2 Каднебӧг 9:1 - Коми Библия 2023

¹ Саваса ӧксы-ань кыліс Соломонлӧн нималӧмыс йылысь да муніс Ерусалимӧ, медым нӧдкывъясӧн тӧдмавны Соломонлысь мывкыдлунсӧ. Сыкӧд вӧлі зэв уна йӧз. Верблюдъяс вылын найӧ вайисны уна зарни, дона изъяс да чӧскыд ӧвтанторъяс. Ӧксы-ань аддзысис Соломонкӧд. Сійӧ сёрнитіс Соломонкӧд быдтор йылысь, мый кӧсйис тӧдны.

2 Каднебӧг 9:1 Iomraidhean Croise

Олӧм 10:28

Овал, Авимаэл, Шевей,

Олӧм 10:7

Кушлӧн вӧліны Севей, Хавил, Савтай, Рамай да Савтек пиян. Рамайлӧн вӧліны Шевей да Дедан пиян.

Олӧм 25:3

Иокшанлӧн чужисны Шевей [да Теман] да Дедан пиян. [Деданлӧн чужисны Рагуил да Навдеил.] Дедан рӧдысь петісны ашшурейяс, летушейяс да леуммейяс.

Ӧксыяслӧн 3 небӧг 4:31

Став йӧз пиысь сійӧ вӧлі медсюсь, весиг эзрахса Этан, Махоллӧн Еман, Калкол да Дардай пиян дорысь вӧлі сюсь. Соломон нималіс матігӧгӧр олысь войтыръяс пӧвстын.

2 Каднебӧг 1:1

Давидлӧн Соломон пиыс лои вына ӧксыӧн. Господь, сылӧн Енмыс, вӧлі сыкӧд и вылӧ кыпӧдіс сійӧс.

2 Каднебӧг 1:12

Ме сета тэныд мывкыдлун да вежӧр, а озырлунсӧ, овмӧс-эмбурсӧ да нималӧмсӧ Ме сета тэныд сы мында, мыйта эз на вӧв тэӧдз и оз ло тэ бӧрти веськӧдлысь ӧксыяслӧн».

2 Каднебӧг 9:2

Соломон вочавидзис ӧксы-аньлӧн став юалӧмыс вылӧ. Эз вӧв сэтшӧмтор, мый вылӧ эськӧ сійӧ эз вермы вочавидзны.

2 Каднебӧг 9:9

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Татшӧм ӧвтанторъясыс, мый саваса ӧксы-ань козьналіс Соломон ӧксылы, Израильын эз на вӧвлыны.

Псалтыр 142:2

Эн мыжды Ассьыд кесйӧгтӧ, ӧд Тэ водзын веськыд мортыс абу.

Псалтыр 49:4

Сійӧ чуксалӧ енэжсӧ да мусӧ, медым мыждыны Ассьыс войтырсӧ.

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Псалтыр 72:15

Но ме кӧ шуи, мый кута на моз сёрнитны, ме эськӧ мыжа вӧлі Тэнад войтырыд водзын.

Псалтыр 78:2

Тэнад кесйӧгъяслысь шойяссӧ колисны енэжвыв лэбачьяслы, Тэнад эскана войтырлысь шойяссӧ – мувывса зверъяслы.

Шусьӧгъяс 1:6

гӧгӧрвоас шусьӧгъяссӧ да кывйӧзъяссӧ, мывкыд йӧзлысь шуӧм кывъяссӧ да нӧдкывъяссӧ.

Исай 60:6

Тэ дінӧ локтас уна верблюд, Мадианысь да Эфаысь локтасны том верблюдъяс. Саваын олысьяс локтасны тэ дінӧ, ваясны чӧскыд ӧвтанторъяс да зарни, кыпӧдасны Господьлы ошкӧм.

Матвей 12:34

Вижля йылӧм! Верманныд-ӧ бурсӧ висьтавны, асьныд кӧ лёкӧсь? Ӧд мыйӧн тырӧма мортыслӧн сьӧлӧмыс, сійӧ вомсьыс и петӧ.

Матвей 12:42

Лунвыв муысь ӧксы-ань сувтас мыждан лунӧ ӧнія олысьяскӧд да мыжалас найӧс. Ӧд му помсяньыс сійӧ воліс кывзыны Соломонлысь мывкыд сёрнисӧ. Но тані тіянкӧд Сійӧ, коді Соломон дорысь ыджыдджык».

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Матвей 13:35

медым иніс пророклӧн шуӧмыс: – Ме сёрнита тіянкӧд велӧданвисьтъясӧн, му пуксьӧмсяньыс дзебӧмасӧ юӧрта.

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.

Лука 11:31

Лунвыв муысь ӧксы-ань сувтас мыждан лунӧ ӧнія олысьяскӧд да мыжалас найӧс. Ӧд му помсяньыс сійӧ воліс кывзыны Соломонлысь мывкыд сёрнисӧ. Но тані тіянкӧд Сійӧ, коді Соломон дорысь ыджыдджык.

Ӧксыяслӧн 1 небӧг 1:15

Мӧдыс вочавидзис: «Ыджыдӧй, вина-сур ме эг ю. Ме зэв шудтӧм ань, та вӧсна сьӧлӧмӧс ме личӧді Господь водзын.