2 Тимофейлы 2:7 - Коми Библия 2023

⁷ Вежӧрт, мый висьтала. Господь мед отсалас тэныд ставсӧ гӧгӧрвоны.

2 Тимофейлы 2:7 Iomraidhean Croise

1 Каднебӧг 22:12

Господь мед сетас тэныд мывкыдлун да вежӧр, Сійӧ мед сувтӧдас тэнӧ веськӧдлыны Израиль войтырӧн, а тэ ставсӧ вӧч аслад Господь Енлӧн Индӧд серти.

1 Каднебӧг 29:19

Отсав менам Соломон пилы став сьӧлӧмсяньыс овны-вӧчны Тэнад индӧд-тшӧктӧмъяс серти да лэптыны крамсӧ, мый могысь ме ставсӧ тайӧс дасьті».

Псалтыр 64:9

Му пельӧсын олысьяс повзясны Тэнад шензьӧданаторъясысь, асылын и рытын кутасны кыпӧдны Тэныд ошкӧмсӧ.

Шусьӧгъяс 24:32

Видзӧді-мӧвпалі да со мый гӧгӧрвои:

Исай 1:3

Ӧш тӧдӧ, кодлӧн сійӧ, осёл тӧдӧ ассьыс вердысьсӧ, но Израиль оз тӧд [Менӧ], Менам войтырӧй оз гӧгӧрво, коді сійӧс пӧткӧдӧ.

Исай 28:26

Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс.

Исай 5:12

Налӧн гажӧдчанінын ворсӧны гуслиӧн да арфаӧн, тимпанӧн да пӧлянӧн. Сэні шорӧн киссьӧ вина! Но Господьлысь уджъяссӧ найӧ оз аддзыны, Сылысь вӧчӧмторъяссӧ оз казявны.

Даниил 1:17

Енмыс сетіс тайӧ нёль зонмыслы мывкыдлун, тӧдӧмлун да гижӧмторъяс гӧгӧрвоӧмлун, а Данииллы Енмыс сетіс нӧшта на сямлун гӧгӧрвоны быдпӧлӧс аддзылӧм-петкӧдчылӧм да вӧтъяс.

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Лука 24:45

Сэки Исус восьтіс налысь вежӧрсӧ гӧгӧрвоны Гижӧдъяс.

Лука 9:44

«Пель саяныд сюркнялӧй Менсьым кывъясӧс: Морт Пиӧс сетасны йӧзлӧн киӧ».

Иоан 14:26

Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.

Иоан 16:13

Збыльыслӧн Лолыс локтас да велӧдас тіянӧс збыляс. Сійӧ оз Ассяньыс кут висьтавны, а висьталас кывлӧмсӧ да юӧртас тіянлы водзӧ лоанасӧ.

Ап. уджъяс 7:10

да дорйис сійӧс быд сьӧкыдыс дырйи. Енмыс сетіс Ӧсиплы ыджыд мывкыдлун, та вӧсна сійӧ сьӧлӧм вылас воис фараонлы, египетса ӧксылы. Фараон весиг пуктіс сійӧс веськӧдлыны Египетӧн да аслас став овмӧсӧн.

1 Коринфӧ 12:8

Ӧтилы Лолыс сетӧ мывкыд кывъяс, мӧдлы – тӧдӧмлун, мед юксьыны мукӧдкӧд,

Индӧд 32:29

Вӧліны кӧ мывкыдаӧсь, эськӧ казялісны тайӧс, эськӧ гӧгӧрвоисны, мый найӧс виччысьӧ.

Индӧд 4:39

Тӧдӧй да гӧгӧрвоӧй, мый Господь [тіян Енныд] эм енэжас и му вылас Ен, и [Сыысь кындзи] мӧдыс абу.

Филипӧ 4:8

Вокъяс, нӧшта кора тіянӧс: мӧвпалӧй сӧмын збыльыс, шогманаыс, веськыдыс, сӧстӧмыс, бурыс, мичаыс, ошканаыс да нимкодьыс йылысь.

Колосӧ 1:9

Ставсӧ тайӧс кылӧмсянь ми дугдывтӧг кевмысям тіян вӧсна. Кевмам, медым тіян вӧлі Ловсянь мывкыдлун да гӧгӧрвоӧм, медым ті бура тӧдінныд Енлысь кӧсйӧмсӧ.

1 Тимофейлы 4:15

Тӧждысь та вӧсна, ставсӧ вӧч сьӧлӧмсяньыд, сэки быдӧн аддзас тэнсьыд вермӧмтӧ.

2 Тимофейлы 2:6

Быдтасысь пайсӧ медводз босьтӧ сьӧкыд удж вӧчысь.

2 Тимофейлы 2:8

Кут тӧд вылад Исус Кристосӧс, Давид вужйысь Чужысьӧс да кулӧмысь Ловзьысьӧс. Тадзи висьталӧ меӧн юӧртӧм Бур Юӧрыс.

Еврейяслы 12:3

Сідзкӧ, мӧвпалӧй Сы йылысь, коді нуис сы мында лёкӧдӧм мыжа йӧзсянь, медым ті энӧ жебмӧй да ловнаныд энӧ усьӧй.

Еврейяслы 13:7

Энӧ вунӧдӧй ассьыныд веськӧдлысьяснытӧ, ӧд найӧ висьтавлісны тіянлы Енлысь кывсӧ. Видзӧдӧй налӧн олӧм пом вылӧ да эскӧй на моз.

Еврейяслы 3:1

Вокъяс, ме шыася тіян дінӧ, вежа войтыр да Енлӧн корӧмаяс дінӧ: видзӧдӧй Исус Кристос вылӧ. Сійӧс Енмыс мӧдӧдіс, Сійӧ – Аркирей, кодлы ми эскам.

Еврейяслы 7:4

Аддзанныд, кутшӧм сійӧ ыджыд! Ачыс Ӧвраам, миян батьным, сетіс сылы дасӧд юкӧнсӧ, тышын шедӧдӧмысь медбурсӧ.

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Яков 3:15

Ӧд татшӧм мывкыдыс – абу вылісянь сетӧм мывкыд, сійӧ – мувывса, мортсянь да пеж ловъяссянь.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.