Амос 4:13 - Коми Библия 2023

¹³ Со, Сійӧ вӧчис керӧсъяссӧ, артмӧдіс тӧвсӧ. Сійӧ висьталӧ мортлы Ассьыс кӧсйӧмсӧ. Асъя югыдсӧ Сійӧ вежӧ пемыдӧн, ветлӧдлӧ керӧсъяс вывті. Сылӧн нимыс – Господь, Ен Саваоф.

Амос 4:13 Iomraidhean Croise

Иов 9:7

Сійӧ вевттьӧ кодзувъяс, ӧлӧдӧ шондісӧ, и шонді оз пет.

Псалтыр 135:7

Сійӧ вӧчис ыджыд югзьӧданторъяс, Сылӧн буралӧмыс оз помасьлы.

Псалтыр 139:2

Господьӧй, мезды менӧ лёк йӧзысь, видз менӧ виалысь-дзескӧдысьясысь!

Псалтыр 65:6

Саридзсӧ Сійӧ вӧчис кос муӧн, войтырыс подӧн вуджис саридз вомӧн, та вӧсна ми нимкодясям Сыӧн.

Петӧм 10:22

Мӧисей лэптіс кисӧ енэжланьыс, и пуксис сап пемыд. Тадзи вӧлі куим лун чӧж Египет муын.

Петӧм 14:20

Тадзи кымӧр сюръяыс лои египетса йӧз да Израиль войтыр костын. Кымӧр сюръяыс египетсалы вӧлі сьӧд пемыдӧн, а израильсалы сійӧ войбыд югдӧдіс. Тадзи кык войтыр эз вермыны матыстчыны ӧта-мӧд дінас.

Исай 40:12

Коді мурталіс васӧ аслас соддзӧн, коді мурталіс енэжсӧ кинас, коді веситіс мувывса буссӧ, вескиӧн тӧдмаліс керӧсъяслысь сьӧктасӧ?

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Исай 47:4

Миян Мездысьным – Израильлӧн вежа Ен, Сылӧн нимыс – Господь Саваоф!

Исай 48:2

Ті шуанныд асьнытӧ вежа карысь петысьясӧн, ті лача кутанныд Израильлӧн Ен вылӧ. Сылӧн нимыс – Господь Саваоф.

Исай 5:30

Сійӧ лунӧ найӧ уськӧдчасны тайӧ му вылас, налӧн равзӧмыс лоӧ гызьӧм саридзлӧн шы кодь. Сэки видзӧдлан му вылас, аддзан сап пемыд да шогсьӧм, и кымӧръяс вевттясны югыдсӧ.

Еремей 10:13

Кор Сійӧ сетӧ гӧлӧс шысӧ, ваыс енэжас гораа ызгӧ. Му помсяньыс Сійӧ кыпӧдӧ кымӧръяс, мӧдӧдӧ чардби да зэр, Аслас видзанінысь лэдзӧ тӧвныр.

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Еремей 51:16

Кор Сійӧ сетӧ гӧлӧс шысӧ, ваыс енэжас гораа ызгӧ. Му помсяньыс Сійӧ кыпӧдӧ кымӧръяс, мӧдӧдӧ чардби да зэр, Аслас видзанінысь лэдзӧ тӧвныр.

Еремей 51:19

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Даниил 2:28

Но енэжас эм Ен, коді восьтӧ гусяторъяс. Сійӧ петкӧдліс Навукодоносор ӧксылы, мый лоӧ бӧръя кадӧ. Со мый тэ аддзылін вӧтнад, кор тэ куйлін вольпасяд.

Даниил 2:30

А меным тайӧ гусяторсӧ восьтӧма абу сы понда, мый ме быттьӧ му вылас став олысьяс дорысь мывкыдаджык, но восьтӧма сы понда, медым тэныд, ӧксыӧй, гӧгӧрвоӧдны вӧттӧ, и медым тэ тӧдмалін, мый йылысь тэ мӧвпалін.

Осий 12:6

Израиль, бергӧдчы аслад Ен дінӧ. Видз Ен дінӧ муслунтӧ да ов веськыда, быд кадӧ лача кут аслад Ен вылӧ.

Йоиль 2:2

Тайӧ луныс сап пемыдӧн вевттьысьӧма, сійӧс кытшалӧма сьӧд кымӧр да сук ру. Асъя югӧр моз паськалӧ керӧсъяс вылын лыдтӧм-тшӧттӧм да вына войтыр. Татшӧм войтырыс эз на вӧвлы, и некор оз ло.

Амос 3:13

Кывзӧй да ӧлӧдӧй Яковлысь рӧдсӧ, – висьталӧ Господь Ыджыдыс, Ен Саваоф. –

Амос 5:27

Та вӧсна Ме вӧтла тіянӧс Дамаскысь на ылӧджык, – висьталӧ Господь. Сылӧн нимыс – Ен Саваоф.

Амос 5:8

Сійӧ вӧчис Корӧся да Куима кодзув чукӧръяс, сап пемыдсӧ вежӧ асъя югыдӧ, лунсӧ – войӧ. Саридзысь Сійӧ чукӧстӧ васӧ да мусӧ киськалӧ. Сылӧн нимыс – Господь!

Амос 6:8

Яков рӧдлӧн вылӧ кыпӧдчӧмыс Меным зывӧк, сылысь изкарсӧ Ме мустӧмта, – висьталӧ Господь Ен Саваоф. – Та вӧсна Ме, Господь Ыджыдыс, кыв сета, мый карсӧ ставнас вӧрӧглы коля.

Амос 8:9

Сійӧ лунӧ, – висьталӧ Господь Ыджыдыс, – Ме тшӧкта шонділы пуксьыны луншӧр кадӧ, лунъюгыднас вевття мусӧ пемыдӧн.

Амос 9:6

Енэжас Сійӧ сувтӧдіс Аслыс оланін, му весьтын вынсьӧдіс Ассьыс вевттьӧдсӧ. Сійӧ чукӧстӧ васӧ саридзысь да киськалӧ мусӧ. Сылӧн нимыс – Господь!

Микей 1:3

Аслас оланінсянь локтас Господь, Сійӧ лэччас да талялас мувыв керӧсъяс.

Аввакум 3:19

Господь Ыджыдыс – менам вынӧй! Сійӧ вӧчӧ менсьым кокӧс кӧрлӧн кодь тэрыбӧн, нуӧдӧ менӧ выліинъясӧ. Сьылысьясӧн веськӧдлысьлы. Ворсӧны струнаа ворсанторйӧн.

Закар 12:1

Водзвыв висьталӧм. Израиль йылысь Господьлӧн кыв. Господь, коді шевкнитіс енэжсӧ, пуктіс мулы подувсӧ да артмӧдіс морт пытшкын ловсӧ, висьталӧ:

Матвей 9:4

Налысь мӧвпъяссӧ тӧдӧмӧн Исус шуис: «Мыйла сьӧлӧманыд лэдзанныд лёк мӧвпъяссӧ?

Иоан 2:25

Сылы эз ковны йӧз йылысь висьталысьяс, ӧд Сійӧ тӧдіс быд мортлысь сьӧлӧмсӧ.

Иоан 3:8

Тӧв пӧльтӧ, кӧні кӧсйӧ. Сылысь шысӧ кылан, сӧмын он тӧд, кысянь сійӧ локтӧ да кытчӧ мунӧ. Ловсянь чужыськӧд тшӧтш тадзи овлӧ».

Индӧд 32:13

Сійӧ кыпӧдіс найӧс керӧсъяс вылӧ, вердіс мувыв быдтасӧн, изкыртаысь визувтысь маӧн, изъяинын быдмысь олив пуяслӧн выйӧн,

Индӧд 33:29

Израиль, тэ шуда, тэ кодь мӧд войтырыс абу, тэ – Господьӧн мездӧм войтыр. Сійӧ – сайӧдыс, мый видзӧ тэнӧ, шыпуртыс, мый тышын вермӧ. Вӧрӧгыд кутас леститчыны тэ водзын, а тэ кокнад сы вылӧ тувччан.