2 Каднебӧг 36:3 - Коми Библия 2023

³ Ерусалимын египетса Неко ӧксы чӧвтіс Иохазӧс юралан пуклӧсысь [да вайӧдіс сійӧс Египет муӧ]. Иуда войтырлы египетса ӧксы тшӧктіс мынтыны вот – сё талант эзысь да ӧти талант зарни.

2 Каднебӧг 36:3 Iomraidhean Croise

Ӧксыяслӧн 4 небӧг 23:33

Хамат муын Ривла карын Неко фараон пуксьӧдіс Иохазӧс дзескыдінӧ, тадзи вештіс сійӧс Ерусалимын ӧксыалӧмысь. Иуда войтырлы фараон тшӧктіс мынтыны вот – сё талант эзысь да [сё] талант зарни.

2 Каднебӧг 36:2

Ӧксыӧ пуксигас Иохазлы вӧлі кызь куим арӧс. Куим тӧлысь чӧж сійӧ юраліс Ерусалимын. [Сылӧн мамыс вӧлі Хамуталь, Ливнаысь Еремейлӧн нылыс. Батьясыс моз Иохаз вӧчис Господь водзын шогмытӧмсӧ. Хамат муын Ривла карын Неко фараон дорис сійӧс чепъясӧн, медым сійӧ эз вермы юравны Ерусалимын.]

2 Каднебӧг 36:4

Иохазлысь Эляким воксӧ египетса Неко фараон пуктіс ӧксыавны Иуда муын да Ерусалим карын и сетіс сылы Ехояким ним. Сылысь Иохаз воксӧ фараон нуӧдіс Египетӧ. [Иохаз куліс сэні. Ӧксы чукӧртіс войтырлысь эзысь да зарни, сэсся чукӧртӧмасӧ сетісны фараонлы. Тадзи Иуда войтыр кутіс мынтыны Неко фараонлы вот.]