2 Тимофейлы 3:10 - Коми Библия 2023

¹⁰ Тэ став сьӧлӧмнад йитчин менам велӧдӧмӧ, менам олӧмӧ да менам могъясӧ. Мекӧд тшӧтш тэ эскин, терпитін, радейтін да зумыда сулалін,

2 Тимофейлы 3:10 Iomraidhean Croise

Даниил 1:8

Даниил шуис аслыс, мый оз кут пежавны асьсӧ сёянӧн да винаӧн, мый ӧксы сёйӧ-юӧ. Та вӧсна Даниил корис ыджыд чинаясӧн веськӧдлысьлысь, медым сійӧ лэдзас сёйны-юны мӧдтор, а оз пежалысь сёян-юан.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Ап. уджъяс 2:42

Эскысьяс став сьӧлӧмнас кутчысисны апостолъяслӧн велӧдӧмӧ. Найӧ пыр ӧтлаын чукӧртчывлісны, нянь чегисны да кевмысисны.

Ап. уджъяс 20:18

Ефесысь воӧмаяслы сійӧ шуис: «Ті асьныд тӧданныд, мый медводдза лунсяньыс Асияӧ воӧмсянь ме пыр вӧлі тіянкӧд.

Ап. уджъяс 26:4

Менсьым олӧмӧс тӧдӧ став иудейыс, ме ӧд том кадсянь олі ас войтыр пӧвстын Ерусалимын.

Римӧ 16:17

Вокъяс, кора тіянӧс, видзчысьӧй да ылыстчӧй наысь, кодъяс пыртӧны вичкоад вензьӧмъяс да кежӧдӧны эскӧмсьыс, мыйӧ тіянӧс велӧдӧма.

2 Коринфӧ 1:17

Гашкӧ, тадзи мӧвпалігӧн ме кокньыд мывкыда вӧлі? Гашкӧ, чайтанныд, тайӧ кӧсйӧмыс менам ассянь вӧлі? Гашкӧ, менам ӧтпырйӧ артмӧ ”сідз” и ”абу сідз”?

Ефесӧ 4:14

Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

Филипӧ 2:20

Тимофей сьӧлӧмсяньыс тӧждысьӧ тіян вӧсна, сы кодь мӧдыс абу.

Филипӧ 2:22

Ті тӧданныд Тимофейлысь зільӧмсӧ. Бур Юӧр висьтавлігӧн сійӧ отсасис меным пи моз.

1 Фессалоникаӧ 1:5

Ми висьтавлім тіянлы Бур Юӧрсӧ Вежа Лов вынӧн да ыджыд эскӧмлунӧн, эгӧ сӧмын кывйӧн. Ті бура тӧданныд, кыдзи ми кутім асьнымӧс тіянын олігӧн да отсасим тіянлы.

1 Тимофейлы 1:3

Македонияӧ мӧдӧдчигӧн ме кори тэнӧ олыштны Ефесын кодсюрӧӧс ӧлӧдӧм могысь, медым найӧ эз велӧдны ылӧгас,

1 Тимофейлы 4:6

Туйдӧд тадзи вокъястӧ, сэки тэ лоан Исус Кристослӧн бур кесъялысьӧн. Тадзи тшӧтш асьтӧ пӧткӧдан эскӧмлӧн кывъясӧн да бур велӧдӧмӧн, мый серти олан.

1 Тимофейлы 6:11

Но тэ, Енлӧн мортӧй, ылыстчы таысь. Кутчысь веськыдлунас, вежавидзана оласногас, эскӧмас, муслунас, зумыдлунас да рамлунас.

2 Тимофейлы 2:22

Ылыстчы томдырся ыштӧмъясысь. Господь дінӧ сьӧлӧмсяньыс шыасьысьяскӧд кутчысь веськыдлунас, эскӧмас, муслунас да лӧньлунас.

2 Тимофейлы 4:2

ло дась висьтавны Енлысь кывсӧ лӧсялан и лӧсявтӧм кадӧ. Бур велӧдысь моз терпитӧмӧн янӧд, ӧлӧд да туйдӧд.

2 Тимофейлы 4:3

Ӧд воас кад, кор веськыд велӧдӧмсӧ оз пондыны кывзыны. Йӧзыс ас лёк кӧсйӧм сертиныс бӧръясны велӧдысьясӧс да пондасны кывзыны найӧс.

2 Тимофейлы 4:7

Ме бура вермаси, помӧдзыс котӧрті, эскӧмӧс видзи.

Титлы 2:7

Вӧч быд бурсӧ, мед мукӧдыс тэ вылӧ видзӧдӧмӧн тшӧтш велаласны татчӧ. Велӧд сӧстӧм сьӧлӧмӧн, вежавидзӧмӧн да Енлысь кывсӧ торкавтӧг.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

2 Петыр 3:11

Ставыс кӧ тадзи пазалас, сэки кутшӧм вежаӧн да веськыдӧн колӧ лоны тіянлы.