2 Каднебӧг 8:6 - Коми Библия 2023

⁶ Сійӧ лэптіс Баалат кар. Нянь да эмбур, тарантасъяс да вӧвъяс видзӧм могысь кыпӧдіс аслыс каръяс. Ерусалимын, Ливанын да аслас киподувса муын сійӧ лэптіс ставсӧ, мый кӧсйис.

2 Каднебӧг 8:6 Iomraidhean Croise

Ӧксыяслӧн 3 небӧг 10:26

Соломон лӧсьӧдіс аслыс тарантаса вӧвъясӧс: тарантас лыдыс вӧлі сюрс нёльсё, а вӧвъяслӧн лыдыс – дас кык сюрс. Сійӧ видзис найӧс тарантаса тышкайӧзлы торйӧдӧм каръясын да аслас Ерусалим карын. [Ефрат юсянь Филистим муӧдз да Египетӧдз став ӧксыыс вӧліны Соломон кипод улынӧсь.]

Ӧксыяслӧн 3 небӧг 7:2

Керка пытшкас сійӧ вӧчис торъя ыджыд вежӧс да нимтіс сійӧс ливанса сус пу керкаӧн. Тайӧ вежӧсыс вӧлі сё гырддза кузьта, ветымын гырддза пасьта да комын гырддза судта. Сійӧ мыджсис нёль визьӧн сувтӧдӧм сус пу сюръяяс вылӧ, а сюръяяс вылас вомӧнӧн вӧлі пукталӧма сус пу матичьяс.

Ӧксыяслӧн 3 небӧг 9:1

Соломон помаліс вӧчны Господьлысь крамсӧ, ассьыс ӧксы керкасӧ да ставсӧ, мый кӧсйис вӧчны.

2 Каднебӧг 1:14

Соломон лӧсьӧдіс аслыс тарантаса вӧвъясӧс: тарантас лыдыс вӧлі сюрс нёльсё, а вӧвъяслӧн лыдыс – дас кык сюрс. Сійӧ видзис найӧс тарантаса тышкайӧзлы торйӧдӧм каръясын да аслас Ерусалим карын.

2 Каднебӧг 17:12

Иосафатлӧн юралӧмыс ёнджыка на зумыдмис. Иуда муын сійӧ лэптіс изкаръяс, лэптіс нянь да эмбур видзӧм могысь каръяс.

2 Каднебӧг 8:4

Овтӧминын сійӧ лэптіс Тадмор кар. Нянь да эмбур видзӧм могысь Хаматын кыпӧдіс каръяс.

2 Каднебӧг 8:5

Нӧшта Соломон лэптіс Вылыс Бет-Хорон да Улыс Бет-Хорон изкаръяс, кыпӧдіс на гӧгӧр стенъяс, вӧчис дзиръяяс да тасъяс.

2 Каднебӧг 8:7

Хеттейясысь, аморейясысь, перезейясысь, хивейясысь да евуссаясысь ловйӧн кольӧмаясӧс Соломон уджӧдіс. Тадзи найӧ талунӧдз мынтӧны сылы вот. Тайӧ йӧзыс эз вӧвны Израиль войтырысь, а чужисны Израиль муын мукӧд войтыръяссянь, кодъясӧс израильсаяс эз бырӧдны.

Еклесиаст 2:4

Ме вӧчи ыджыд уджъяс: лэпті аслым керкаяс, пукті виноград пуяс,

Сьылан 4:8

– Лок, гӧтырпуӧй, ливанса керӧссянь, лок ме дінӧ Ливансянь! Лэччы Амана керӧс йывсянь, коль Сенир да Ермон керӧсъяс, левлысь сайӧдчанінсӧ, леопардлысь оланінсӧ.

Нав Исус 19:44

Элтеке, Гиббетон, Баалат,