Амос 2:15 - Коми Библия 2023

¹⁵ Ньӧввужйӧн лыйсьысь усьӧ, пода тышкаморт оз вермы пышйыны, верзьӧма оз вермы мездыны ассьыс олӧмсӧ.

Амос 2:15 Iomraidhean Croise

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

Исай 31:3

Египетсаяс – йӧз, абу Ен, налӧн вӧвъясыс – вир-яй, абу лов. Господь лэптас Ассьыс кисӧ, и отсӧг сетысьяс крукасясны, а кодлы отсалісны, найӧ тшӧтш усясны – ставныс ӧтвылысь куласны.

Еремей 51:56

Куштысь-бырӧдысь уськӧдчас Вавилон вылӧ, вавилонса тышкайӧзӧс лоӧ босьтӧма, налысь ньӧвъяссӧ лоӧ чегъялӧма, ӧд Господь – водзӧс перйысь Ен, Сійӧ мынтысяс налы.

Езекиль 39:3

Ме уськӧда шуйга кисьыд ньӧввужтӧ, веськыд кисьыд – ньӧвъястӧ.

Амос 9:1

Ме аддзылі висьпуктанін дорын сулалысь Господьӧс. Сійӧ шуис: – Кучкы вылісяньыс сюръяясӧ, медым ӧдзӧс тагӧсъяс вӧрзясны. Пӧрӧд сюръяяссӧ йӧзыслы юр выланыс. Коді ловйӧн кольӧ, сійӧс Ме шыпуртӧн виа – некод оз вермы пышйыны-мездысьны.

Аггей 2:22

путкыльта ӧксыяслысь юралан пуклӧснысӧ, мукӧд войтыръясӧс вӧча вынтӧмӧн. Ме путкыльта тарантасъяс да сэні пукалысьясӧс, вӧвъяс да верзьӧмаяс усясны тышын.

Закар 10:5

Найӧ лоӧны вына тышкайӧз кодьӧсь, таляласны вӧрӧгӧс кокувса няйтӧс моз. Найӧ вермасны тышын, ӧд накӧд лоӧ Господь, найӧ янӧдасны вӧрӧглысь верзьӧмаяссӧ.