2 Петыр 2:9 - Коми Библия 2023

⁹ Господь тӧдӧ, кыдзи мездыны вежавидзысьӧс сьӧкыдалӧмсьыс, а лёк вӧчысьӧс Сійӧ видзӧ, медым мыждан лунӧ сійӧс чорыда мыждыны.

2 Петыр 2:9 Iomraidhean Croise

Иов 21:30

мый бырӧдан лунӧ лёк вӧчысь мездмас, Енлӧн скӧралан лунӧ сійӧс лоӧ вештӧма мӧдлаӧ.

Иов 5:19

Квайт шогысь Сійӧ мездас тэнӧ, сизимӧдыс оз инмӧдчыв тэ дінӧ.

Псалтыр 12:1

Сьылысьясӧн веськӧдлысьлы. Давидлӧн псалом.

Псалтыр 32:6

Господьлӧн кывйӧн вӧчӧма енэжъяссӧ, Сылӧн ловшыӧн артмис став енэжвывсаыс.

Псалтыр 4:3

Морт пиян, дыр-ӧ ті понданныд лёкӧдны менсьым нималӧмӧс, дыр-ӧ ті понданныд радейтны ковтӧмсӧ да корсьны ылӧгсӧ?

Шусьӧгъяс 12:13

Лёк мортӧс тывъялӧ вомсьыс петан мыжыс, а веськыда олысь мынӧ шогсьыс. [Рам морт дінӧ Енмыс буралӧ, а коді мӧдӧс ёрд водзӧ кыскӧ, мыжалӧмнас сійӧс дзескӧдӧ.]

Шусьӧгъяс 16:4

Господь ставсӧ вӧчӧма мыйкӧ могысь, весиг мыж вӧчысьӧс лёк луныс кежлӧ вӧчӧма.

Матвей 10:15

Веськыда висьтала тіянлы: мыждан лунӧ Содом да Гомора каръяслы лоас кокньыдджык сійӧ карыслы дорысь.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

1 Коринфӧ 10:13

Тіянӧс кӧ суис сьӧкыдлун, тайӧ быд морткӧд вермӧ лоны. Но Енмыс эскана, Сійӧ оз сет сьӧкыдсӧ вынысь унджык нуны. Мӧдарӧ, сьӧкыдлун дырйи Сійӧ индас тіянлы петан туй, да ті венанныд сьӧкыдсӧ.

2 Тимофейлы 3:12

Быдӧнӧс, коді кӧсйӧ овны вежа олӧмӧн Исус Кристос пытшкын, пондасны вӧтлыны.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

2 Петыр 2:4

Мыжӧ усьӧм анделъясӧс Енмыс эз видз, а шыбитіс пемыд адӧ да дорис мыждан лунӧдз.

2 Петыр 3:7

Ӧнія енэжсӧ да мусӧ сійӧ жӧ кывйыс кутӧ да видзӧ биӧн бырӧдӧм вылӧ. Тайӧ лоӧ мыждан лунӧ, кор Ентӧг олысьясӧс лоӧ бырӧдӧма.

Иуда 1:6

Анделъясӧс, кодъяс эз донъявны ассьыныс ыджыдалан вынсӧ да эновтісны енэжвывса оланінсӧ, Господь пыр кежлӧ дорис чептӧн да видзӧ сап пемыдас ыджыд мыждан лун кежлӧ.

Восьтӧм 3:10

Ме тшӧкті тэныд зумыда сулавны, и тэ видзин Менсьым тшӧктӧмӧс. Та вӧсна видза тэнӧ локтана сьӧкыд кадас. Тайӧ кадыс лоӧ став му пасьталаыс, медым тӧдмавны мувывса олысьясӧс.

Ӧксыяслӧн 1 небӧг 29:10

Аски асывнас чеччы да мун Саул ыджыдыдлӧн кесйӧгъяскӧд, кодъяс локтісны тэкӧд тшӧтш. [Мунӧй сійӧ карас, кытчӧ ме тіянӧс овмӧді. Эн босьт сьӧлӧмад юралысьяслысь сёрнисӧ. Ме тӧда, мый тэ бура кесъялан.] Асывнас югдӧм бӧрас петӧй туйӧ».