Аггей 1:9 - Коми Библия 2023

⁹ – Ті виччысянныд уна, а чукӧртанныд этша. Мый ваянныд гортаныд – сійӧс Ме шердъя. Мыйла тадзи артмӧ? – висьталӧ Господь Саваоф. – Сы вӧсна, мый Менсьым крамӧс пазӧдӧма, а ті асланыд керкаяс вӧсна тӧждысянныд.

Аггей 1:9 Iomraidhean Croise

Ӧксыяслӧн 2 небӧг 21:1

Давидлӧн ӧксыалан кадӧ куим во чӧж вӧлі тшыгъялӧм. Давид сэки шыасис Господь дінӧ. Господь шуис: «Тайӧ лои Саул да сылӧн рӧдвуж понда. Найӧ мыжаӧсь Гаваонын олысьяслысь вирсӧ кисьтӧмысь, ӧд найӧс Саул виис».

Ӧксыяслӧн 2 небӧг 22:16

Господьлӧн шыасьӧмысь, Сылӧн скӧрлунӧн пӧльтысь ловшыысь тыдовтчис саридзлӧн пыдӧсыс да муыслӧн подулыс.

Ӧксыяслӧн 4 небӧг 19:7

Ме ыста ассурса ӧксы пытшкӧ сэтшӧм лов, мый юӧр кылӧм бӧрти сійӧ бӧр бергӧдчас аслас муӧ. Сэні Ме вӧча сідзи, мый сійӧ кулас шыпурт помысь”».

Иов 10:2

Енмыслы ме шуа: эн мыжды менӧ, висьтав, мыйысь Тэ менӧ мыжалан.

Шусьӧгъяс 11:24

Лышкыда сетысьлы содӧ, топыд морт ӧтарӧ гӧльмӧ.

Шусьӧгъяс 27:20

Пыдӧстӧминыс да кулӧмаяслӧн оланіныс – пӧтлытӧмӧсь, тадзи морт синмыд тшӧтш пӧтлытӧм. [Господьлы зывӧк ыкшаасьысь морт, ковтӧг ассьыс вомсӧ восьталысь – вежӧртӧм.]

Еклесиаст 1:8

Сёрниыд мудзтӧдӧ мортӧс, сійӧ оз вермы ставсӧ шымыртны-висьтавны. Видзӧдӧмысь синмыд оз пӧтлы, кывзӧмысь пельыд оз тырлы.

Исай 40:7

Господьлӧн пӧльыштӧмысь турун косьмӧ, дзоридз нярмӧ. Збыльысь, йӧзыс турун кодьӧсь.

Исай 5:10

Дас виноград йӧр сетас сӧмын ӧти бӧчка вина, мешӧк тыр кӧдзӧм кӧйдыс сетас сӧмын куд тыр нянь.

Еремей 12:13

Менам войтырӧй кӧдзис шобді, а вундіс йӧн. Найӧ ёна мырсисны, но ставыс весьшӧрӧ. Мед тіянлы яндзим лоӧ нянь чукӧртіганыд, ӧд Господьлӧн яр скӧрлуныс вӧсна суис тіянӧс тайӧ.

Езекиль 21:31

Ме кисьта тэ вылӧ Ассьым скӧрлунӧс, пӧльышта тэ вылӧ Ассьым ярлуна биӧс. Ме сета тэнӧ чорыд йӧзлы, скӧр виысьяслӧн киӧ.

Левит 19:25

Витӧд вонас верманныд сёйны вотӧссӧ. Тадзи ті кутанныд чукӧртны унасьыс-уна вотӧс. Ме – Господь, тіян Енныд.

Аггей 1:4

– Тіянлы ӧмӧй кад овны мичмӧдӧм керкаясын, кор тайӧ крамсӧ пазӧдӧма?

Аггей 1:6

Ті уна кӧдзанныд, но этша вунданныд, ті сёянныд, но онӧ пӧтӧй, ті юанныд, но горшныд оз веськав, ті пасьтасянныд, но онӧ шоналӧй, ті мырсянныд-уджаланныд, но зепныд век куш.

Малакий 2:2

– Ті кӧ онӧ кутӧй кывзысьны Менсьым, онӧ кӧ кутӧй сьӧлӧмсяньныд пыдди пуктыны Менӧ, – висьталӧ Господь Саваоф, – Ме ыста тіян вылӧ ёрӧм, бурсиӧм пыдди ёра тіянӧс. Но Ме тіянӧс ёри нин, ӧд ті онӧ сьӧлӧмсяньныд пыдди пуктӧй Менӧ.

Индӧд 28:38

Ті уна кӧдзанныд, но этша вунданныд, ӧд пуктаснытӧ сёяс саранча.

Восьтӧм 2:4

Но Менам эм мыйсюрӧ тэныд паныд: тэ эновтін ассьыд медводдза муслунтӧ.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!