Амос 6:10 - Коми Библия 2023

¹⁰ Кор шойысла локтас рӧдвужсьыс кодкӧ али шойяс сотысь да юалас керкаас пукалысьлысь: «Эм-ӧ на кодкӧ тэкӧд?», мӧдыс вочавидзас: «Абу». Локтысь содтас: «Чӧв ов! Господьлысь нимсӧ тані эн казьтыв».

Амос 6:10 Iomraidhean Croise

Ӧксыяслӧн 4 небӧг 23:16

Гӧгӧрбок видзӧдалігӧн Иосей аддзис керӧс пӧлӧнысь шойна. Сійӧ тшӧктіс перъявны сэтысь лыяссӧ да сотіс найӧс висьпуктанін вылын. Тадзи пежаліс висьпуктанінсӧ Господьлӧн шуӧмыс серти, мый йылысь Енлӧн морт водзынджык юӧртліс. [Сійӧ юӧртліс та йылысь сэки, кор Еровам ӧксы сулаліс гаж дырйи висьпуктанін водзын. А ӧні гӧгӧрбок видзӧдалігӧн Иосей аддзис дзебанінсӧ Енлӧн мортлысь, коді водзвыв висьтавліс тайӧ лоӧмторйыс йылысь.]

Ӧксыяслӧн 4 небӧг 6:33

Налӧн сёрнитігкості пырис на дінӧ ӧксылӧн мӧдӧдӧм мортыс да шуис, кыдзи ӧксы тшӧктіс: «Тайӧ ыджыд шогсӧ ыстіс миянлы Господь! Мый меным водзӧ виччысьны Сысянь?»

Еремей 16:6

Тайӧ муас куласны ичӧтъяс и гырысьяс, но найӧс некод оз гуав, некод оз кут бӧрдны на вӧсна, некод оз вундав ассьыс вир-яйсӧ да оз шыр юрсисӧ на вӧсна.

Еремей 44:26

Египетын олысь Иуда войтыр, кывзӧй Господьлысь кывсӧ! Ме кыв сетӧмӧн кӧсйыся Аслам вына нимӧн, – висьталӧ Господь, – Египетын Иуда войтыр пӧвстысь некод оз нин кыв сет Господь Ыджыдыс водзын.

Еремей 9:21

Ӧд кулӧмыс пырӧ ӧшиньӧд, пырӧ миян керкаясӧ. Уличьяс вылын сійӧ бырӧдӧ челядьӧс, изэрдъяс вылын – том зонъясӧс.

Езекиль 20:39

Господь Ыджыдыс тадзи висьталӧ: Израиль войтыр, ті кӧ онӧ кӧсйӧй Менсьым кывзысьны, мунӧй асланыд идолъяс дінӧ да юрбитӧй налы. Менсьым вежа нимӧс ті онӧ нин пежалӧй асланыд идолъясӧн да налы вайӧм козинъясӧн.

Езекиль 24:21

Господь Ыджыдыс тшӧктіс меным висьтавны Израиль войтырлы, мый Сійӧ тадзи висьталӧ: Ме сета пежавны Ассьым вежаинӧс – тіянлысь син гажӧданторнытӧ да сьӧлӧм бурӧданторнытӧ, тіянлысь зумыд пыкӧднытӧ, мыйӧн ті ошйысянныд. Ныв-пиныд, кодъясӧс ті колинныд карас, куласны шыпурт помысь.

Амос 5:13

Та вӧсна вежӧра морт татшӧм кадӧ чӧв олӧ, ӧд тайӧ лёк кад.

Амос 8:3

Сійӧ лунӧ гажӧдчан сьыланкывъяс вежсясны бӧрдӧмӧн, – висьталӧ Господь Ыджыдыс. – Быдлаын кутасны туплясьны шыбитӧм шойяс. Чӧв олӧй!

Лыд 17:12

Израиль пиян шуисны Мӧисейлы: «Ми кулам, ми ставным кулам!

Ӧксыяслӧн 1 небӧг 31:12

сэки став збой йӧзыс петісны туйӧ да войбыд мунісны. Найӧ босьтісны Сауллысь да пияныслысь шойяссӧ, кодъяс ӧшалісны Бет-Шеан стен бердын, вайисны Явис карӧ да сотісны.