Аггей 1:11 - Коми Библия 2023

¹¹ Ме мӧдӧді зэртӧм кад му вылӧ, керӧсъяс да кӧдзасъяс вылӧ, виноград да олив пуяс вылӧ, мувывса став быдтас вылӧ, йӧз вылӧ да ыж-мӧс вылӧ, видз-му уджъяс вылӧ.

Аггей 1:11 Iomraidhean Croise

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 4 небӧг 8:1

Елисей шуис аньлы, кодлысь писӧ сійӧ ловзьӧдіс: «Мун гортсаясыдкӧд Израиль муысь мӧдлаӧ, ӧд Господь ыстас тайӧ муас тшыгъялӧм сизим во кежлӧ».

Иов 34:29

Енмыс кӧ чӧв ланьтас, коді вермас мыжавны Сійӧс? Енмыс кӧ вевттяс чужӧмбансӧ, коді вермас аддзыны Сійӧс? Сійӧ ыджыдалӧ войтыр вылын и торъя морт вылын,

Еремей 14:2

– Иуда му бӧрдӧ, каръяслӧн дзиръяясыс вежыньтчисны, шогсьӧны муыс вӧсна, Ерусалимысь кыптӧ бӧрдӧм шы.

Бӧрданкыв 1:21

Йӧзыс кылӧны менсьым ойзӧмӧс, но бурӧдысьыс абу. Вӧрӧг кыліс менам сьӧкыдалӧм йылысь, сійӧ нимкодясьӧ, мый Тэ тайӧс вӧчин. Мед суас найӧс Тэӧн индӧм луныс, мед лоас накӧд, кыдзи лои мекӧд.

Амос 5:8

Сійӧ вӧчис Корӧся да Куима кодзув чукӧръяс, сап пемыдсӧ вежӧ асъя югыдӧ, лунсӧ – войӧ. Саридзысь Сійӧ чукӧстӧ васӧ да мусӧ киськалӧ. Сылӧн нимыс – Господь!

Амос 7:4

Со мый петкӧдліс меным Господь Ыджыдыс. Сійӧ мӧдӧдіс мыждӧм могысь би. Биыс ньылыштіс пыдӧстӧм йирлысь васӧ да мулысь юкӧнсӧ.

Амос 9:6

Енэжас Сійӧ сувтӧдіс Аслыс оланін, му весьтын вынсьӧдіс Ассьыс вевттьӧдсӧ. Сійӧ чукӧстӧ васӧ саридзысь да киськалӧ мусӧ. Сылӧн нимыс – Господь!

Аггей 2:17

Сотысь тӧвруӧн, висьӧмӧн да шерӧн Ме бырӧдлі тіян видз-му вылысь няньнытӧ да став быдтаснытӧ, но ті энӧ бергӧдчӧй Ме дінӧ, – висьталӧ Господь.

Аггей 2:19

Нянь йӧртӧдын ӧмӧй эм на кӧйдысыс? Виноград да инжир пу, гранат да олив пу ӧнӧдз на эз вайлыны вотӧссӧ, но ӧнісянь Ме бурсиа тіянӧс.

Малакий 3:11

Ме ог лэдз гагъяслы сёйны быдмӧгъяснытӧ, тіян виноградныд ӧтитӧг вотӧсалас, – висьталӧ Господь Саваоф. –

Малакий 3:9

Ёрӧмӧн ёрӧма тіянӧс, ӧд ті, Израиль войтыр, гусяланныд Менсьым.

Индӧд 28:22

Господь мӧдӧдас тіян вылӧ вир-яй косьмӧм, биа висьӧм да кынтан висьӧм. Сійӧ мӧдӧдас кос жар, сотысь тӧвруӧн да висьӧмӧн бырӧдас тіян видз-му вылысь няньнытӧ. Став тайӧ шогыс суас тіянӧс, кытчӧдз онӧ кулӧй-бырӧй.