2 Каднебӧг 33:3 - Коми Библия 2023

³ Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Ваал идолъяслы висьпуктанінъяс, сувтӧдіс юрбитан пуяс, юрбитіс енэжвыв вынъяслы.

2 Каднебӧг 33:3 Iomraidhean Croise

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

Ӧксыяслӧн 4 небӧг 21:3

Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Вааллы висьпуктанінъяс, израильса Ахав ӧксы моз сувтӧдіс юрбитан пуяс, юрбитіс енэжвыв вынъяслы.

Ӧксыяслӧн 4 небӧг 23:11

Сійӧ бырӧдіс тшӧтш иудаса ӧксыясӧн шонділы сиӧм вӧвъясӧс, кодъяс сулалісны Господьлӧн крам пыранін водзын Нетан-Мелеклӧн, ыджыд чина мортлӧн, вежӧс дорын. Шонділы сиӧм тарантасъяс ӧксы сотіс.

Ӧксыяслӧн 4 небӧг 23:4

Ӧксы тшӧктіс Хилки аркирейлы, попъяслы да крам пыранін видзысьяслы петкӧдны Господьлӧн крамысь став юрбитанторсӧ, мый вӧлі вӧчӧма Ваал да Астарта идолъяслы да енэжвыв вынъяслы. Сійӧ сотіс ставсӧ Ерусалим кар сайын Кедрон ковтысын да нуис пӧимсӧ Вефильӧ.

2 Каднебӧг 28:24

Енлӧн крамысь Ахаз чукӧртіс да жугліс став дозмук-кӧлуйсӧ, сэсся йигналіс Господьлӧн крамлысь ӧдзӧсъяссӧ. Ерусалим кар пасьтала сійӧ сувтӧдаліс ылӧг енъяслы висьпуктанінъяс.

2 Каднебӧг 30:14

Найӧ петкӧдісны Ерусалимысь идолъяслы сувтӧдӧм висьпуктанінъяс да тшынӧдчан висьпуктанінъяс, жугӧдісны да шыбитісны найӧс Кедрон ковтысӧ.

2 Каднебӧг 31:1

Гажӧдчӧм бӧрын став Израиль войтырыс разӧдчис иудаса каръясӧ. Найӧ жуглісны юрбитан изъяс, пӧрӧдісны юрбитан пуяс, пазӧдісны вись ваян мылькъяс да висьпуктанінъяс став Иуда му пасьталаысь, тшӧтш Венямин, Ефрем да Манассей чужанкотыръяслӧн муысь. Та бӧрти Израиль войтырысь быдӧн бӧр муніс аслас муӧ да карӧ.

2 Каднебӧг 32:12

Эз ӧмӧй Езекей бырӧд тіян Енлысь вись ваян мылькъяссӧ да висьпуктанінъяссӧ? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын да сы вылын сотны висьяс?

2 Каднебӧг 33:15

Господьлӧн крамысь Манассей шыбитіс сэтчӧ сувтӧдӧм бӧлбанӧс да мукӧд войтыръяслысь енъяссӧ. Сійӧ жугӧдіс висьпуктанінъяс, мый вӧлі сувтӧдӧма крамса керӧс вылӧ да Ерусалим карын мукӧдлаӧ, сэсся шыбитіс найӧс кар сайӧ.

2 Каднебӧг 33:19

Хозайлӧн небӧгӧ гижӧма Манассейлысь кевмысьӧмсӧ да кыдзи Енмыс кыліс сійӧс, сылӧн мыжъяс йылысь да Енсӧ эновтӧм йылысь. Сэтчӧ гижӧма тшӧтш вись ваян мылькъяс йылысь, юрбитан пуяс да идолъяс йылысь, кодъясӧс сійӧ сувтӧдаліс Ен водзын раммӧдчытӧдз на.

2 Каднебӧг 34:25

Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй киссяс тайӧ карыс вылӧ да оз куслы”.

Петӧм 34:13

Налысь висьпуктанінъяссӧ жуглӧй, юрбитан изъяссӧ пасьвартӧй, юрбитан пуяссӧ кералӧй [да бӧлбанъяссӧ биын сотӧй].

Еклесиаст 2:19

Код тӧдас, мывкыд морт али вежӧртӧм сійӧ лоӧ. Но сійӧ пондас вӧдитчыны ставнас, мый ме мывкыдлунӧн да сьӧкыда уджалӧмӧн нажӧвиті шонді улас. И тайӧ, вӧлӧмакӧ, весьшӧрӧ.

Еклесиаст 9:18

Мывкыдлуныд шыпурт дорысь бурджык, но ӧти мыжа морт бырӧдӧ уна буртор.

Еремей 17:2

Пияннысӧ моз найӧ казьтывлӧны висьпуктанінъяс да юрбитан пуяс йылысь, кодъяс сулалӧны пашкыр пуяс улын, джуджыд керӧсъяс вылын

Еремей 19:13

Ерусалим карлӧн керкаясыс да иудаса ӧксыяслӧн керкаясыс лоӧны Тофет кодь пежӧсь. Тадзи лоӧ став керкаясыскӧд, кӧні вевт вылас тшынӧдчисны енэжвыв кодзувъяслы да вайисны вина вись мукӧд енъяслы».

Еремей 7:30

Иуда войтыр вӧчис Менам син водзын шогмытӧмсӧ, – висьталӧ Господь. – Найӧ сувтӧдісны ассьыныс зывӧк идолъяснысӧ сійӧ керкаас, мый сиӧма Менам нимлы, да пежалісны тайӧ керкасӧ.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Софоний 1:5

бырӧда найӧс, кодъяс керка вевт вылын юрбитӧны енэжвыв вынъяслы, кодъяс юрбитӧны да кыв сетӧны Ме водзын да асланыс Молок идол водзын,

Ап. уджъяс 7:42

Енмыс бергӧдчис наысь да эновтіс найӧс юрбитны тӧлысь-кодзувъяслы. Та йылысь гижӧма пророкъяслӧн небӧгын: – Израиль войтыр! Нелямын во чӧжнас овтӧминын вайлінныд-ӧ ті Меным начкӧм ыж-мӧскӧс да мукӧд вись?

Индӧд 16:21

«Господьлы, асланыд Енлы, кыпӧдӧм висьпуктанінкӧд орччӧн энӧ сувтӧдӧй юрбитан пуяс.

Индӧд 17:3

кутас кесъявны-юрбитны мукӧд енъяслы, шонділы, тӧлысьлы да кодзувъяслы, мыйысь Господь ӧлӧдіс тіянӧс –

Индӧд 4:19

Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.