2 Каднебӧг 32:15 - Коми Библия 2023

¹⁵ Сідзкӧ, энӧ лэдзӧй Езекейлы ылӧдлыны тіянӧс. Энӧ эскӧй сылы. Оз сюр сэтшӧм войтырыс, кодлӧн енмыс эськӧ вермис мездыны ассьыс войтырсӧ менам киысь да менам батьяслӧн киысь. Тіян Енныд сідзжӧ оз мезды тіянӧс менам киысь”».

2 Каднебӧг 32:15 Iomraidhean Croise

Ӧксыяслӧн 3 небӧг 22:22

”Ме муна да кута висьтавлыны ылӧгсӧ сылӧн пророкъяс пыр”, – вочавидзис лов. Господь шуис: ”Ылӧдлы. Тэнад артмас. Мун да вӧч тадзи!”

Ӧксыяслӧн 4 небӧг 18:29

Сійӧ тадзи висьталӧ: ”Энӧ кывзӧй Езекейӧс, сійӧ ылӧдлӧ. Сійӧ оз вермы мездыны тіянӧс менам киысь.

Ӧксыяслӧн 4 небӧг 19:10

висьтавны иудаса Езекей ӧксылы: «Тэнад Енмыд, код вылӧ тэ лача кутан, ылӧдлӧ тэнӧ, кор шуӧ, мый Ерусалимӧс оз ло сетӧма ассурса ӧксы киӧ.

2 Каднебӧг 32:11

Езекей шуӧ, мый Господь, тіян Енныд, мездас тіянӧс ассурса ӧксылӧн киысь. Но тадзи шуалігӧн сійӧ ылӧдлӧ тіянӧс, и ті куланныд тшыгныдла да горш косьмӧмныдла.

2 Каднебӧг 32:16

Сеннахиримлӧн йӧзыс унатор на шуалісны Господь Енлы паныд да Сылӧн Езекей кесйӧглы паныд.

Петӧм 10:10

Фараон шуис налы: «Мед лоас тадзи. Господь тіянкӧд. Тіянӧс ме лэдза, но челядьнытӧ ог. Ті мӧвпаланныд лёк вӧчны.

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Исай 36:18

Сідзкӧ, энӧ кывзӧй Езекейӧс! Сійӧ пӧръясьӧ, кор шуӧ тіянлы, Господь пӧ мездас миянӧс. Мукӧд войтыръяслӧн енъяс ӧмӧй мездісны налысь мусӧ ассурса ӧксылӧн кипод улысь?

Езекиль 35:13

Ті вылӧ кыпӧдінныд асьнытӧ Ме водзын, ышнясьӧмӧн сёрнитінныд Меным паныд. Ме ставсӧ тайӧс кывлі.

Даниил 3:15

Но талунсянь лоӧй дасьӧсь. Кор ті кыланныд буксанлысь, пӧлянлысь, цитралысь, гуслилысь, арфалысь, тутсанлысь да мукӧд ворсанторлысь шысӧ, сэки кымынь уськӧдчӧмӧн копыртчылӧй меӧн сувтӧдӧм бӧлбанлы. А онӧ кӧ копыртчылӧй, тіянӧс дзик пыр шыбитасны ыпъялысь пачӧ. Кутшӧм Ен сэки вермас мездыны тіянӧс менам киысь?»

Даниил 8:11

Сюрыс ышнясьӧмӧн кыпӧдчис весиг тышкакотыръяслӧн Юралысьлы паныд, дугӧдіс йӧзсӧ Юралысьлы быдлунся вись вайӧмысь да куштіс-пазӧдіс Сылысь вежаинсӧ.

Ап. уджъяс 19:26

Ті асьныд аддзанныд да кыланныд, мый вӧчӧ тайӧ Павелыс. Сійӧ висьтавлӧ, киӧн вӧчӧмторъясыд пӧ абу енъяс, и уна йӧзӧс нин эскӧдіс Ефесын да став Асияын.

Галатӧ 1:10

Йӧзсянь-ӧ, Енсянь-ӧ виччыся ме ошкӧмсӧ? Йӧзлы ӧмӧй зіля шогмынысӧ? Ме кӧ зіли шогмыны йӧзлы, сэки эськӧ эг вӧв Кристослӧн кесйӧг.