2 Тимофейлы 3:15 - Коми Библия 2023

¹⁵ Тэ ичӧтсяньыд тӧдан вежа Гижӧдъяс. Гижӧдыс сетӧ мывкыдлун, медым Исус Кристослы эскӧмӧн тэ вермин мездмыны.

2 Тимофейлы 3:15 Iomraidhean Croise

2 Каднебӧг 34:3

Аслас кӧкъямысӧд ӧксыалан воӧ, кор сійӧ вӧлі дзик на том, сійӧ кутіс корсьны аслас Давид пӧльлысь Енсӧ. А дас кыкӧд веськӧдлан воӧ сійӧ пондіс сӧстӧммӧдны Иуда му да Ерусалим кар. Сійӧ бырӧдіс вись ваян мылькъяс, юрбитан пуяс, идолъясӧс да бӧлбанъясӧс.

Псалтыр 19:7

Ӧні ме тӧда, мый Господь мездӧ Ассьыс мавтыштӧмасӧ, вочавидзӧ сылы Аслас вежа енэжсянь, мездӧ сійӧс вына веськыд кинас.

Псалтыр 71:17

Ӧксылысь нимсӧ мед ошкасны нэмъяс чӧж, сылысь нимсӧ мед оз вунӧдны, кытчӧдз югъялӧ шонді. Сійӧ лоӧ бурсиӧмӧн [став мувывса йӧзыслы], войтыръяс шуасны сійӧс майбырӧн.

Шусьӧгъяс 22:6

Веськӧд питӧ бур туй вылас ичӧтсяньыс, и весиг пӧрысь каднас сійӧ оз кеж сэтысь.

Шусьӧгъяс 8:17

Менӧ радейтысьӧс ме радейта, менӧ корсьысь аддзас менӧ.

Еклесиаст 12:1

Эн вунӧд ассьыд Вӧчысьтӧ том каднад, ӧд кор воасны сьӧкыд лунъяс да вояс, сэки сьӧлӧмтӧ нинӧм оз кут гажӧдны.

Даниил 10:21

И тайӧ тышас некод оз отсав меным Микаил, тіян юралысь анделныд, кындзи. Но ме висьтала тэныд, мый гижӧма Збыльыслӧн небӧгас.

Матвей 22:29

Исус вочавидзис: «Гижӧдъяссӧ да Енлысь вынсӧ ті онӧ тӧдӧй, та вӧсна ылалӧмныд.

Лука 1:15

Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.

Лука 2:40

Кага быдмис, ловнас вынсяліс, Сылӧн мывкыдлуныс содіс. Енлӧн буралӧмыс вӧлі Сы вылын.

Лука 24:27

Мӧисей да пророк небӧгъяссянь Исус пондіс гӧгӧрвоӧдны налы став Гижӧдсьыс Ас йывсьыс шуӧмсӧ.

Лука 24:32

Сэки найӧ шуисны: «Эз-ӧ сьӧлӧмным ыпъяв, кор Сійӧ сёрнитіс миянкӧд туй вылын да гӧгӧрвоӧдіс миянлы Гижӧдсӧ?»

Лука 24:45

Сэки Исус восьтіс налысь вежӧрсӧ гӧгӧрвоны Гижӧдъяс.

Иоан 5:47

Но сылӧн гижӧдъясӧ кӧ онӧ эскӧй, верманныд-ӧ эскыны Менам кывъясӧ?»

Ап. уджъяс 10:43

Сы йылысь став пророкыс висьталӧ, мый быдӧнлысь, коді эскӧ Сылы, лоӧ прӧститӧма мыжъяссӧ Сы нимӧн».

Ап. уджъяс 13:29

Найӧ вӧчисны ставсӧ, мый вӧлі гижӧма Сы йылысь. Сэсся лэдзисны Сійӧс крест вывсьыс да пуктісны дзебанінӧ.

Ап. уджъяс 16:1

Павел воис Дервияӧдз, а сэтысянь муніс Листраӧ. Сэні оліс Тимофей нима велӧдчысь. Мамыс сылӧн вӧлі иудей, эскысь ань, батьыс вӧлі грек.

Ап. уджъяс 17:2

Павел, кыдзи и век, муніс сэтчӧ да куим вежон чӧж шойччан лунӧ сёрнитіс йӧзыскӧд. Вежа Гижӧдъяс вылӧ подуласьӧмӧн

Ап. уджъяс 26:24

Кор Павел тадзи дорйысис, Фест гораа шуис: «Тэ дзикӧдз йӧймӧмыд, Павел! Ыджыд тӧдӧмлуныд вӧсна вежӧртӧ воштӧмыд».

Римӧ 1:2

Тайӧ Юӧрыс йылысь Енмыс важысянь вӧлі кӧсйысьӧма Аслас пророкъяс пыр вежа Гижӧдъясын.

Римӧ 2:27

Индӧд серти олысь, коді абу вундыштчӧма, кутас мыждыны тэнӧ, вундыштчӧмаӧс да Индӧд тӧдысьӧс, ӧд тэ торкалан Индӧдсӧ.

1 Коринфӧ 1:21

Енмыс Ассьыс мывкыдлунсӧ петкӧдліс мувывса йӧзлы, но йӧзыс асланыс мывкыдлунӧн Енсӧ эз гӧгӧрвоны. Сэки Енмыс мӧвпыштіс мездыны найӧс, кодъяс эскӧны миян висьталӧмлы. Тайӧ висьталӧмсӧ йӧзыс шуӧны йӧйталӧмӧн.

Ефесӧ 6:4

Батьяс, энӧ дӧзмӧдӧй ассьыныд челядьнытӧ, но быдтӧй-велӧдӧй найӧс Господьлӧн кӧсйӧм серти.

Индӧд 4:6

Видзӧй тшӧктӧмъяссӧ да олӧй на серти, сэки мукӧд войтыръяс аддзасны, кутшӧм ті мывкыдӧсь да сюсьӧсь. И кор найӧ кыласны тайӧ тшӧктӧмъясыс йылысь, сэки шуасны: ”Кутшӧм мывкыд да сюсь тайӧ вына войтырыс!”

1 Тимофейлы 4:13

Менам локтӧдз лыддьы Енлысь кывсӧ да туйдӧд-велӧд йӧзсӧ.

2 Тимофейлы 1:1

Гижӧ Павел, Ен кӧсйӧм серти Исус Кристослӧн апостол. Менӧ мӧдӧдӧма висьтавны кӧсйысьӧм пыр сетӧм олӧм йылысь. Тайӧ олӧмыс Исус Кристос пытшкын.

2 Тимофейлы 1:5

Казьтывла тэнсьыд сьӧлӧмсянь эскӧмтӧ. Тадзи эскылісны тэнад Лоида пӧчыд да Евника мамыд. Тӧда, тэ тшӧтш на моз эскан.

2 Петыр 3:16

Татшӧмторъяссӧ сійӧ висьталӧ быд гижӧдын. Мыйсюрӧ сэтысь сьӧкыд гӧгӧрвонысӧ. Та вӧсна ичӧт мывкыда йӧз да жеб эскысьяс мукӧд Гижӧдсӧ моз мӧдарӧ бергӧдӧны сылысь гижӧдъяссӧ. Тадзи кӧлалӧны ас выланыс бырӧдӧмсӧ.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Ӧксыяслӧн 1 небӧг 2:18

А Самуил зонка кесъяліс Господь водзын, новліс шабдіысь вурӧм ефод.