2 Каднебӧг 6:34 - Коми Библия 2023

³⁴ Тэнад тшӧктӧм серти кӧ Тэнад войтырыд тышӧ петас вӧрӧглы паныд, кутас кевмысьны Тэныд да бергӧдчас Тэнад бӧрйӧм карлань да крамлань, мый ме лэпті Тэныд,

2 Каднебӧг 6:34 Iomraidhean Croise

Ӧксыяслӧн 3 небӧг 8:13

Господьӧй, Тэныд ме лэпті керка, медым Тэ олін сэні нэмъяс чӧж».

2 Каднебӧг 18:31

Кор тарантаса тышкайӧзӧн веськӧдлысьяс аддзисны Иосафатӧс, чайтісны, мый сійӧ израильса ӧксы. Найӧ кытшалісны сійӧс, медым уськӧдчыны сы вылӧ. Но Иосафат кутіс горзыны, и Господь отсаліс сылы. Енмыс ылыстіс найӧс сы дінысь.

2 Каднебӧг 20:4

Иуда войтыр чукӧртчис, медым корны Господьлысь отсӧг. Иудаса быд карысь локтісны йӧз, медым кевмысьны Господьлы.

2 Каднебӧг 6:33

сэки Тэ кыв сійӧс енэжсяньыд, Аслад оланінсянь. Кора Тэнӧ, вӧч йӧз муысь локтысьлӧн кевмӧм серти, медым мувывса войтыръяс тӧдісны Тэнсьыд нимтӧ да Тэнад Израиль войтырыд моз полісны-вежавидзисны Тэысь. Сэки найӧ тӧдмаласны, мый Тэнад нимлы сиӧма тайӧ крамсӧ, мый ме лэпті.

2 Каднебӧг 6:35

сэки Тэ кыв налысь корӧм-кевмӧмсӧ енэжсяньыд да отсав налы.

2 Каднебӧг 6:6

А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.

Исай 14:32

Мый вочавидзны йӧз муысь юӧр вайысьяслы? Вочавидзӧй налы тадзи: Господь зумыда сувтӧдіс Сион, Сылӧн войтырысь коньӧръяс аддзасны сэні сайӧдчанін.

Даниил 6:10

Кор Даниил тӧдмаліс, мый ӧксы сетӧма татшӧм тшӧктӧм, сійӧ муніс гортас да кайис вылыс вежӧсас, кӧні ӧшиньясыс видзӧдісны Ерусалимлань. Воддза мозыс куимысь луннас сійӧ пидзӧсчанясьӧмӧн кевмысис аслас Енлы да ошкис Сійӧс.

Ӧксыяслӧн 1 небӧг 15:18

Господь мӧдӧдіс тэнӧ тыш вылӧ. Сійӧ тшӧктіс уськӧдчыны мыж вӧчысь амаликъяс вылӧ да дзикӧдз бырӧдны найӧс.

Ӧксыяслӧн 1 небӧг 15:3

Ӧні мун да пасьварт амаликъясӧс [да ерим войтырӧс]. Бырӧд ставсӧ, мый налӧн эм. [Эн босьт аслыд нинӧм, но бырӧд ставсӧ да сет ёрӧм улӧ.] Эн жалит найӧс, виав айуловӧс и аньясӧс, челядьӧс и пузчужӧм кагаясӧс. Виав тшӧтш налысь ӧшъяссӧ, ыжъяссӧ, верблюдъяссӧ да осёлъяссӧ”».