2 Петыр 2:1 - Коми Библия 2023

¹ Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ.

2 Петыр 2:1 Iomraidhean Croise

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

Петӧм 15:16

Мед дзӧрӧны-полӧны найӧ! Тэнад вына киыд из сюръяӧ пӧртлӧ найӧс, кытчӧдз Тэнад войтырыд оз мун на дінті, войтырыд, кодӧс Тэ ньӧбин Аслыд.

Исай 9:15

Юрыс – тайӧ юрнуӧдысьяс да нималана йӧз, а бӧжыс – тайӧ ылӧгвелӧдысь пророкъяс.

Еремей 29:21

Колайлӧн Ахав пи йылысь да Маасейлӧн Седекей пи йылысь, кодъяс ылӧгсӧ юӧртӧны Менам нимсянь, Ме, Господь Саваоф, Израильлӧн Ен, тадзи висьтала: Ме сета найӧс вавилонса Навукодоносор ӧксы киӧ, и сійӧ виас найӧс тіян син водзын.

Еремей 37:19

Кӧні тіян пророкъясныд, кодъяс юӧртлісны тіянлы, мый вавилонса ӧксы оз пет тышӧ тіянлы да тайӧ муыслы паныд?

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Осий 9:8

Ме, пророк, аслам Енкӧд ӧтвыв видза Ефремӧс, но менам став туйяс вылӧ пукталӧма дзуг, весиг Ен керкаын меным паныд сувтӧны.

Микей 2:11

Нинӧм абусӧ бызгысь кӧ ылӧдчӧмӧн шуас: «Юӧрта тіянлы, мый вина-сурныд тіян визувтны кутас», сійӧс эськӧ пророк пыдди сибӧдіс тайӧ войтырыс.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Микей 3:5

Господь тадзи висьталӧ пророкъяс йылысь, кодъяс кежӧдӧны Сылысь войтырсӧ туйсьыс: найӧ кӧсйысьӧны лӧньлун мортлы, коді налы сёян сетӧ, а коді вомас налы нинӧм оз пукты, сійӧс тышӧн повзьӧдлӧны.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 10:33

Коді соссяс Меысь йӧз водзын, сыысь Ме сосся Аслам енэжвыв Бать водзын.

Матвей 24:11

Уна ылӧгпророк локтас, унаӧс найӧ ылӧдасны.

Матвей 24:24

Ӧд ылӧгкристосъяс да ылӧгпророкъяс локтасны да пондасны вӧчны ыджыд шензьӧданаторъяс, медым ылӧдны, позяс кӧ, весиг бӧрйӧмаясӧс.

Матвей 24:5

Унаӧн Менам нимӧн локтасны да шуасны, ме пӧ Кристос, да унаӧс ылӧдасны.

Матвей 7:15

«Видзӧй асьнытӧ ылӧгпророкъясысь. Найӧ локтӧны тіян дінӧ ыжъяс кодьӧн, а збыльвылас найӧ горш кӧинъяс.

Марк 13:22

Ӧд ылӧгкристосъяс да ылӧгпророкъяс локтасны да пондасны вӧчны шензьӧданаторъяс, медым ылӧдны, позяс кӧ, весиг бӧрйӧмаясӧс.

Лука 12:9

Коді соссяс Меысь йӧз водзын, сыысь Ме сосся Енлӧн анделъяс водзын.

Лука 21:8

Исус шуис: «Видзчысьӧй, мед эз ылӧдны тіянӧс. Унаӧн Менам нимӧн локтасны да шуасны, ме пӧ Сійӧ, кадыс пӧ воис нин. Энӧ мунӧй на бӧрся.

Лука 6:26

Курыд шог тіянлы, став йӧзыс кӧ сёрнитӧны тіян йылысь бура. Налӧн батьясныс тадзи жӧ сёрнитісны ылӧгпророкъяс йылысь».

Римӧ 16:18

Татшӧм йӧзыс кесъялӧны оз Исус Кристос Господьнымлы, но асланыс рушкулы. Мича сёрнинас найӧ кокньыда ылӧдлӧны восьса сьӧлӧмаясӧс.

1 Коринфӧ 11:19

Дерт, колӧ, медым ті мӧвпалӧмнад торъялінныд, татшӧм ногӧн воссьӧ, коді тіян пиысь шогмана Енмыслы.

1 Коринфӧ 6:20

Енмыс ньӧбис тіянӧс ыджыд дон вылӧ. Сідзкӧ, ошкӧй Енсӧ вир-яйнад и ловнад, ӧд ставыс Сылӧн.

1 Коринфӧ 7:23

Енмыс ньӧбис тіянӧс ыджыд дон вылӧ, сідзкӧ, энӧ лоӧй мортлӧн кесйӧгӧн.

Галатӧ 2:4

Тайӧс ёна кӧсйисны ылӧгвокъяс. Найӧ сибӧдчисны миян дінӧ кыйӧдчысьяс моз, медым тӧдмавны, мыйсяма мездлун миян эм Исус Кристоссянь. Найӧ зілисны бӧр сюйны миянӧс Индӧд улӧ.

Галатӧ 3:13

Кристос ньӧбис миянӧс Индӧдыслӧн ёрӧм улысь, кор Сійӧс вӧлі ёрӧма миян пыдди. Ӧд гижӧма: «Ёрӧма быдӧнӧс, кодӧс ӧшӧдӧма пу вылӧ».

Галатӧ 4:17

Кодсюрӧ оз бур могысь тӧждысьны тіян вӧсна. Найӧ кӧсйӧны янсӧдны миянӧс, медым ті тӧждысинныд на вӧсна.

Галатӧ 5:20

идоллы юрбитӧм, тшыкӧдчӧм, лӧгалӧм, пинясьӧм, вежӧгтӧм, скӧралӧм, асьтӧ радейтӧм, юксьӧм, ылӧгвелӧдӧм,

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Ефесӧ 4:14

Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

Индӧд 32:6

Тадзи ӧмӧй тэ, мывкыдтӧм да вежӧртӧм войтыр, мынтысян Господьлы? Абу-ӧ Сійӧ тіян Бать, тіянӧс Вӧчысьыс? Сійӧ тіянӧс вӧчис да ёнмӧдіс.

Филипӧ 3:19

Налӧн помыс – кулӧм, налӧн енмыс – рушкуныс, найӧ ошйысьӧны асланыс янӧдан уджъясӧн. Найӧ мӧвпалӧны сӧмын мувывсаыс йылысь.

Колосӧ 2:18

Некод мед оз ылӧд тіянӧс аслас рамлунӧн, анделъяслы юрбитӧмӧн да ылӧг аддзылӧмъяснас ошйысьӧмӧн. Морт вежӧрнаныс мӧвпалігӧн найӧ вылӧ пуктӧны асьнысӧ.

Колосӧ 2:8

Видзчысьӧй, мед кодкӧ эз тывйышт тіянӧс мувывса мывкыдлуннас да ылӧг сёрнинас. Найӧ подуласьӧны мортлӧн велӧдӧм вылӧ да муюгыд вынъяс вылӧ, а оз Кристос вылӧ.

1 Тимофейлы 5:8

Коді оз тӧждысь матыссаыс вӧсна, торйӧн нин гортсаыс вӧсна, сійӧ эновтӧма эскӧмсӧ да эскытӧм дорысь лёкджык на.

2 Тимофейлы 4:3

Ӧд воас кад, кор веськыд велӧдӧмсӧ оз пондыны кывзыны. Йӧзыс ас лёк кӧсйӧм сертиныс бӧръясны велӧдысьясӧс да пондасны кывзыны найӧс.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

Титлы 3:10

Ылӧгас кежӧдысьӧс ӧтчыд да мӧдысь ӧлӧдӧм бӧрын эновт.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

1 Петыр 1:8

Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

1 Иоан 2:26

Вылынджык ме гижи тіянӧс ылӧдысьяс йылысь.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.

Иуда 1:18

Найӧ шулісны тіянлы, мый бӧръя кадӧ локтасны лёкӧдысьяс, кодъяс олӧны асланыс пеж кӧсйӧмныс серти.

Иуда 1:4

Тіян пӧвстӧ наяна сюйсисны Ентӧг олысьяс. Татшӧм йӧзыслы важӧн нин дасьтӧма мыждӧмсӧ. Миян Енлысь буралӧмсӧ найӧ бергӧдӧны лэдзчысьӧм оласногӧ. Найӧ соссьӧны ӧти Ен Ыджыдысь да миян Господь Исус Кристосысь.

Восьтӧм 13:14

Став шензьӧданаторнас, мый сійӧ вӧчӧ воддза зверыслӧн син водзын, сійӧ ылӧдлӧ му вылын олысьясӧс. Сійӧ тшӧктӧ налы вӧчны шыпуртӧн дойдӧм да ловзьӧм зверыслысь серпассӧ.

Восьтӧм 2:13

Ме тӧда тэнсьыд уджъястӧ. Тэ олан сэні, кӧні сӧтаналӧн юралан пуклӧсыс, но тэ зумыда кутчысян Менам нимӧ. Тэ эн соссьы Меным эскӧмысь весиг сэки, кор тіянын, сӧтана оланінын, виисны Антипаӧс – Менсьым эскана висьталысьӧс.

Восьтӧм 2:9

Ме тӧда тэнсьыд уджъястӧ, сьӧкыдалӧмтӧ да гӧльлунтӧ, но тэ – озыр! Тӧда, кыдзи тэнӧ лёкӧдӧны найӧ, кодъяс шуӧны асьнысӧ иудейясӧн, но найӧ абу иудейяс, а сӧтаналӧн йӧз чукӧр.

Восьтӧм 3:8

”Ме тӧда тэнсьыд уджъястӧ. Со, Ме восьті тэ водзын ӧдзӧс, и некод оз вермы тупкыны сійӧс. Дерт, тэ жеб, но видзин Менсьым кывъясӧс да эн соссьы Менам нимысь.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

Восьтӧм 6:10

Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»