2 Каднебӧг 5:13 - Коми Библия 2023

¹³ Труба шыыс да сьылан шыыс юргисны ӧтмоза, ӧти шыӧн. Тадзи найӧ ошкисны-нимӧдісны Господьӧс. Кор кыліс трубалӧн тутсан шыыс, кимваллӧн да мукӧд ворсанторлӧн шыыс, кор пондісны сьывны-ошкыны Господьӧс: «Сійӧ бур, Сылӧн буралӧмыс оз помасьлы», сэки Господьлысь крамсӧ тыртіс кымӧр.

2 Каднебӧг 5:13 Iomraidhean Croise

1 Каднебӧг 16:4

Давид сувтӧдіс левитъясӧс кесъявны Господьлӧн кудйыс водзын: сьывны-ошкыны, аттьӧавны да ыдждӧдлыны Господьӧс, Израильлысь Енсӧ.

2 Каднебӧг 20:21

Войтырыскӧд сёрнитчӧм бӧрын Иосафат индіс сьылысьясӧс, медым найӧ вежа паськӧмӧн мунісны тышкайӧз водзын да ошкисны Господьӧс тайӧ кывъяснас: Ошкӧй Господьӧс, ӧд Сылӧн буралӧмыс оз помасьлы!

2 Каднебӧг 20:22

Кор сьылысьяс пондісны нимкодясьӧмӧн гораа ошкыны Господьӧс, сэки Господь мӧдӧдіс йӧзӧс уськӧдчыны аммонсаяс, моавсаяс да Сеир керӧсвыв муын олысьяс вылӧ, кодъяс кӧсйисны уськӧдчыны Иуда вылӧ. Но Господь пасьвартіс Иудалысь вӧрӧгсӧ,

2 Каднебӧг 7:1

Кор Соломон помаліс кевмысьӧмсӧ, енэжсяньыс лэччис би да ньылыштіс сотан да мукӧд висьяс, и Господьлӧн дзирдлуныс тыртіс крамсӧ.

2 Каднебӧг 7:2

Попъяс эз вермыны пырны Господьлӧн крамӧ, ӧд крамыс вӧлі тырӧма Господьлӧн дзирдлунӧн.

2 Каднебӧг 7:3

Кор Израиль войтыр аддзис енэжсяньыс лэччысь би да крам вылысь Господьлысь дзирдлунсӧ, найӧ кымынь уськӧдчисны муас да копыртчӧмӧн ошкисны Господьӧс: «Сійӧ бур, Сылӧн буралӧмыс оз помасьлы!»

2 Каднебӧг 7:6

Попъяс сулалісны асланыс кесъяланінын, а левитъяс сулалісны шылада ворсанторъясӧн. Налысь ворсанторъяссӧ вӧлі вӧчӧма Давид ӧксыалӧм дырйи на. Господьӧс ошкисны Давидлӧн кывъясӧн: «Сылӧн буралӧмыс оз помасьлы». Трубаясӧ тутсысь попъяс сулалісны левитъяс водзвылын. Став Израиль войтырыс сулаліс.

Ездра 3:11

Господьӧс ошкӧмӧн да нимӧдӧмӧн найӧ сьылісны: Господь бур, Сылӧн буралӧмыс Израиль дінӧ оз помасьлы! Став войтырыс гораа горзӧмӧн ошкис Господьӧс. Ошкисны Господьӧс сыысь, мый крамлысь подувсӧ лои пуктӧма.

Неемий 12:27

Ерусалимса стенъяс вежӧдігкежлӧ быдлаысь корисны левитъясӧс Ерусалимӧ, медым аттьӧалӧмӧн да сьылӧмӧн, кимвалӧн, арфаӧн да гуслиӧн ворсӧмӧн нимкодя пасйыны вежӧдӧм.

Псалтыр 100:5

Аслас матысса вылӧ гусьӧн удтысьысьӧс ме вӧтла ас дінысь, вылӧ кыпӧдчысьӧс да ышнясьысьӧс ме ог сибӧд.

Псалтыр 106:1

Ошкӧй Господьӧс, ӧд Сійӧ бур, Сылӧн буралӧмыс оз помасьлы!

Псалтыр 107:1

Сьыланкыв. Давидлӧн псалом.

Псалтыр 118:1

Шудаӧсь сӧстӧма олысьяс, Господьлӧн Индӧдӧ кутчысьысьяс.

Псалтыр 150:3

Ошкӧй Сійӧс буксан шы улӧ, ошкӧй Сійӧс арфаӧн да гуслиӧн ворсӧмӧн!

Псалтыр 150:5

Ошкӧй Сійӧс мичаа тіньгысь кимвалӧн, ошкӧй Сійӧс гораа юргысь кимвалӧн!

Псалтыр 22:4

Ме кӧ муна весиг сап пемыд сёртасӧд, ог повзьы лёксьыс, ӧд Тэ мекӧд. Тэнад веськӧдлан да доръян беддьыд нуӧдӧны менӧ.

Псалтыр 81:2

«Ті онӧ веськыда мыждӧй, ті доръянныд лёк вӧчысьясӧс!

Петӧм 29:43

Вежа чомсянь Ме кута шыасьны Израиль пиян дінӧ. Менам дзирдлунысь тайӧ чомйыс лоӧ вежа.

Исай 52:8

Тэнад кар видзысьясыд гораа горзӧны, ставныс ӧтвылысь нимкодясьӧны. Асланыс синмӧн найӧ аддзӧны: Господь бӧр локтӧ Сионӧ.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Еремей 33:11

нимкодясьӧм да гажӧдчӧм, кутас кывны верӧспулӧн да гӧтырпулӧн гӧлӧс шыныс. Бара кутас кывны Господьлӧн крамӧ аттьӧалана вись вайысьяслӧн гӧлӧс шыныс. Найӧ кутасны шуавны: ”Ошкӧй Господь Саваофӧс, ӧд Сійӧ бур, Сылӧн буралӧмыс оз помасьлы!” Тайӧ муас олысьяслы Ме бара сета воддза кодьыс бур олӧм, – висьталӧ Господь.

Ап. уджъяс 4:32

Эскысьяс ставныс вӧліны ӧти лолаӧсь да ӧти сьӧлӧмаӧсь. Некод ассьыс эмбурсӧ эз лыддьы асласӧн, ставыс налӧн вӧлі ӧтувъя.

Римӧ 15:6

мед ті ӧти лолӧн да ӧти вомӧн ошкинныд Енсӧ, миян Господь Исус Кристослысь Батьсӧ.

Восьтӧм 15:8

Енлӧн дзирдлунысь да Сылӧн вынысь крамыс тырис тшынӧн. Крамас некод эз вермы пырнысӧ, кытчӧдз эз помась сизим анделлӧн сизим бырӧданторйӧн удж вӧчӧмыс.