Амос 9:10 - Коми Библия 2023

¹⁰ Шыпурт помысь куласны Менам войтыр пӧвстысь став мыжа йӧзыс, кодъяс шуӧны: «Оз су миянӧс лёкыс, оз во сійӧ миянӧдз!»

Амос 9:10 Iomraidhean Croise

Еклесиаст 8:11

Лёк вӧчысьӧс кӧ дзик пыр оз мыждыны, сэки сійӧ водзӧ кутас лёксӧ вӧчны.

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Исай 5:19

Найӧ шуалӧны: «Мед ӧдйӧджык тыдовтчасны Господьлӧн уджъясыс, медым ми аддзим найӧс. Мед ӧдйӧджык инасны Израильлӧн вежа Енлӧн кывъясыс, медым ми казялім тайӧс».

Исай 56:12

Найӧ шуалӧны: «Локтӧй, ме перъя вина, коддзымӧн юам сур. Аскиа луныс лоӧ татшӧм жӧ, да нӧшта на бурджык!»

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 23:17

Менӧ мустӧмтысьяслы найӧ пыр дольӧны, Господь пӧ висьталӧ, мый тіян век лоӧ лӧнь олӧм. Налы, кодъяс чорзьӧдӧмаӧсь ассьыныс сьӧлӧмнысӧ, тайӧ пророкъясыс шуӧны, шогыс пӧ оз су тіянӧс.

Еремей 29:32

Та вӧсна Господь тадзи висьталӧ: Ме мыжда Нехеламысь Шемайӧс да сысянь чужысьясӧс. Сысянь чужысьяс пӧвстысь некод оз кут овны тайӧ войтырыс пӧвстын, некод оз аддзы сійӧ бурсӧ, мый Ме вӧча Аслам войтырлы, – висьталӧ Господь, – ӧд Шемай ышӧдіс тайӧ войтырсӧ Господьлы паныд кыпӧдчыны».

Езекиль 20:38

Тіян пӧвстысь торйӧда Меным паныд кыпӧдчысьясӧс да Менсьым кывзысьтӧмъясӧс. Ме петкӧда найӧс муысь, кӧні найӧ олӧны локтысьяс моз, но Израиль муӧ найӧ оз пырны. Сэки ті тӧдмаланныд, мый Ме – Господь.

Амос 6:1

Курыд шог тіянлы, войтыр пӧвстысь медтӧдчанаяслы, кодъяс вылӧ став Израиль лача кутӧ. Ті тӧждысьтӧг оланныд Сионын да Самария керӧс вылын.

Амос 6:3

Ті кӧсъянныд ылыстны сійӧ лунсӧ, кор лёкыс суас тіянӧс, но ті асланыд виалӧм-дзескӧдӧмӧн матыстанныд сійӧс.

Амос 9:8

Ме, Господь Ыджыдыс, видзӧдла мыжа войтыр вылӧ да бырӧда найӧс му вылысь. Но Яковлысь рӧдсӧ Ме ог ставнас бырӧд, – висьталӧ Господь. –

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Закар 1:6

Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».

Малакий 3:15

Ми пӧ аддзам мӧдтор: вылӧ кыпӧдчысьяс шудаӧсь, лёк вӧчысьяслӧн олӧмас ставыс артмӧ, найӧ дӧзмӧдӧны Енсӧ, но кольӧны мыждытӧг.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.