Амос 4:10 - Коми Библия 2023

¹⁰ Ме ысті тіян вылӧ пӧрӧс висьӧм, кыдзи коркӧ ысті Египет вылӧ. Ме виалі шыпуртӧн зонъяснытӧ, вӧрӧгныдлы сеті вӧвъяснытӧ. Тышкайӧзныдлӧн чукӧртчанінын шойяссянь дукыс пуркйис тіян ныр-вомӧдз. Но ті энӧ бергӧдчӧй Ме дінӧ, – висьталӧ Господь. –

Амос 4:10 Iomraidhean Croise

Ӧксыяслӧн 4 небӧг 10:32

Сійӧ кадас Господь пондіс чинтыны Израиль му. Арамейяслӧн Азаил ӧксы пасьвартіс израильса тышкайӧзӧс став Израиль му пасьтала.

Ӧксыяслӧн 4 небӧг 13:3

Господь скӧрмис Израиль войтыр вылӧ да дыр кад кежлӧ сетіс найӧс арамса Азаил ӧксылӧн да сылӧн Бен-Хадад пиыслӧн киӧ.

Ӧксыяслӧн 4 небӧг 13:7

Иохазлӧн вӧлі кольӧма сӧмын ветымын верзьӧма, дас тарантас да дас сюрс пода тышкаморт сы бӧрти, кор арамейяслӧн ӧксы пасьвартіс израильса тышкайӧзӧс, таляліс найӧс кокувса бусӧс моз.

Ӧксыяслӧн 4 небӧг 8:12

«Ыджыдӧй, мыйла тэ бӧрдан?» – юаліс Азаил. Елисей вочавидзис: «Ме тӧда, мыйта лёксӧ тэ вӧчан Израиль войтырлы. Налысь изкаръяссӧ тэ сотан, том зонъяссӧ шыпуртӧн бытшйӧдлан, ичӧт кагаяссӧ муас лясйӧдлан, нӧбасьысь аньяслысь кынӧмсӧ вожӧдан».

Петӧм 10:27

Но Господь чорзьӧдіс фараонлысь сьӧлӧмсӧ, и фараон эз кӧсйы лэдзны Израиль войтырӧс.

Петӧм 10:3

Мӧисей Ааронкӧд локтісны фараон дінӧ да шуисны сылы: «Господь, еврейяслӧн Ен, тадзи висьталӧ: ”Дыр-ӧ на тэ он раммӧдчы Ме водзын? Лэдз Менсьым войтырӧс, медым найӧ юрбитасны Меным.

Петӧм 14:4

Ме чорзьӧда фараонлысь сьӧлӧмсӧ, и сійӧ уськӧдчас вӧтчыны израильсаяс бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став тышкайӧзкӧд. Египетса йӧз тӧдмаласны, мый Ме – Господь». Израиль войтыр вӧчис Господьлӧн тшӧктӧм серти.

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Петӧм 8:19

тунъяс шуисны фараонлы: «Тайӧс вӧчис Ен». Но фараонлӧн сьӧлӧмыс чорзис, сійӧ эз кут кывзыны найӧс. Та йылысь водзвыв висьтавліс Господь.

Петӧм 9:12

Господь чорзьӧдіс фараонлысь сьӧлӧмсӧ, и сійӧ эз кут кывзыны Мӧисейӧс да Ааронӧс. Та йылысь Господь водзвыв висьтавліс Мӧисейлы.

Петӧм 9:17

Тэ век на паныд кыпӧдчан Менам войтырлы, он лэдз сійӧс.

Исай 34:3

Налысь виӧмаяссӧ колясны разі-пели куйлыны, налӧн шойясыс пондасны лёк дукӧн ӧвтны, налӧн вирысь ньӧдздасны керӧсъяс.

Исай 50:11

Ыпъялан биас асьныд мунӧй, донӧдӧм ньӧвъяс улас асьныд пырӧй, ті, кодъяс пестанныд би да лыйланныд биа ньӧвъяс. Со мый вӧчас тіянкӧд Менам киӧй – ті сьӧкыда куланныд.

Исай 9:12

Асыввывсянь локтісны арамейяс, рытыввывсянь – филистимсаяс, найӧ жалиттӧг бырӧдісны Израиль войтырӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 9:13

Господь нӧйтіс войтырсӧ, но найӧ эз бергӧдчыны Сы дінӧ, эз шыасьны Господь Саваоф дінӧ.

Исай 9:17

Господь оз нимкодясь налӧн том йӧз вӧсна, налӧн батьтӧм-мамтӧм челядь дінӧ да дӧваяс дінӧ Сійӧ оз бурав, ӧд найӧ ставныс ылӧдчысьяс да лёк вӧчысьяс, налӧн вомысь петӧ сӧмын пеж сёрни. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Еремей 11:22

Но Ме, Господь Саваоф, на йылысь тадзи висьтала: Ме мыжда найӧс. Налӧн зонъясыс куласны шыпуртысь, ныв-пиныс куласны тшыгъялӧмысь.

Еремей 15:3

Ме мӧдӧда тайӧ войтырыс вылӧ нёль мыждӧм, – висьталӧ Господь. – Шыпурт виас найӧс, понъяс кыскаласны шойяссӧ, кырныш-варыш кокаласны, зверъяс бырӧдасны коляссӧ.

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Еремей 18:21

Господьӧй, меным паныд сувтысьяслӧн пияныс мед тшыгъяласны, найӧ мед куласны шыпуртысь. Налӧн гӧтыръясныс мед лоӧны дӧваясӧн, найӧ мед воштасны челядьнысӧ. Меным паныд сувтысьясӧс мед суас кулӧм, налӧн зонъясыс тышын мед куласны шыпуртысь.

Еремей 48:15

Моавӧс лоӧ пазӧдӧма, сылысь каръяссӧ бырӧдасны, медбур зонъяссӧ начкасны, – висьталӧ Ӧксы, кодлӧн нимыс Господь Саваоф. –

Еремей 49:26

– Дамаск карлӧн изэрдъяс вылын усясны зонъяс, сійӧ лунӧ став тышкайӧзсӧ лоӧ виӧма, – висьталӧ Господь Саваоф. –

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Еремей 6:11

Та вӧсна ме тырӧма Господьлӧн скӧрлунӧн, ас пытшкам ог вермы кутны сійӧс. Господьӧй, кисьт скӧрлунтӧ туй вылын ветлӧдлысь челядь вылӧ, чукӧртчӧм зонъяс вылӧ. Айуловӧс да аньясӧс нуӧдасны пленӧ, нуӧдасны тшӧтш пӧрысь да олӧма йӧзӧс.

Еремей 9:22

Юӧрт тадзи: видз-му вылӧ шыблалӧм куйӧд моз шойясыс кутасны туплясьны му вылын. Вундӧм бӧрти чукӧрттӧм кольтаяс моз шойясыс пондасны сярвидзны му вылын, и некод найӧс оз чукӧрт, – висьталӧ Господь.

Осий 11:5

Найӧ эз кӧсйыны бергӧдчыны Ме дінӧ, та вӧсна налы бӧр ковмас мунны Египетӧ, Ассур кутас ыджыдавны на вылын.

Йоиль 2:20

Войвывсянь уськӧдчысьясӧс Ме ылыста тіян дінысь, вӧтла найӧс ватӧм куш муӧ, водзвылас мунысьясӧс Ме вӧйта асыввыв саридзӧ, бӧрвылас мунысьясӧс – рытыввыв саридзӧ. Унасьыс-уна лёктор вӧчӧмсьыс налӧн шойысь пондас ӧвтны сісьмӧм лёк дук.

Левит 26:16

тӧдӧй, мый Ме сэки тіянкӧд вӧча. Ме мӧдӧда тіян вылӧ полӧм, вир-яй косьмӧм да биа висьӧм, мый вӧсна тіян синныд пемдас и ловныд нюкыртчас. Ті весьшӧрӧ кутанныд кӧдзны, ӧд вӧрӧг сёяс няньнытӧ.

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Амос 4:6

– Таысь Ме мынтыси тіянлы, и сиктсаяслӧн эз вӧв нянь, карсаяслӧн пиньныс нянь курччалӧмысь шойччис. Но ті энӧ бергӧдчӧй Ме дінӧ, – висьталӧ Господь. –

Амос 8:3

Сійӧ лунӧ гажӧдчан сьыланкывъяс вежсясны бӧрдӧмӧн, – висьталӧ Господь Ыджыдыс. – Быдлаын кутасны туплясьны шыбитӧм шойяс. Чӧв олӧй!

Аггей 2:17

Сотысь тӧвруӧн, висьӧмӧн да шерӧн Ме бырӧдлі тіян видз-му вылысь няньнытӧ да став быдтаснытӧ, но ті энӧ бергӧдчӧй Ме дінӧ, – висьталӧ Господь.

Индӧд 28:21

Господь мӧдӧдас тіян вылӧ пӧрӧс висьӧм, и ті быранныд сійӧ му вывсьыс, кытчӧ ті мунанныд сійӧс босьтӧм могысь.

Индӧд 28:22

Господь мӧдӧдас тіян вылӧ вир-яй косьмӧм, биа висьӧм да кынтан висьӧм. Сійӧ мӧдӧдас кос жар, сотысь тӧвруӧн да висьӧмӧн бырӧдас тіян видз-му вылысь няньнытӧ. Став тайӧ шогыс суас тіянӧс, кытчӧдз онӧ кулӧй-бырӧй.

Индӧд 28:60

Сійӧ мӧдӧдас тіян вылӧ египетса став [лёк] висьӧмъяссӧ, мыйысь ті полінныд, и найӧ ляксясны тіян бердӧ.

Индӧд 7:15

Господь [тіян Енныд] ылыстас тіян дінысь висьӧмъяс, мый ті [аддзылінныд да] тӧдмалінныд Египетын. Сійӧ ыстас висьӧмъяссӧ на вылӧ, кодъяс мустӧмтӧны тіянӧс.