2 Каднебӧг 32:1 - Коми Библия 2023

¹ Тайӧ лоӧмторъяс бӧртиыс, кор Езекей петкӧдліс Господьлы ассьыс эсканлунсӧ, Иуда му вылӧ уськӧдчис ассурса Сеннахирим ӧксы. Сійӧ кытшаліс изкаръяс, медым босьтны найӧс.

2 Каднебӧг 32:1 Iomraidhean Croise

Ӧксыяслӧн 4 небӧг 15:19

Ассурса Пул ӧксы уськӧдчис Израиль му вылӧ. Менаим сетіс Пуллы сюрс талант эзысь, медым мӧдыс отсаліс сылы зумыдмӧдны юралӧмсӧ.

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 4 небӧг 18:11

Ассурса ӧксы нуӧдіс израильсаясӧс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 4 небӧг 19:19

Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».

2 Каднебӧг 32:2

Кор Езекей аддзис, мый Сеннахирим кӧсйӧ уськӧдчыны Ерусалим вылӧ,

2 Каднебӧг 35:20

[Иосей ӧксы сотіс Ерусалим карын да став Иуда муын туналысьясӧс да ылӧгсӧ водзвыв юӧртысьясӧс, сотіс бӧлбанъяс, идолъяс да идолъяслы юрбитанінъяс. Тадзи сійӧ збыльмӧдіс Индӧд кывъяссӧ, мый вӧлі гижӧма небӧгӧ, кодӧс аддзис Господьлӧн крамысь Хилки поп. Таӧдз эз вӧв Иосей кодь ӧксыыс, коді эськӧ став сьӧлӧмнас, олӧмнас да став выннас шыасис Господь дінӧ да оліс Мӧисейлӧн Индӧд серти. И Иосейлӧн кулӧм бӧрти сы кодь ӧксыыс эз вӧв. Но Господь эз кусӧд Ассьыс ыджыд скӧрлунсӧ. Господьлӧн скӧрлуныс ыпъяліс Иуда вылӧ, ӧд Манассей ёна дӧзмӧдіс Сійӧс. Господь шуис: «Израильӧс моз Ме ӧтдорта Иуда войтырӧс. Ме эновта Ерусалим кар, мый Ме бӧрйи, и крам, мый йылысь Ме шулі, мый сэні лоас Менам нимӧй».] Сы бӧрти, кор Иосей ӧксы выльысь лӧсьӧдіс крамын кесъялӧмсӧ, египетса Неко ӧксы мӧдӧдчис уськӧдчыны Каркемис кар вылӧ, мый сулаліс Ефрат ю дорын. Иосей ӧксы петіс сылы паныд тышӧ.

Исай 10:32

Ассурса тышкайӧз талун нин воӧдчасны Нов кар дорӧ, кинысӧ кыпӧдӧмӧн найӧ пондасны ыршасьны Сион керӧслы паныд, ерусалимса вывтасінлы паныд.

Исай 36:1

Езекей ӧксылӧн дас нёльӧд веськӧдлан воӧ ассурса Сеннахирим ӧксы уськӧдчис иудаса изкаръяс вылӧ да босьтіс найӧс.

Исай 37:37

Сэки ассурса Сеннахирим ӧксы бӧр бергӧдчис аслас муӧ Ниневия карӧ да кольччис сэтчӧ.

Осий 11:5

Найӧ эз кӧсйыны бергӧдчыны Ме дінӧ, та вӧсна налы бӧр ковмас мунны Египетӧ, Ассур кутас ыджыдавны на вылын.

Микей 2:13

На водзын мунас туйсӧ писькӧдысьыс, найӧ бырӧдасны мытшӧдъяс и петасны дзиръяӧд. На водзын мунас ӧксыныс, и нуӧдас найӧс Господь.