2 Каднебӧг 6:5 - Коми Библия 2023

⁵ ”Ассьым войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. Эг бӧрйывлы некодӧс, медым пуктыны сійӧс Аслам Израиль войтырлы юралысьӧ.

2 Каднебӧг 6:5 Iomraidhean Croise

Ӧксыяслӧн 3 небӧг 8:16

”Ассьым Израиль войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. [А ӧні Ме бӧрйи Ерусалим кар, медым сэні вӧлі Менам нимӧй.] Ме бӧрйи Давидӧс, медым сійӧ веськӧдліс Менам Израиль войтырӧн”.

Ӧксыяслӧн 4 небӧг 21:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін.

1 Каднебӧг 17:5

Израиль войтырӧс Египетысь петкӧдӧмсянь да ӧнӧдз Ме эг овлы керкаын. Ӧтиласянь мӧдлаӧ ветлігӧн Ме олі вежа чомйын.

2 Каднебӧг 12:13

Ровоам ӧксылӧн юралӧмыс зумыдмис Ерусалим карын. Ӧксыӧ пуксигас Ровоамлы вӧлі нелямын ӧти арӧс. Дас сизим во чӧж сійӧ юраліс Ерусалим карын. Израильса чужанкотыръяслӧн каръясысь Господь бӧрйис тайӧ карсӧ, медым сэні вӧлі Сылӧн нимыс. Ровоамлӧн мамыс вӧлі аммон войтырысь Наама.

2 Каднебӧг 20:8

Найӧ овмӧдчисны татчӧ да лэптісны крам, медым сэні вӧлі Тэнад нимыд. Найӧ шуисны:

2 Каднебӧг 20:9

”Миянӧс кӧ суас сьӧкыдлун, тыш, пӧрӧс висьӧм либӧ тшыглун, сэки ми сувтам Тэ водзӧ да тайӧ крамыс водзӧ, кӧні Тэнад нимыд. Сьӧкыдаліганым ми шыасям Тэ дінӧ, и Тэ кылан да мездан миянӧс”.

2 Каднебӧг 30:8

Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ.

2 Каднебӧг 33:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін нэмъяс чӧж.

2 Каднебӧг 33:7

Манассей вӧчӧдіс бӧлбанӧс да сувтӧдіс сійӧс Енлӧн крамӧ, мый йылысь Ен шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

2 Каднебӧг 6:20

Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

2 Каднебӧг 6:4

Сійӧ шуис: «Ошкӧм Господьлы, Израильлӧн Енлы! Ӧні Господь збыльмӧдіс сійӧ, мый Аслас вомӧн кӧсйысьліс менам Давид батьлы. Господь шуліс:

2 Каднебӧг 6:6

А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.

2 Каднебӧг 7:16

Ме бӧрйи да вежӧді тайӧ крамсӧ, медым сэні пыр вӧлі Менам нимӧй. Менам синмӧй пыр кутас видзӧдны сы вылӧ, сійӧ пыр лоӧ Менам сьӧлӧмын.

Ездра 7:16

Эзысь-зарнитӧ, мый тэ чукӧртан Вавилон пасьтала, да козинъяс, мый войтырыс да попъяс сетасны асланыс Енлӧн ерусалимса крамӧ, тшӧтш босьт аскӧдыд.

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Петӧм 23:21

Видзчысьӧй сыысь да кывзысьӧй сылысь. Энӧ дӧзмӧдӧй сійӧс, ӧд сійӧ тіянлы тайӧс оз прӧстит. Менам нимӧй олӧ сы пытшкын.

Даниил 9:19

Господьӧй, кывзы миянӧс! Господьӧй, прӧстит миянӧс! Господьӧй, кыв миянӧс да вӧч корӧмным серти! Аслад нимыд ради эн ньӧжмась, Енмӧй, ӧд Тэнад нимлы сиӧма Тэнсьыд картӧ да Тэнсьыд войтыртӧ».

Закар 3:2

Господь шуис сӧтаналы: «Господь ӧлӧдӧ тэнӧ, сӧтана. Господь, коді бӧрйис Ерусалимӧс Аслас карӧн, тшӧктӧ ланьтны тэныд. Абу-ӧ тайӧ мортыс биысь перйӧм сэрапом кодь?»

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Индӧд 12:5

Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Ӧксыяслӧн 1 небӧг 10:24

Самуил шуис став Израиль войтырлы: «Аддзанныд, кодӧс бӧрйис Господь? Войтыр пӧвстаным мӧдыс сы кодьыс абу». Сэки став йӧзыс гораа горӧдісны: «Мед олас ӧксы!»

Ӧксыяслӧн 1 небӧг 15:23

Ӧд кывзысьтӧмлуныд тунасьӧм кодь жӧ мыж, асныралӧмыд гортса бӧлбанъяслы юрбитӧм кодь жӧ. Тэ нинӧмӧ пуктін Господьлысь шуӧмсӧ, та вӧсна Сійӧ вештіс тэнӧ [Израильын] ӧксыалӧмысь.