Аггей 2:23 - Коми Библия 2023

²³ Сійӧ лунӧ, – висьталӧ Господь Саваоф, – Ме босьта тэнӧ, Шеалтиэллӧн Зоровавель пи, босьта тэнӧ, Ассьым кесйӧгӧс, – висьталӧ Господь, – да вӧча тэнӧ чунькытшӧн, кӧні лоӧ Менам пасӧй, ӧд Ме бӧрйи тэнӧ, – висьталӧ Господь Саваоф.

Аггей 2:23 Iomraidhean Croise

Псалтыр 65:5

Локтӧй да видзӧдлӧй Енлӧн уджъяс вылӧ, наысь йӧзӧс полӧм босьтас.

Сьылан 8:6

Пукты менӧ печатьӧс моз аслад сьӧлӧмад, чунькытшӧс моз новлы менӧ киад. Муслуныс кулӧм кодь вына, вежӧгтӧмыс ад кодь скӧр. Сылӧн ньӧвйыс – биа ньӧв, сійӧ ыпъялысь ыджыд би кодь.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Исай 43:10

Ті ӧд тӧданныд, мый Ме – Енмыс, – висьталӧ Господь. – Тэ, Израиль, Менам кесйӧгӧй, Ме бӧрйи тэнӧ, медым ті тӧдінныд Менӧ да эскинныд Меным, медым ті гӧгӧрвоинныд, коді Ме. Меӧдз эз вӧв енмыс, и Ме бӧрти оз ло.

Исай 49:16

Ме серпасалі тэнӧ Аслам ки пыдӧсӧ, тэнад стенъясыд – век Менам син водзын.

Еремей 22:24

«Весиг кӧ тэ, Еконей, иудаса ӧксы, Ехоякимлӧн пиыс, вӧлін Менам веськыд киын чунькытшӧн, Ме кыв сета, – висьталӧ Господь, – мый и сэки эськӧ нетшышті тэнӧ Аслам чуньысь.

Матвей 12:18

– Со, Менам Кесъялысьӧй, Менам мусаӧй, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым Лолӧс. Сійӧ ваяс веськыда мыждӧм быд войтырлы.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».

1 Петыр 2:4

Сійӧ эм ловъя из, Енмыслы зэв дона. Йӧзыс Сійӧс ӧтдортісны, но Енмыс бӧрйис Сійӧс. Локтӧй Сы дінӧ