2 Каднебӧг 4:3 - Коми Библия 2023

³ Вайӧртӧд улын гӧгӧрыс кык визьӧн сулалісны сывдӧмӧн вӧчӧм ӧшъяс, быд гырддза пасьтаын сулаліс дас ӧш. Ӧшъяссӧ вӧлі ӧтторъя сывдӧма вайӧртӧдыскӧд.

2 Каднебӧг 4:3 Iomraidhean Croise

2 Каднебӧг 4:2

Соломон вӧчӧдіс ыргӧнысь ыджыд гӧгрӧс вайӧртӧд, шуисны сійӧс саридзӧн. Ӧтар дорышсяньыс мӧдар дорышӧдзыс сійӧ вӧлі дас гырддза пасьта, джуджданас вӧлі вит гырддза, а гӧгӧртны кӧ сійӧс кӧвйӧн, колана вӧлі комын гырддза кузьта кӧв.

2 Каднебӧг 4:4

Вайӧртӧдыс сулаліс дас кык ӧш вылын: куим ӧшкыс видзӧдісны войвылӧ, куимыс – рытыввылӧ, куимыс – лунвылӧ, и куимыс – асыввылӧ. Ӧшъяслысь бекнысӧ вӧлі веськӧдӧма вайӧртӧд шӧрлань, на вылӧ и мыджсис вайӧртӧдыс.

Езекиль 1:10

Быдӧнлӧн вӧлі мортлӧн кодь чужӧм, веськыдладорас левлӧн кодь, шуйгаладорас ӧшлӧн кодь. Нӧшта быдӧнлӧн вӧлі кутшлӧн кодь чужӧм бӧрсяньыс.

Езекиль 10:14

Быд херувимлӧн вӧлі нёль чужӧм: херувим чужӧм, морт чужӧм, лев чужӧм да кутш чужӧм.

Нав Исус 6:3

Йитӧд куд водзвылын мед мунасны сизим поп. Быдӧн мед босьтас буксан. Сизимӧд луннас кар гӧгӧрыс кытшовтӧй сизимысь, а попъяс мед буксасны буксанӧн.

Восьтӧм 4:7

Ӧтиыс на пиысь вӧлі лев кодь, мӧдыс – ӧш кодь, коймӧдыслӧн чужӧмыс вӧлі мортлӧн кодь, а нёльӧдыс вӧлі лэбысь кутш кодь.