2 Петыр 3:16 - Коми Библия 2023

¹⁶ Татшӧмторъяссӧ сійӧ висьталӧ быд гижӧдын. Мыйсюрӧ сэтысь сьӧкыд гӧгӧрвонысӧ. Та вӧсна ичӧт мывкыда йӧз да жеб эскысьяс мукӧд Гижӧдсӧ моз мӧдарӧ бергӧдӧны сылысь гижӧдъяссӧ. Тадзи кӧлалӧны ас выланыс бырӧдӧмсӧ.

2 Петыр 3:16 Iomraidhean Croise

Олӧм 49:4

Тэ бузгысь ва кодь, тэ медводдза чужысьлысь нимтӧ воштін, ӧд тэ батьыд вольпасьӧ водін, менсьым вольпасьӧс пежалін.

Ӧксыяслӧн 3 небӧг 10:1

Саваса ӧксы-ань кыліс, мый Соломонлӧн нималӧмыс вайӧ ошкӧм Господьлы, да петіс туйӧ, медым нӧдкывъясӧн тӧдмавны Соломонлысь мывкыдлунсӧ.

Псалтыр 56:5

Ме ола левъяс пӧвстын, биӧн лолалысь зверъяс пӧвстын, сэтшӧм йӧз пӧвстын, кодъяслӧн пиньныс шы да ньӧв кодь, кодъяслӧн кывйыс ёсь шыпурт кодь.

Петӧм 23:2

Унджыкыс моз лёк уджъяс эн вӧч. Ёрд водзын сёрнит веськыда, а эн сувт унджыкыс дор.

Петӧм 23:6

Гӧль мортлысь вензьӧмсӧ видлалігӧн ло веськыд ёрдысьӧн.

Еремей 23:36

но энӧ юасьӧй, мыйӧн Господь сьӧктӧдӧ. Ӧд коді юалас тадзи, сійӧс аслас кывйыс кутас сьӧктӧдны. Ті мӧдарӧ бергӧданныд Господь Саваофлысь, миян ловъя Енлысь, кывъяссӧ.

Аввакум 1:4

Индӧдыс лои вынтӧм, веськыда мыждӧмыс абу. Лёк вӧчысь дзескӧдӧ мыжтӧмӧс, ёрдысьяс оз веськыда мыждыны.

Матвей 15:3

Исус воча шуис налы: «Но ті асьныд торканныд Енлысь тшӧктӧмсӧ, медым кутчысьны батьяслӧн шуӧмӧ.

Матвей 15:6

тайӧн оз торк найӧс пыдди пуктӧмсӧ. Батьяслӧн шуӧм вӧсна ті вештанныд Енлысь тшӧктӧмсӧ.

Матвей 22:29

Исус вочавидзис: «Гижӧдъяссӧ да Енлысь вынсӧ ті онӧ тӧдӧй, та вӧсна ылалӧмныд.

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

Филипӧ 3:19

Налӧн помыс – кулӧм, налӧн енмыс – рушкуныс, найӧ ошйысьӧны асланыс янӧдан уджъясӧн. Найӧ мӧвпалӧны сӧмын мувывсаыс йылысь.

Еврейяслы 5:11

Та йылысь эськӧ уна на позьӧ висьтавны, но сьӧкыд висьтавнысӧ, ӧд ті онӧ кӧсйӧй кывзынысӧ.

1 Петыр 1:1

Гижӧ Петыр, Исус Кристослӧн апостол. Чолӧмала тіянӧс, йӧз муӧ разалӧм войтырӧс, кодъяс оланныд Понтын, Галатын, Каппадокияын, Асияын да Вифинияын.

1 Петыр 2:8

Найӧ крукасьӧны, ӧд Ен кывйыслысь оз кывзысьны. Тадзи налы шуӧма лоны.

2 Петыр 2:1

Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ.

2 Петыр 2:14

Налӧн синныс пыр ӧзъялӧ нывбабаяс вылӧ, найӧ оз пӧтлыны мыжсӧ вӧчӧмсьыс, ылӧдлӧны жеб эскысьясӧс. Сьӧлӧмныс налӧн тырӧма горшлунӧн, найӧ ёрӧмыслӧн пиян.

2 Петыр 3:14

Сідзкӧ, мусаясӧй, тайӧс виччысиганыд тӧждысьӧй, медым сувтны Ен водзӧ сӧстӧмӧн да мыжтӧмӧн, мед тіян сьӧлӧмын вӧлі лӧньлун.

2 Петыр 3:2

Кутӧй тӧд выланыд вежа пророкъяслысь важысянь шуӧмсӧ да Мездысь Господьлысь апостолъяс пыр сетӧм тшӧктӧмсӧ.

Иуда 1:4

Тіян пӧвстӧ наяна сюйсисны Ентӧг олысьяс. Татшӧм йӧзыслы важӧн нин дасьтӧма мыждӧмсӧ. Миян Енлысь буралӧмсӧ найӧ бергӧдӧны лэдзчысьӧм оласногӧ. Найӧ соссьӧны ӧти Ен Ыджыдысь да миян Господь Исус Кристосысь.