2 Каднебӧг 32:31 - Коми Библия 2023

³¹ Но кор вавилонса юралысьяс мӧдӧдісны сы дінӧ ассьыс йӧзсӧ, медым тӧдмавны Иуда муын петкӧдлӧм индысьпас йылысь, сэки Енмыс колис сійӧс ӧтнассӧ, медым тӧдмавны сійӧс да аддзыны, мый сылӧн сьӧлӧмас.

2 Каднебӧг 32:31 Iomraidhean Croise

Олӧм 22:1

Тайӧ лоӧмторъясыс бӧрын Ӧвраамӧс тӧдмалӧм могысь Ен шыасис: «Ӧвраам!» Ӧвраам вочавидзис: «Ме тані».

2 Каднебӧг 32:24

Сійӧ кадас Езекей чорыда висьмис да вӧлі куланвыйын. Сійӧ кевмысис Господьлы, и Господь кыліс сійӧс да петкӧдліс сылы индысьпас.

2 Каднебӧг 32:25

Но таысь Езекей эз ошкы Господьӧс, а вылӧ кыпӧдіс асьсӧ. Та вӧсна Енмыс скӧрмис сы вылӧ, тшӧтш Иуда да Ерусалим вылӧ.

2 Каднебӧг 32:32

Езекей ӧксыалӧм дырйи мукӧд лоӧмторъяс йылысь да сылӧн бур уджъясыс йылысь гижӧма Исай пророклӧн, Амос пилӧн, восьтӧмын да пыртӧма иудаса да израильса ӧксыяслӧн небӧгӧ.

Псалтыр 27:9

Господьӧй, мезды Ассьыд войтыртӧ, бурси да видз найӧс, ну Аслад ки вылад нэмъяс чӧж!

Шусьӧгъяс 17:3

Эзысьтӧ да зарнитӧ биын сывдӧны, а сьӧлӧмтӧ Господь тӧдмалӧ.

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Иоан 15:5

Ме эм виноград пуыс, ті – увъясыс. Коді олӧ Ме пытшкын, а Ме сы пытшкын, сійӧ вайӧ уна вотӧс. Ӧд Метӧг ті нинӧм онӧ вермӧй вӧчнысӧ.

Индӧд 13:3

но ті сылысь кывъяссӧ энӧ кывзӧй. Ӧд тадзи Господь, тіян Енныд, кӧсйӧ тӧдмавны, радейтанныд-ӧ ті Господьӧс, ассьыныд Ентӧ, став сьӧлӧмнад да став олӧмнад.

Индӧд 8:16

Овтӧминын Сійӧ вердіс тіянӧс маннаӧн, мый [ті энӧ тӧдлӧй и] батьясныд эз тӧдлыны. Тадзи Сійӧ раммӧдіс да тӧдмаліс тіянӧс, но бӧрынджык бурсӧ вӧчис тіянлы.

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

Яков 1:13

Ыштӧдӧм дырйи некод мед оз шу: «Енмыс менӧ ыштӧдӧ». Лёк вылас ӧд Енсӧ некод оз вермы ыштӧдны, и Ачыс Енмыс некодӧс оз ыштӧд.

1 Петыр 1:7

Зарниыс тӧдмавсьӧ биӧн. Тіян эскӧмныд бырана зарниысь донаджык, сійӧ тӧдмавсьӧ сьӧкыдлунъяс дырйи, медым Исус Кристос локтігӧн вичмис тіянлы ошкӧм, нимӧдӧм да дзирдлун.

Ёрдысьяс 16:20

Далида шуис: «Самсон, филистимсаяс локтӧны!» Самсон садьмис. Сійӧ мӧвпыштіс, мый воддза мозыс мынтӧдчас наысь. Но сійӧ эз тӧд, мый Господь эновтіс сійӧс.