Амос 9:1 - Коми Библия 2023

¹ Ме аддзылі висьпуктанін дорын сулалысь Господьӧс. Сійӧ шуис: – Кучкы вылісяньыс сюръяясӧ, медым ӧдзӧс тагӧсъяс вӧрзясны. Пӧрӧд сюръяяссӧ йӧзыслы юр выланыс. Коді ловйӧн кольӧ, сійӧс Ме шыпуртӧн виа – некод оз вермы пышйыны-мездысьны.

Амос 9:1 Iomraidhean Croise

2 Каднебӧг 18:18

Микей водзӧ висьталіс: «Кывзӧй Господьлысь кывсӧ! Ме аддзылі Господьӧс, Сійӧ пукаліс Аслас юралан пуклӧсын. Сыкӧд орччӧн, шуйгаладорас и веськыдладорас, сулалісны енэжвывса тышкакотыръяс.

Псалтыр 68:21

Лёкӧдӧмыс дойдіс менсьым сьӧлӧмӧс, ме дзикӧдз жебми. Ме виччыси жалитӧм, но сійӧ эз ло, виччыси бурӧдысьясӧс, но найӧ эз тыдавны.

Псалтыр 68:22

Сёян пыдди меным сетісны курыд сӧп, горш косьмигӧн менӧ юктӧдісны уксусӧн.

Исай 30:16

Ті шуинныд: «Ми котӧртам вӧвъяс вылын», та вӧсна тіянлы и ковмас пышйыны. Ті шуинныд: «Ми рӧдтам тэрыб вӧвъяс вылын», та вӧсна тіянӧс вӧтӧдысьясныд лоӧны тэрыбӧсь.

Исай 6:1

Озей ӧксылӧн кулан воӧ ме аддзылі Господьӧс. Сійӧ пукаліс выліинын сулалысь джуджыд юралан пуклӧсын. Сылӧн паськӧм пӧлаыс вевттис ставнас крам пытшкӧссӧ.

Еремей 11:11

Та вӧсна Господь тадзи висьталӧ: «Ме мӧдӧда на вылӧ шог, и найӧ оз вермыны сыысь пышйынысӧ. Найӧ шыасясны Ме дінӧ, но Ме ог кыв найӧс.

Еремей 42:16

сідзкӧ, шыпурт, мыйысь ті поланныд, да тшыглун, мыйысь тіянӧс полӧм босьтӧ, суасны тіянӧс Египет муын, и сэні ті куланныд.

Еремей 48:44

Коді пышъяс повзьӧдлӧмысь, сійӧ гуӧ усяс, коді петас гусьыс, сійӧ налькйӧ веськалас. Ме мӧдӧда Моавлы сійӧс мыждан во, – висьталӧ Господь.

Езекиль 1:28

Сійӧс кытшалысь дзирдалӧмыс вӧлі зэр дырйи кымӧръясын мыччысьӧм ӧшкамӧшка кодь.

Езекиль 10:4

Господьлӧн дзирдлуныс кыпӧдчис херувимъяс вылысь да вуджис крам ӧдзӧслань. Крамсӧ тыртіс кымӧр, а крам йӧрыс тырис Господьлӧн дзирдлунӧн.

Езекиль 15:7

Ме сувта налы паныд. Найӧ вермасны петны биысь, но мӧд би ньылыштас найӧс. Кор Ме сувта налы паныд, сэки ті тӧдмаланныд, мый Ме – Господь.

Езекиль 9:2

Сэки квайт морт локтісны войвывлань видзӧдысь вылыс дзиръя дорсянь. Быдӧнлӧн киас вӧлі виалӧм могысь тышкасянтор. Накӧд тшӧтш локтіс шабді паськӧма морт, кодлӧн вӧнь бердас вӧлі гижасянтор. Локтысьяс сувтісны ыргӧн висьпуктанін дорӧ.

Амос 3:14

Сійӧ лунӧ, кор Ме мыжда Израиль войтырӧс налӧн мыжъясысь, Ме бырӧда Вефильысь висьпуктанінъяс. Висьпуктанінлысь сюръяссӧ керыштасны да шыбитасны муӧ.

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».

Амос 7:9

Исаак рӧдлӧн вись ваян мылькъясыс кушмасны, Израильлысь вежаинъяссӧ лоӧ жуглӧма, Ме сувта шыпуртӧн Еровам рӧдлы паныд.

Аввакум 3:13

Тэ петан мездыны Ассьыд войтыртӧ, дорйыны Ассьыд мавтыштӧматӧ. Тэ пасьвартан лёк вӧчысьяслысь юралысьсӧ, колян сійӧс нинӧмтӧг.

Софоний 1:12

Сійӧ кадас Ме би ӧзтӧмӧн кытшовта Ерусалим, корся да мыжда найӧс, кодъяс дундӧмаӧсь вина-сурысь, кодъяс мӧвпалӧны: «Бурсӧ ни лёксӧ оз вӧч миянлы Господь».

Софоний 2:14

Сэні кутасны узьны-шойччыны пемӧс чукӧръяс да вӧлявывса зверъяс, ёж да пеликан кутасны узьны усьӧм сюръяяс дорын, стен розьясысь кутас кывны налӧн гӧлӧс шыныс. Ӧдзӧс тагӧсъяссӧ лоӧ жугӧдӧма, сус пу эжӧдсӧ стенъяссьыс лоӧ кульӧма.

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 1:32

Иоан веськыда висьталіс: «Ме аддзылі, кыдзи енэжсянь гулю моз лэччис Лов да кольччис Сы вылӧ.

Ап. уджъяс 26:13

Луншӧр кадӧ, кор ме вӧлі туйын на, аддзи, ӧксыӧй, кыдзи ме да мекӧд мунысьяс гӧгӧр югнитіс енэжсяньыс югыд. Сійӧ вӧлі шонді югӧрысь на яр.

Нав Исус 10:18

сійӧ шуис: «Кырта горс вомсӧ тупкӧй ыджыд изъясӧн да сувтӧдӧй видзысьясӧс.

Восьтӧм 1:17

Сійӧс аддзӧм бӧрын ме кулӧм морт моз уси Сылӧн кок улӧ. Но Сійӧ пуктіс ме вылӧ веськыд кисӧ да шуис: «Эн пов, Ме эм Медводдзаыс и Медбӧръяыс.

Восьтӧм 8:3

Сэсся матыстчис нӧшта ӧти андел да сувтіс тшынӧдчан висьпуктанін водзӧ. Киас сійӧ кутіс зарни тшынӧдчан доз. Сылы вӧлі сетӧма уна ладан, медым вежа войтырлӧн кевмысьӧмъяснас пуктыны сійӧс зарни тшынӧдчан висьпуктанін вылӧ, мый сулаліс юралан пуклӧс водзын.