Амос 1:14 - Коми Библия 2023

¹⁴ Та понда Равва карлысь стенъяссӧ Ме биӧн сота. Тышкайӧзлӧн горзӧм улӧ, ыджыд тӧвнырлӧн омлялӧм улӧ изкарсӧ би ньылыштас.

Амос 1:14 Iomraidhean Croise

Ӧксыяслӧн 2 небӧг 11:1

Во мысти, буретш сійӧ кадӧ, кор ӧксыяс петавлӧны тышӧ, Давид мӧдӧдіс Йоавӧс, став израильса тышкайӧзсӧ да налысь веськӧдлысьяссӧ тыш вылӧ. Найӧ пасьвартісны аммон войтырӧс да кытшалісны Равва кар. А Давид тайӧ кадас вӧлі Ерусалимын.

Ӧксыяслӧн 2 небӧг 12:26

Йоав уськӧдчис аммон войтырлӧн Равва кар вылӧ и босьтіс ӧксылысь изкарсӧ.

Ӧксыяслӧн 2 небӧг 12:31

Карса олысьясӧс тшӧтш петкӧдіс. Сійӧ сьӧкыда уджӧдіс найӧс: ӧтияс уджалісны чер-пилаӧн, мӧдъяс – кӧрт коканӧн, коймӧдъяс сотісны кирпич. Тадзи Давид вӧчис аммон войтырлӧн быд карын, а сэсся аслас тышкайӧзкӧд бӧр локтіс Ерусалимӧ.

1 Каднебӧг 20:1

Во мысти, буретш сійӧ кадӧ, кор ӧксыяс петавлӧны тышӧ, Йоав уськӧдчис израильса тышкайӧзкӧд аммон войтыр вылӧ. Сійӧ бырӧдіс-пазӧдіс аммон войтырлысь мусӧ, кытшаліс Равва кар да пасьвартіс сійӧс. А Давид тайӧ кадас вӧлі Ерусалимын.

Иов 39:25

Буксігӧн сійӧ гораа гӧрдлӧ, ылісянь исалӧ тышлысь дуксӧ, кылӧ тыш мунӧмсӧ да веськӧдлысьяслысь горӧдӧмсӧ.

Исай 29:6

Господь Саваоф локтас тэ дінӧ гым да му вӧрӧм моз, ыджыд шыа бушков да гартчан тӧвныр моз, ставсӧ сотысь би моз.

Исай 30:30

Господьлӧн вына шыыс грымӧбтас, Сійӧ петкӧдлас Ассьыс вына кисӧ, Сылӧн скӧрлуныс лоӧ вывті яр, ставсӧ сотысь би кодь, бушков да сувтса зэр кодь, гырысь шер кодь.

Исай 9:5

Тышкасьысьяслысь вирӧсь паськӧмсӧ, тышын талялӧм кӧмнысӧ лоӧ шыбитӧма биӧ.

Еремей 23:19

Со, Господьсянь кыпӧдчӧ ыджыд тӧвныр, Сылӧн скӧрлуныс локтӧ тӧвныр моз, гартчӧ лёк вӧчысьяслӧн юр весьтын.

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Езекиль 21:20

Ӧти туйӧдыс шыпурт мед мунас аммон войтырлӧн Равва карӧ, а мӧд туйӧдыс – Иуда муӧ, зумыдмӧдӧм Ерусалим карӧ.

Езекиль 21:22

Тунасигас сылӧн веськыд киас усьӧ пудъясянтор, мый петкӧдлӧ Ерусалим вылӧ. Сійӧ сувтӧдас жуглан керъяс да лэптас тымӧдъяс, медым кисьтны карса стен да дзиръяяс. Сійӧ тшӧктас аслас тышкайӧзлы гораа горзӧмӧн уськӧдчыны кар вылӧ.

Езекиль 21:25

Тэ, Израильлӧн лёк да шогмытӧм ӧксы, тэнӧ мыждан луныс воис, лёк уджъясыдлы воис пом.

Езекиль 25:5

Ме вӧча Равва карнытӧ верблюдъяслы оланінӧн, мунытӧ – ыжъяслы йирсянінӧн. Сэки ті тӧдмаланныд, мый Ме – Господь.

Езекиль 25:7

Та вӧсна Ме лэпта киӧс тіян вылӧ, сета тіянӧс войтыръяс киӧ, и ті лоанныд налы тышын шедӧдӧмторйӧн. Ме бырӧда тіянӧс войтыръяс пӧвстысь, вушта тіянлысь мунытӧ муяс лыдысь – дзикӧдз бырӧда тіянӧс. Сэки ті тӧдмаланныд, мый Ме – Господь.

Даниил 11:40

Бӧръя кадас лунвывса ӧксы петас тышӧ войвывса ӧксылы паныд. Ыджыд тӧвныр моз войвывса ӧксы уськӧдчас сы вылӧ аслас тарантасъясӧн, вӧвъясӧн да корабльясӧн. Ойдӧм ва моз сійӧ ыльӧбтас-уськӧдчас уна му вылӧ.

Амос 2:2

Та понда Моавӧс Ме биӧн сота, Кериот изкарӧс би ньылыштас. Моавӧс лоӧ бырӧдӧма тыш дырйи, тышкайӧзлӧн горзӧм да буксан шы улӧ.

Закар 7:14

Ме разӧді найӧс войтыръяс пӧвстӧ, кодъясӧс найӧ эз тӧдлыны водзын. Налӧн эновтӧм муыс кушмис, сэтчӧ некод эз кут волыны. Тадзи на вӧсна бур муныс пӧри овтӧминӧ.

Индӧд 3:11

Васанса Ог ӧксы вӧлі рефа войтырысь медбӧръя морт. Сылӧн кӧртысь вӧчӧм гортйыс куйлӧ аммон войтырлӧн Равва карын. Сылӧн гортйыс ӧкмыс гырддза кузьта, нёль гырддза пасьта».