2 Каднебӧг 8:14 - Коми Библия 2023

¹⁴ Давид батьыслӧн тшӧктӧм серти Соломон индіс кесъявны поп котыръясӧс, индіс тшӧтш левитъясӧс быд лун кежлӧ вӧчны ассьыныс уджнысӧ – ошкыны Господьӧс да отсасьны попъяслы. Нӧшта Соломон сувтӧдаліс быд дзиръя дорӧ крам видзысьясӧс. Тадзи вӧчны тшӧктіс сылы Енлӧн морт Давид.

2 Каднебӧг 8:14 Iomraidhean Croise

Ӧксыяслӧн 2 небӧг 23:2

Господьлӧн Лов сёрнитӧ ме пыр, Сылӧн кывйыс петӧ менам вомысь.

Ӧксыяслӧн 3 небӧг 13:1

Кор Еровам висьпуктанін вылын сотіс вись, Вефильӧ локтіс Иуда муысь Енлӧн морт, кодӧс мӧдӧдіс Господь.

1 Каднебӧг 16:37

Давид тшӧктіс Асафлы да сылӧн вокъяслы, медым найӧ дугдывлытӧг кесъяласны Господьлӧн Йитӧд куд водзын, быд лун вӧчасны, мый колӧ вӧчны сійӧ лунӧ.

1 Каднебӧг 16:42

Еманӧс да Едутунӧс индісны ворсны трубаӧн, кимвалӧн да мукӧд ворсанторйӧн, медым ошкыны Енмӧс. Едутунлысь пиянсӧ пуктісны видзны вежа чомлысь пыранінсӧ.

1 Каднебӧг 23:1

Кор Давид пӧрысьмис да пӧтіс олан лунъяснас, сэки пуктіс ассьыс Соломон писӧ Израиль войтырлы ӧксыӧ.

1 Каднебӧг 24:1

Ааронсянь чужысьясӧс юклісны котыръяс вылӧ. Ааронлӧн вӧліны Надав, Авиуд, Элазар да Итамар пиян.

1 Каднебӧг 24:3

Элазар рӧдысь Садоккӧд да Итамар рӧдысь Ахимелеккӧд ӧтвылысь Давид юкліс попъясӧс котыръяс вылӧ, медым найӧ кесъялісны сьӧрсьӧн-бӧрсьӧн.

1 Каднебӧг 25:1

Давид да тышкайӧзӧн веськӧдлысьяс торйӧдісны кесъялӧм вылӧ Асафлысь, Еманлысь да Едутунлысь пиянсӧ, медым найӧ Енмӧс ошкӧмӧн ворсісны гуслиӧн, арфаӧн да кимвалӧн. Кесъявны индӧм йӧзлӧн нимъясныс татшӧмӧсь:

1 Каднебӧг 26:1

Крам дзиръя видзысьяслӧн нимъясныс татшӧмӧсь. Корейсянь чужысьясысь вӧлі Мешелемий, сійӧ вӧлі Корелӧн пиыс, а Коре вӧлі Асафлӧн пиыс.

1 Каднебӧг 28:19

«Став тайӧ тшӧктӧмъяссӧ крам вӧчӧм йылысь ме тӧдмалі Господьсянь да гижи найӧс», – висьталіс Давид.

1 Каднебӧг 9:17

Крам дзиръя видзысьяс пӧвстысь Ерусалимын олісны Шаллум, Аккув, Талмон, Ахиман да налӧн рӧдвужыс. Налӧн веськӧдлысьнас вӧлі Шаллум.

1 Каднебӧг 9:24

Видзысьяс сулалісны нёльлаын: асыввылын, рытыввылын, войвылын да лунвылын.

2 Каднебӧг 23:19

Господьлӧн крам дзиръяяс дорӧ Иодай сувтӧдіс видзысьясӧс, медым крамӧ эз пыр некод, коді абу вӧлі сӧстӧммӧдчӧма.

2 Каднебӧг 23:4

Локтана шойччан лунӧ крамын кесъялысь попъясысь да левитъясысь коймӧд юкӧныс мед видзас крамӧ пыран ӧдзӧсъяс,

2 Каднебӧг 29:25

Ӧксы тшӧктіс левитъяслы сулавны Господьлӧн крамын да ворсны кимвалӧн, арфаӧн да гуслиӧн, кыдзи тшӧктылісны вӧчны Давид ӧксы, сылӧн Гад нима пророк да Нафан пророк. Тайӧ тшӧктӧмыс вӧлі Господьсянь Сылӧн пророкъяс пыр.

2 Каднебӧг 31:2

Езекей ӧксы индіс попъяслӧн да левитъяслӧн быд котырлы вӧчны ассьыс удж: вайны сотан да бурасян висьяс, сьывны-ошкыны да кесъявны Господьлӧн крамӧ пыранін дорын.

2 Каднебӧг 35:10

Кор ставсӧ вӧлі дасьтӧма кесъялӧм кежлӧ, сэки ӧксылӧн тшӧктӧм серти попъяс сувтісны асланыс местаӧ, а левитъяс сувтісны котыръясӧн.

2 Каднебӧг 35:15

Давид ӧксылӧн да сылӧн Асаф, Еман да Едутун пророкъяслӧн тшӧктӧм серти сьылысьяс, Асафсянь чужысьяс, сулалісны асланыс местаын. Быд дзиръя дорын сулалісны дзиръя видзысьяс. Сьылысьяслӧн да дзиръя видзысьяслӧн вокъясыс, левитъяс, дасьтісны налы ыджыдлунся баляӧс, та вӧсна налы эз вӧв колана мунны асланыс кесъяланінысь.

2 Каднебӧг 35:4

Юксьӧй рӧд сертиныд котыръясӧ, кыдзи тшӧктісны израильса Давид ӧксы да сылӧн Соломон пиыс.

2 Каднебӧг 5:11

Быд котырысь крамӧ локтӧм попъяс вӧлі вежӧдӧмаӧсь-сӧстӧммӧдӧмаӧсь асьнысӧ. Кор попъяс петісны вежаинысь,

2 Каднебӧг 8:15

Ставсӧ вӧлі вӧчӧма сы серти, мый ӧксы тшӧктыліс попъяс да левитъяс йылысь, озырлун видзанінъяс да мукӧдторйыс йылысь.

Ездра 6:18

Мӧисей небӧгын тшӧктӧм серти поп котыръясӧс да левит чукӧръясӧс индісны кесъявны Енлы Ерусалимын.

Неемий 12:24

Левитъясӧн веськӧдлысьяснас вӧліны Хашавий, Шеревий, Кадмиэллӧн Исус пиыс да налӧн вокъяс, кодъяс вежласьӧмӧн сьылісны ошкана да аттьӧалана сьыланъяс Енлӧн морт Давидлӧн лӧсьӧдӧм серти.

Неемий 12:25

Маттанай, Бакбук, Авдий, Мешуллам, Талмон да Аккув, крам дзиръя видзысьяс, кывкутісны дзиръядор видзанінъяс вӧсна.

Неемий 12:36

Нӧшта мунісны Закарлӧн Шемай, Азарэл, Милалай, Гилалай, Маай, Нафанаил, Иуда да Ханани вокъясыс. Найӧ ворсісны Енлӧн морт Давидлӧн кодь шылада ворсанторъясӧн. На водзвылын муніс Индӧдӧ велӧдысь Ездра.

Лука 1:5

Ирӧд ӧксыалан лунъясӧ Иудея муын оліс Закар нима поп, сійӧ вӧлі Авий поп котырысь. Закарлӧн Елизавета гӧтырыс вӧлі Аарон чужанвужйысь.

Лука 1:8

Воис кад Закар котырлы кесъявны Ен водзын.

Ап. уджъяс 13:22

Саулӧс вештӧм бӧрын пуктіс налы ӧксыӧ Давидӧс. Сы йылысь шуӧма: ”Ме аддзи Давидӧс, Ессейлысь писӧ, сійӧ Меным сьӧлӧм серти. Сійӧ пӧртас олӧмӧ Менсьым став кӧсйӧмӧс”.

Ап. уджъяс 13:36

Давид аслас кадӧ пӧртіс олӧмас Енлысь кӧсйӧмсӧ. Сэсся сійӧ куліс, да сійӧс гуалісны батьяскӧд орччӧн. Давидным аддзыліс сісьмӧмсӧ,

Индӧд 33:1

Со тайӧ бурсиӧмнас Мӧисей, Енлӧн морт, бурсиис Израиль пиянӧс кулӧм водзвылас: