2 Каднебӧг 6:6 - Коми Библия 2023

⁶ А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.

2 Каднебӧг 6:6 Iomraidhean Croise

Ӧксыяслӧн 4 небӧг 21:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін.

Ӧксыяслӧн 4 небӧг 21:7

Манассей вӧчӧдіс Астарта бӧлбанӧс да сувтӧдіс сійӧс крамӧ, мый йылысь Господь шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

1 Каднебӧг 17:5

Израиль войтырӧс Египетысь петкӧдӧмсянь да ӧнӧдз Ме эг овлы керкаын. Ӧтиласянь мӧдлаӧ ветлігӧн Ме олі вежа чомйын.

1 Каднебӧг 17:7

Висьтав Менам Давид кесйӧглы, мый шуӧ Господь Саваоф. Ме босьті тэнӧ ыж йирсянінысь, кӧні тэ видзин ыжъясӧс, да пукті ӧксыӧ Аслам Израиль войтырлы.

1 Каднебӧг 28:4

Господь, Израильлӧн Ен, бӧрйис менӧ батьлӧн рӧдысь да пыр кежлӧ пуктіс Израильлӧн ӧксыӧ. Став чужанкотырыс пӧвстысь Сійӧ бӧрйис Иудаӧс да пуктіс сійӧс юралысьӧ, Иуда чужанкотыр пӧвстысь бӧрйис менам батьлысь рӧдсӧ, а менам батьлӧн пиян пӧвстысь ме вои Сылы сьӧлӧм вылас, и Сійӧ пуктіс менӧ ӧксыӧ Израильлы.

2 Каднебӧг 12:13

Ровоам ӧксылӧн юралӧмыс зумыдмис Ерусалим карын. Ӧксыӧ пуксигас Ровоамлы вӧлі нелямын ӧти арӧс. Дас сизим во чӧж сійӧ юраліс Ерусалим карын. Израильса чужанкотыръяслӧн каръясысь Господь бӧрйис тайӧ карсӧ, медым сэні вӧлі Сылӧн нимыс. Ровоамлӧн мамыс вӧлі аммон войтырысь Наама.

2 Каднебӧг 20:8

Найӧ овмӧдчисны татчӧ да лэптісны крам, медым сэні вӧлі Тэнад нимыд. Найӧ шуисны:

2 Каднебӧг 30:8

Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ.

2 Каднебӧг 33:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін нэмъяс чӧж.

2 Каднебӧг 6:20

Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

2 Каднебӧг 6:5

”Ассьым войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. Эг бӧрйывлы некодӧс, медым пуктыны сійӧс Аслам Израиль войтырлы юралысьӧ.

2 Каднебӧг 7:16

Ме бӧрйи да вежӧді тайӧ крамсӧ, медым сэні пыр вӧлі Менам нимӧй. Менам синмӧй пыр кутас видзӧдны сы вылӧ, сійӧ пыр лоӧ Менам сьӧлӧмын.

Ездра 7:16

Эзысь-зарнитӧ, мый тэ чукӧртан Вавилон пасьтала, да козинъяс, мый войтырыс да попъяс сетасны асланыс Енлӧн ерусалимса крамӧ, тшӧтш босьт аскӧдыд.

Псалтыр 122:2

Кыдзи кесйӧг видзӧдӧ ыджыдыслӧн ки вылӧ, сідзи ми видзӧдам Господь Енным вылӧ, виччысям Сысянь буралӧмсӧ.

Псалтыр 48:1

Сьылысьясӧн веськӧдлысьлы. Корей пиянлӧн псалом.

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Исай 14:32

Мый вочавидзны йӧз муысь юӧр вайысьяслы? Вочавидзӧй налы тадзи: Господь зумыда сувтӧдіс Сион, Сылӧн войтырысь коньӧръяс аддзасны сэні сайӧдчанін.

Закар 2:12

Вежа муын Господь вӧчас Иудаӧс Аслас войтырӧн, бара бӧръяс Аслыс Ерусалим кар.

Закар 3:2

Господь шуис сӧтаналы: «Господь ӧлӧдӧ тэнӧ, сӧтана. Господь, коді бӧрйис Ерусалимӧс Аслас карӧн, тшӧктӧ ланьтны тэныд. Абу-ӧ тайӧ мортыс биысь перйӧм сэрапом кодь?»

Ӧксыяслӧн 1 небӧг 16:1

Господь шуис Самуиллы: «Дыр-ӧ на тэ кутан шогсьыны Саул вӧсна, кодӧс Ме вешті Израильын ӧксыалӧмысь? Тырт ассьыд дозтӧ выйӧн да мун Виплиемӧ. Ме ыста тэнӧ сэні олысь Ессей дінӧ. Сылӧн пиян пӧвстысь Ме бӧрйи Аслым ӧксыӧс».