2 Каднебӧг 32:4 - Коми Библия 2023

⁴ Чукӧртчис уна йӧз, и найӧ тупкисны му пытшті визувтысь васӧ да ва петанінъяссӧ. Найӧ шуалісны: «Ассурса ӧксыяс мед оз аддзыны татысь васӧ [да мед оз вынсяммыны]».

2 Каднебӧг 32:4 Iomraidhean Croise

Ӧксыяслӧн 3 небӧг 19:21

Елисей бӧр бергӧдчис видз-му вылас да начкис кык ӧшкӧс. Гӧрсӧ сотіс, а би вылас пражитіс ӧш яйсӧ да сетіс йӧзыслы. Найӧ сёйисны. Сэсся Елисей муніс Илля бӧрся да кутіс кесъявны сылы.

Ӧксыяслӧн 3 небӧг 3:9

Сідзкӧ, сет меным сюсь вежӧр, медым ме веськыда мыжді Тэнсьыд войтыртӧ да кужи торйӧдны бурсӧ лёксьыс. Ӧд вермас-ӧ кодкӧ веськӧдлыны Тэнад уна лыда войтырӧн?»

Ӧксыяслӧн 4 небӧг 18:13

Езекей ӧксылӧн дас нёльӧд веськӧдлан воӧ ассурса Сеннахирим ӧксы уськӧдчис иудаса изкаръяс вылӧ да босьтіс найӧс.

Ӧксыяслӧн 4 небӧг 18:9

Езекейлӧн нёльӧд веськӧдлан воӧ да израильса Осий ӧксылӧн, Элай пилӧн, сизимӧд веськӧдлан воӧ, ассурса Салманассар ӧксы уськӧдчис Самария кар вылӧ да кытшаліс сійӧс.

Ӧксыяслӧн 4 небӧг 19:17

Господьӧй, збыльысь, ассурса ӧксыяс бырӧдісны войтыръясӧс да куштісны налысь муяссӧ,

Ӧксыяслӧн 4 небӧг 20:20

Езекей ӧксыалӧм дырйи мукӧд лоӧмторъяс йылысь да сылӧн тӧдчана уджъясыс йылысь гижӧма иудаса ӧксыяслӧн каднебӧгӧ. Сэтчӧ нӧшта гижӧма, мый сійӧ кодйис вайӧртӧд да ва визувтанін, и карас нюжӧдіс ва.

2 Каднебӧг 30:14

Найӧ петкӧдісны Ерусалимысь идолъяслы сувтӧдӧм висьпуктанінъяс да тшынӧдчан висьпуктанінъяс, жугӧдісны да шыбитісны найӧс Кедрон ковтысӧ.

2 Каднебӧг 32:1

Тайӧ лоӧмторъяс бӧртиыс, кор Езекей петкӧдліс Господьлы ассьыс эсканлунсӧ, Иуда му вылӧ уськӧдчис ассурса Сеннахирим ӧксы. Сійӧ кытшаліс изкаръяс, медым босьтны найӧс.

2 Каднебӧг 32:3

сійӧ аслас юралысьяскӧд да тышкайӧзӧн веськӧдлысьяскӧд шуис тупкыны кар ортсыысь ва петанінъяс.

2 Каднебӧг 32:30

Езекей тупкис Гихон ва петанінлысь вылыс визувтанінсӧ да веськӧдіс васӧ визувтны увлань, Давид кар рытывладорӧ. Езекейлӧн артмис быд удж.

Исай 10:8

Сійӧ шуӧ: «Став менам веськӧдлысыс – ӧксыяс!

Исай 22:11

Кык стен костӧ ті вӧчинныд ва видзанін, медым чукӧртны сэтчӧ важ йӧртӧдысь васӧ. Но ті энӧ кыпӧдӧй синнытӧ Сы вылӧ, коді вӧчӧ тайӧс, энӧ видзӧдӧй Сы вылӧ, коді водзысяньыс вӧлі мӧвпыштӧма та йылысь.

Исай 22:9

Ті аддзинныд, мыйта розьыс Давид карлӧн стенъясын. Улыс вайӧртӧдӧ ті чукӧртінныд ва.

Наум 3:14

Дасьты ватӧ, ӧд тэнӧ лоӧ кытшалӧма, ёнмӧд ассьыд изкаръястӧ, мун да таляв сёйтӧ, дасьты пачтӧ, вӧч кирпичьястӧ.