2 Каднебӧг 33:2 - Коми Библия 2023

² Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 33:2 Iomraidhean Croise

Ӧксыяслӧн 4 небӧг 17:11

Войтыръяс моз, кодъясӧс Господь вӧтліс израильсаяс водзысь, найӧ сотісны висьяс мылькъяс вылын. Асланыс лёк вӧчӧмнаныс найӧ дӧзмӧдісны Господьӧс.

Ӧксыяслӧн 4 небӧг 17:15

Найӧ ӧтдортісны Господьлысь тшӧктӧмъяссӧ, ӧлӧдӧмъяссӧ да йитӧдсӧ, мый Сійӧ кӧрталіс налӧн батьяскӧд. Найӧ мунісны шогмытӧм ылӧг енъяс бӧрся, и асьныс лоины сэтшӧм жӧ шогмытӧмӧсь. Найӧ олісны на гӧгӧр олысь войтыръяс моз, эз кывзыны Господьлысь ӧлӧдӧмсӧ.

Ӧксыяслӧн 4 небӧг 21:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 21:9

Но Израиль войтыр эз кывзысь Господьлысь. Манассей кежӧдіс найӧс лёкас. Найӧ вӧчисны лёксӧ унджык на сійӧ войтыръясыс дорысь, кодъясӧс Господь бырӧдіс Израиль войтыр водзысь.

2 Каднебӧг 28:3

Бен-Хинном ковтысын сійӧ сотліс висьяс ылӧг енъяслы, сотліс биын ассьыс пиянсӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 33:22

Манассей батьыс моз Амон вӧчис Господь водзын шогмытӧмсӧ. Амон юрбитіс да вайліс висьяс идолъяслы, кодъясӧс вӧчис сылӧн Манассей батьыс.

2 Каднебӧг 36:14

Попъяслӧн да войтырлӧн юралысьясыс тшӧтш эновтісны Господьӧс. Мукӧд войтыр моз найӧ вӧчисны пежсӧ да пежалісны Господьлысь крамсӧ, мый Сійӧ вежӧдіс Ерусалимын.

Ездра 9:14

Та бӧрын бара ӧмӧй ми торкам Тэнсьыд тшӧктӧмъястӧ да рӧдвужасям тайӧ пеж войтыръясыскӧд? Тэ ӧд верман чорыда скӧрмыны миян вылӧ да дзикӧдз бырӧдны миянӧс, мый весиг ӧти морт оз коль.

Еремей 15:4

Сыысь, мый Езекейлӧн Манассей пиыс, иудаса ӧксы, вӧчис Ерусалимын, Ме вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои.

Езекиль 11:12

Сэки ті тӧдмаланныд, мый Ме – Господь. Ті ӧд энӧ олӧй Менам индӧд-тшӧктӧмъяс серти, а олінныд тіян гӧгӧр олысь войтыръяслӧн индӧдъяс серти».

Индӧд 12:29

«Господь, тіян Енныд, бырӧдас тіян водзысь войтыръясӧс, кодъяслӧн муас ті мунанныд, медым босьтны сійӧс аслыныд. Кор босьтанныд налысь мусӧ да овмӧдчанныд сэтчӧ,

Индӧд 12:31

Господьлы, асланыд Енлы, кесъялігӧн на моз энӧ вӧчӧй. Асланыс енъяслы кесъялігӧн найӧ ӧд вӧчӧны сійӧ, мый зывӧктӧ-мустӧмтӧ Господь. Найӧ весиг ассьыныс ныв-писӧ сотӧны асланыс енъяслы.

Индӧд 18:14

Ті босьтанныд аслыныд мусӧ войтыръяслысь, кодъяс кывзӧны кимӧститчысьясӧс да тунасьысьясӧс. А тіянлы Господь, тіян Енныд, оз лэдз на моз вӧчны».

Индӧд 18:9

«Кор ті локтанныд сійӧ муас, мый Господь, тіян Енныд, сетас тіянлы, сэтчӧс войтыръяс моз зывӧксӧ энӧ вӧчӧй.