3 Иоан 1:11 - Коми Библия 2023

¹¹ Муса вокӧй, видзӧд бурсӧ вӧчысь вылӧ, а эн лёксӧ вӧчысь вылӧ. Бурсӧ вӧчысь – Енсянь, а лёксӧ вӧчысь эз аддзыв Енсӧ.

3 Иоан 1:11 Iomraidhean Croise

Псалтыр 34:14

Ме кевмысьлі на вӧсна, кыдзи ёрт либӧ вок вӧсна. Ме ветлі шогсьӧмӧн да юрӧс ӧшӧдӧмӧн, бӧрді мам вӧсна моз.

Петӧм 23:2

Унджыкыс моз лёк уджъяс эн вӧч. Ёрд водзын сёрнит веськыда, а эн сувт унджыкыс дор.

Шусьӧгъяс 12:11

Му вӧдитысь оз кут тшыгъявны, абутӧмсӧ кыйӧдысь – вежӧртӧм морт. [Коді кадсӧ коллялӧ вина бӧрся вӧтлысьӧмӧн, янӧдӧ ассьыс керкасӧ.]

Иоан 10:27

Менам ыжъясӧй кылӧны Менсьым гӧлӧс шыӧс. Ме тӧда найӧс, и найӧ локтӧны Ме бӧрся.

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Иоан 3:20

Лёксӧ вӧчысь мустӧмтӧ югыдсӧ. Сійӧ оз лок югыдас, медым сылӧн лёк уджъясыс эз йӧзасьны.

1 Коринфӧ 11:1

Видзӧдӧй ме вылӧ, ӧд ме видзӧда Кристос вылӧ.

1 Коринфӧ 4:16

Сідзкӧ, кора тіянӧс: видзӧдӧй ме вылӧ, ӧд ме видзӧда Кристос вылӧ.

Ефесӧ 5:1

Ті – Енлӧн муса ныв-пи, сідзкӧ, олӧй Сы вылӧ видзӧдӧмӧн.

Филипӧ 3:17

Вокъяс, видзӧдӧй ме вылӧ да велӧдчӧй овны на моз, кодъяс олӧны миян моз.

1 Фессалоникаӧ 1:6

Уна сьӧкыдлун вылӧ видзӧдтӧг ті сибӧдінныд Бур Юӧрсӧ Вежа Ловсянь нимкодьлунӧн да кутінныд вӧчны миян моз да Господь моз.

1 Фессалоникаӧ 2:14

Вокъяс, мый вӧлі Иудеяын Исус Кристослы эскысь вичкояскӧд, тайӧ лои тшӧтш тіянкӧд. Сэні Ен вичкояс уна сьӧкыд нуисны иудейяссянь, а ті – ас войтырсянь.

2 Тимофейлы 3:10

Тэ став сьӧлӧмнад йитчин менам велӧдӧмӧ, менам олӧмӧ да менам могъясӧ. Мекӧд тшӧтш тэ эскин, терпитін, радейтін да зумыда сулалін,

Еврейяслы 6:12

Энӧ дышӧдчӧй, но лоӧй на кодьӧсь, кодъяс эскӧмӧн да терпитӧмӧн босьтӧны Енсянь кӧсйысьӧмасӧ.

1 Петыр 3:11

мед ылыстчас лёксьыс да вӧчас бурсӧ, корсяс лӧньлунсӧ да кутчысяс сэтчӧ.

1 Петыр 3:13

Коді вӧчас тіянлы лёксӧ, ті кӧ сьӧлӧмсяньныд вӧчанныд бурсӧ?

1 Иоан 2:29

Ті кӧ тӧданныд, мый Сійӧ веськыд, тӧдӧй: веськыда вӧчысь Сысянь чужӧма.

1 Иоан 3:10

Коді оз веськыда вӧч, коді мустӧмтӧ воксӧ, сійӧ абу Енсянь. Та серти тӧдмалам Енлысь ныв-писӧ да омӧльлысь йылӧмсӧ.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.