енмыс ловзьӧдіс Сійӧс коймӧд луннас да сетіс Сылы петкӧдчывны,

Ап. уджъяс 10:40 Iomraidhean Croise

Иоан 14:22

Мӧд Иуда, абу Искариот, шуис Исуслы: «Господьӧй, мыйла Тэ кӧсъян воссьыны миянлы, а он муюгыдыслы?»

Ап. уджъяс 17:31

Ӧд Сійӧ индіс лун, кор пондас веськыда мыждыны став муюгыдсӧ водзвыв индӧм Морт пыр. Ассьыс шуӧмсӧ быдӧнлы тӧдмӧн Енмыс вынсьӧдіс, кор ловзьӧдіс Сійӧс кулӧмысь».

Ап. уджъяс 2:24

Но Енмыс ловзьӧдіс Сійӧс да мездіс кулӧмыслӧн вын улысь. Кулӧмыс эз вермы Сійӧс кутны.

Ап. уджъяс 2:32

Дзик тайӧ Исусӧс Енмыс ловзьӧдіс, и ми ставным тайӧс аддзылім.

Римӧ 1:4

Кулӧмысь ловзьӧмнас Сійӧ воссис Вына Ен Пиӧн да Ловсянь вежаӧн. Сійӧ – Исус Кристос, миян Господь.

Римӧ 14:9

Кристос ӧд куліс, ловзис да олӧ, медым ыджыдавны кулӧмаяс да ловъяяс вылын.

Римӧ 8:11

Тіян пытшкын кӧ олӧ Енлӧн Лолыс, коді ловзьӧдіс Исусӧс кулӧмысь, сідзкӧ, Кристосӧс Ловзьӧдысь ловзьӧдас тшӧтш тіянлысь кулана вир-яйнытӧ сійӧ Ловнас, коді олӧ тіян пытшкын.

2 Коринфӧ 4:14

Ми тӧдам, мый Сійӧ, коді ловзьӧдіс Господь Исусӧс, ловзьӧдас Исус пыр тшӧтш миянӧс да сувтӧдас тіянкӧд Ас водзас.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

1 Петыр 1:21

Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.