2 Каднебӧг 32:14 - Коми Библия 2023

¹⁴ Вермис ӧмӧй кутшӧмкӧ ен мездыны ассьыс войтырсӧ менам киысь? Менам батьясӧй ставнысӧ бырӧдісны. Тіян Енныд сідзжӧ оз вермы мездыны тіянӧс менам киысь.

2 Каднебӧг 32:14 Iomraidhean Croise

2 Каднебӧг 32:17

Аслас гижӧдъясын Сеннахирим омӧльтіс Господьӧс, Израильлысь Енсӧ: «Войтыръяслӧн енъясыс эз мездыны менам киысь ассьыныс войтырсӧ. Тадзи жӧ Езекейлӧн Енмыс оз мезды менам киысь Ассьыс войтырсӧ».

Петӧм 14:3

Фараон [аслас войтырлы] шуас, мый Израиль пиян шӧйтӧны-ветлӧны овтӧминӧд, и туйсӧ оз аддзыны.

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Исай 10:10

Менам кипод улӧ шедісны муяс, кӧні олысьясыс копрасисны идолъяслы. Сэні бӧлбаныс вӧлі ёна унджык Ерусалимын да Самарияын дорысь.

Исай 10:9

Калне усис Каркемис моз, Хамат – Арпад моз, Самария – Дамаск моз.

Исай 42:8

Ме – Господь, тайӧ Менам нимӧй. Ассьым дзирдлунӧс Ме некодлы ог сет. Ошкӧмсӧ, мый лӧсялӧ Меным, ог сет идолъяслы.