2 Каднебӧг 6:18 - Коми Библия 2023

¹⁸ Збыльысь, му вылын-ӧ Енмыслы овны йӧзыскӧд? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті, оз вермы тӧрӧдны Тэнӧ.

2 Каднебӧг 6:18 Iomraidhean Croise

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

2 Каднебӧг 2:5

Крамыс, мый ме кыпӧда, лоӧ ыджыд, ӧд миян Енным став енсьыс ыджыд.

2 Каднебӧг 2:6

Но коді вермас лэптыны Сылы керка, весиг кӧ енэжыс да енэжвывса енэжъясыс оз вермыны тӧрӧдны Сійӧс? Коді ме сэтшӧмыс, медым лэптыны Сылы керка? Ме верма сӧмын вись сотӧм могысь лэптыны Сылы керка.

2 Каднебӧг 32:15

Сідзкӧ, энӧ лэдзӧй Езекейлы ылӧдлыны тіянӧс. Энӧ эскӧй сылы. Оз сюр сэтшӧм войтырыс, кодлӧн енмыс эськӧ вермис мездыны ассьыс войтырсӧ менам киысь да менам батьяслӧн киысь. Тіян Енныд сідзжӧ оз мезды тіянӧс менам киысь”».

2 Каднебӧг 6:17

Господьӧй, Израильлӧн Енмӧй, мед инас Тэнад кӧсйысьӧмыд, мый Тэ шулін Аслад Давид кесйӧглы.

2 Каднебӧг 6:19

Господьӧй Енмӧй, бергӧдчы Аслад кесйӧглань да кывзы сылысь корӧмсӧ! Кыв Аслад кесйӧглысь Тэ водзын кевмысьӧмсӧ!

Иов 4:19

Нӧшта этшаджыка на Сійӧ эскӧ муысь вӧчӧм мортлы, сёйысь вӧчӧм чомйын олысьлы, кодӧс позьӧ бырӧдны возйӧс моз.

Иов 9:14

Мый ме верма воча шуны Енмыслы, кытысь босьтны кывъяс Сылы паныд?

Псалтыр 68:18

Эн тупкы Ассьыд чужӧмбантӧ Аслад кесйӧгысь, ӧд ме ёна шогся. Тэрмась вочавидзны меным!

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Еремей 23:24

Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Матвей 12:6

Висьтала тіянлы: тані Сійӧ, коді крам дорысь ыджыдджык.

Матвей 7:11

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд уна пӧвстӧн бурсӧ сетас Сылысь корысьяслы.

Ап. уджъяс 17:24

Муюгыдсӧ да ставсӧ вӧчысь Ен, енэжыслӧн да муыслӧн Господь, оз киӧн вӧчӧм крамъясын ов.

2 Коринфӧ 12:2

Тӧда ӧти мортӧс, Кристослы эскысьӧс, кодӧс дас нёль во сайын вӧлі кыпӧдӧма коймӧд енэжас. Вир-яйын-ӧ сійӧ вӧлі, лолын-ӧ, ме ог тӧд, Ен тӧдӧ.