2 Каднебӧг 32:5 - Коми Библия 2023

⁵ Езекей повтӧг босьтчис уджӧ. Сійӧ выльысь кыпӧдіс жугалӧм карса стен, сувтӧдіс стен вылӧ башняяс, карса стен ортсыладорас кыпӧдіс мӧд стен. Сійӧ зумыдмӧдіс Милло, Давид карлысь юкӧнсӧ. Сійӧ вӧчӧдіс уна сайӧд да шы.

2 Каднебӧг 32:5 Iomraidhean Croise

Ӧксыяслӧн 2 небӧг 5:9

Давид овмӧдчис изкарӧ да нимтіс сійӧс Давид карӧн. Миллосянь кар шӧрӧдзыс Давид лэптіс керкаяс.

Ӧксыяслӧн 3 небӧг 11:27

Со кыдзи Еровам кыпӧдчис Соломонлы паныд. Кор Соломон вӧлі лэптӧ Милло да дзоньталӧ Давид батьыслысь кар стенъяссӧ,

Ӧксыяслӧн 3 небӧг 9:24

Фараонлӧн нылыс вуджис Давид карысь аслас керкаӧ. Тайӧ керкасӧ сылы вӧчис Соломон, сійӧ лэптіс тшӧтш Милло, Давид карлысь юкӧнсӧ.

Ӧксыяслӧн 4 небӧг 12:20

Йоаслӧн кесйӧгъясыс кыпӧдчисны сылы паныд. Гусьӧн сёрнитчӧм бӧрын виисны сійӧс Бет-Миллоын, кысянь туйыс мунӧ Силлаӧ.

Ӧксыяслӧн 4 небӧг 25:4

карсӧ кытшалысь калдеяса тышкайӧз жугӧдісны карса стенсӧ. Войнас иудаса тышкайӧз петісны Ерусалим карысь дзиръяӧд, мый вӧлі кыкпӧвста стенмас ӧксылӧн сад дорын. Седекей ӧксы аслас йӧзкӧд пышйис Йӧрдан ковтыслань.

2 Каднебӧг 12:1

Кор Ровоамлӧн юралӧмыс зумыдмис, и сійӧ лои вына юралысьӧн, сэки сійӧ да став Израиль войтырыс эновтісны Господьлысь Индӧдсӧ.

2 Каднебӧг 23:1

Квайт во мысти Иодай поп повтӧг кӧрталіс йитӧд тышкайӧзӧн веськӧдлысьяскӧд: Ерохамлӧн Азарий пикӧд, Иохананлӧн Измаил пикӧд, Овидлӧн Азарий пикӧд, Адайлӧн Маасей пикӧд да Зикрилӧн Элишафат пикӧд.

2 Каднебӧг 25:23

Бет-Шемешын израильса Йоас ӧксы босьтіс пленӧ иудаса Амасей ӧксыӧс, Ахазий Йоаслысь писӧ да нуӧдіс сійӧс Ерусалимӧ. Сэні Йоас жугӧдіс карса стенсӧ нёльсё гырддза пасьта – Ефрем дзиръясянь Пельӧс дзиръяӧдз.

2 Каднебӧг 26:8

Аммон войтыр мынтіс Озейлы вот. Озей нималіс весиг Египетын, ӧд сылӧн юралӧмыс вӧлі зумыд.

2 Каднебӧг 33:14

Та бӧрти Давид кар ортсыӧ, Офел гӧгӧр, Манассей кыпӧдіс зэв джуджыд стен Гихон ва петанінсянь рытыввылӧ Чери дзиръя дорӧдз. Иуда му пасьтала став изкарӧ сійӧ индіс тышкайӧзӧн веськӧдлысьясӧс.

Шусьӧгъяс 25:28

Коді оз сяммы асьсӧ кутны, сійӧ – стентӧг сулалысь киссьӧм кар кодь.

Еремей 39:4

Найӧс аддзигӧн иудаса Седекей ӧксы да сылӧн тышкайӧзыс пышйисны. Войнас найӧ петісны карсьыс дзиръяӧд, мый вӧлі кыкпӧвста стенмас ӧксылӧн сад дорын. Седекей ӧксы аслас йӧзкӧд мӧдӧдчис Йӧрдан ковтыслань.

Йоиль 2:8

Ӧта-мӧдсӧ оз тойлавны, быдӧн кутӧ ассьыс нырвизьсӧ. Найӧ котӧртӧны ёсь шыяслы паныд, найӧс нинӧм оз сувтӧд.

Ёрдысьяс 9:6

Сикем да Бет-Милло каръясысь йӧз чукӧртчисны да мунісны Сикем кардорса тупу дорӧ. Сэні найӧ пуктісны Авимелекӧс ӧксыӧ.