2 Каднебӧг 7:8 - Коми Библия 2023

⁸ Сійӧ лунъясӧ Соломон став Израиль войтыркӧд пасйис сизимлунся гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас.

2 Каднебӧг 7:8 Iomraidhean Croise

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Ӧксыяслӧн 3 небӧг 8:2

Гажӧдчан лунъяс дырйи, этаним нима сизимӧд тӧлысьӧ, израильсаяс чукӧртчисны Соломон ӧксы дінӧ.

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

2 Каднебӧг 30:13

Мӧд тӧлысьнас Ерусалимӧ войтырыс чукӧртчис зэв уна, медым пасйыны Шомтӧм нянь сёян лунъяс.

2 Каднебӧг 30:26

Ерусалимын вӧлі ыджыд гаж, татшӧм гажыс эз нин вӧвлы сэні израильса Соломон ӧксылӧн, Давид пилӧн, веськӧдлан кадсянь.

2 Каднебӧг 5:3

Гажӧдчан лунъяс дырйи, волӧн сизимӧд тӧлысьӧ, израильсаяс чукӧртчисны Соломон ӧксы дінӧ.

Езекиль 45:25

Сизимӧд тӧлысьлӧн дас витӧд лунсянь лоӧны вежа гажӧдчан лунъяс. Сизим лун чӧж ӧксы мед вайӧ мыжысь вись, сотан вись, нянь вись да олив вый, кыдзи мукӧд гажӧдчан лунъяс дырйи».

Езекиль 47:20

Рытыввыв мудорнас лоӧ Ыджыд саридз. Мудорыс мунас лунвывсянь Лево-Хамат весьтӧдз. Тайӧ рытыввыв мудор.

Амос 6:14

Израильсаяс, кывзӧй, – висьталӧ Господь Ен Саваоф. – Ме кыпӧда тіянлы паныд войтырӧс. Найӧ кутасны дзескӧдны тіянӧс быдлаын Лево-Хаматсянь Арава сёнӧдз.

Иоан 7:2

Матыстчис иудейяслӧн гажӧдчан кад, Чом вӧчан лунъяс.