Амос 7:8 - Коми Библия 2023

⁸ Господь юаліс менсьым: «Мый тэ аддзан, Амос?» Ме вочавидзи: «Изъя кӧв». Господь шуис: «Тайӧ изъя кӧвнас Ме тӧдмала Ассьым Израиль войтырӧс, медым аддзыны, веськыдӧсь-ӧ найӧ. Водзӧ найӧс ог прӧстит».

Амос 7:8 Iomraidhean Croise

Ӧксыяслӧн 4 небӧг 21:13

Ме муртала Ерусалимлы мыждӧмсӧ сідзи жӧ, кыдзи мурталі Самария карлы. Ме весита Ерусалимӧс сійӧ жӧ вескинас, мыйӧн веситі Ахавлысь рӧдсӧ. Кыдзи тасьті чышкалӧны да кымыньтӧны, тадзи вӧча тшӧтш Ерусалимкӧд.

Исай 28:17

Веськыда мыждӧмсӧ Ме вӧча мурталан кӧвйӧн, веськыда вӧчӧмсӧ – вескиӧн. Ылӧгыслысь сайӧдчанінсӧ лоӧ бырӧдӧма шерӧн, тіянлысь вевттьӧднытӧ кылӧдас ва.

Исай 34:11

Сійӧ лоӧ пеликанъяслӧн да ёжъяслӧн оланінӧн, сэтчӧ овмӧдчасны сюзьяс да кырнышъяс. Господь мурталас сійӧс кӧвйӧн, веситас вескиӧн, медым вӧчны сійӧс кушӧн да мыгӧртӧмӧн.

Еремей 15:6

Тэ эновтін Менӧ, – висьталӧ Господь, – тэ кежин Меысь. Та вӧсна Ме лэпта тэ вылӧ Ассьым киӧс да бырӧда тэнӧ, Ме мудзи тэ дінӧ буравны.

Бӧрданкыв 2:8

Господь шуис жугӧдны Сионлысь стенъяссӧ. Сійӧ нюжӧдіс мурталан кӧв, Ассьыс кисӧ бырӧдӧмысь эз вешты. Ортсы пыкӧдъяссӧ жугліс, найӧ стенмыскӧд тшӧтш киссисны.

Осий 1:6

Гомера бара кутіс нӧбасьны да чужтіс нылӧс. Господь шуис Осийлы: «Пукты сылы Ло-Рухама ним, ӧд водзӧ Ме ог ло бур сьӧлӧма Израиль войтыр дінӧ да ог прӧстит сійӧс.

Амос 7:7

Со мый петкӧдліс меным Господь Ыджыдыс. Сійӧ сулаліс карса стен вылын, киас кутіс изъя кӧв.

Амос 8:2

Господь юаліс: «Мый тэ аддзан, Амос?» Ме вочавидзи: «Кисьмӧм яблӧг-груша тыра куд». Господь шуис меным: «Менам Израиль войтырлы пом воис. Водзӧ найӧс ог прӧстит».

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Закар 4:10

Весиг найӧ, кодъяс нинӧмӧ пуктісны крам панӧмсӧ, кутасны нимкодясьны, кор Зоровавельлӧн киысь аддзасны изъя кӧв. «Сизим биыс – тайӧ Господьлӧн синъясыс, кодъяс видзӧдӧны став муюгыд бӧрсяыс».

Закар 4:2

Сійӧ юаліс менсьым: «Мый тэ аддзан?» Ме вочавидзи: «Аддза зарни бикок. Бикок вылас вый доз. Доз дорыш гӧгӧрыс – сизим би петанін, быд би петанінын ӧзъялӧ сизим петель.

Закар 5:2

Андел юаліс: «Мый тэ аддзан?» Ме вочавидзи: «Аддза, мый гартӧм гижӧд лэбӧ. Сійӧ – кызь гырддза кузьта да дас гырддза пасьта».