2 Каднебӧг 7:12 - Коми Библия 2023

¹² Войнас Господь петкӧдчис Соломонлы да шуис: «Ме кылі тэнсьыд кевмысьӧмтӧ да бӧрйи тайӧ местасӧ, медым тані вӧлі крам, кӧні кутасны вайны висьяс.

2 Каднебӧг 7:12 Iomraidhean Croise

Олӧм 17:1

Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.

Ӧксыяслӧн 3 небӧг 9:2

Гаваонын моз Господь мӧдысь петкӧдчис Соломонлы.

Ӧксыяслӧн 4 небӧг 2:6

Илля бара шуис Елисейлы: «Кольччы татчӧ, а менӧ Господь тшӧктӧ мунны Йӧрдан ю дорӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ водзӧ мунісны.

Ӧксыяслӧн 4 небӧг 20:5

«Бӧр бергӧдчы да висьтав Езекейлы, Менам войтырлӧн юралысьлы, мый Господь, Давид пӧльыдлӧн Ен, тадзи висьталӧ: ”Ме кылі тэнсьыд кевмӧмтӧ да аддзи тэнсьыд синватӧ. Ме бурдӧда тэнӧ. Кык лун мысти тэ мунан Господьлӧн крамӧ.

Ӧксыяслӧн 4 небӧг 21:7

Манассей вӧчӧдіс Астарта бӧлбанӧс да сувтӧдіс сійӧс крамӧ, мый йылысь Господь шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

2 Каднебӧг 1:7

Войнас Соломонлы вӧтас петкӧдчис Ен да шуис: «Кор Менсьым, мый кӧсъян, и Ме сета тэныд».

2 Каднебӧг 7:16

Ме бӧрйи да вежӧді тайӧ крамсӧ, медым сэні пыр вӧлі Менам нимӧй. Менам синмӧй пыр кутас видзӧдны сы вылӧ, сійӧ пыр лоӧ Менам сьӧлӧмын.

Малакий 3:4

Сэки Иуда войтырлӧн висьясыс, Ерусалимын олысьяслӧн вайӧмторъясыс важ мозыс лоӧны шогманаӧсь Господьлы.

Лука 1:13

Андел шуис: «Эн пов, Закар! Енмыс кылӧма тэнсьыд кевмӧмтӧ. Елизавета гӧтырыд чужтас тэныд пи. Пукты сылы Иоан ним.

Ап. уджъяс 10:31

да шуис, Корнилий, Енмыс пӧ кылӧма тэнсьыд кевмысьӧмтӧ да аддзӧма гӧльяслы отсасьӧмтӧ.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].