2 Каднебӧг 31:2 - Коми Библия 2023

² Езекей ӧксы индіс попъяслӧн да левитъяслӧн быд котырлы вӧчны ассьыс удж: вайны сотан да бурасян висьяс, сьывны-ошкыны да кесъявны Господьлӧн крамӧ пыранін дорын.

2 Каднебӧг 31:2 Iomraidhean Croise

1 Каднебӧг 16:37

Давид тшӧктіс Асафлы да сылӧн вокъяслы, медым найӧ дугдывлытӧг кесъяласны Господьлӧн Йитӧд куд водзын, быд лун вӧчасны, мый колӧ вӧчны сійӧ лунӧ.

1 Каднебӧг 24:1

Ааронсянь чужысьясӧс юклісны котыръяс вылӧ. Ааронлӧн вӧліны Надав, Авиуд, Элазар да Итамар пиян.

1 Каднебӧг 24:24

Узиэллӧн вӧлі Микей нима пи, Микейлӧн – Шамир.

1 Каднебӧг 25:25

дас кӧкъямысӧдӧн вӧлі Ханани пияныскӧд да вокъясыскӧд, дас кык морт,

1 Каднебӧг 26:26

Шеломот да сылӧн вокъясыс видзисны крам видзанінӧ вайӧм вежа козинъяс. Тайӧ козинъяссӧ Енлы вежӧдісны-торйӧдісны Давид ӧксы, рӧдкутысьяс, тышкайӧзлӧн юралысьяс да веськӧдлысьяс.

2 Каднебӧг 23:8

Левитъяс да Иуда войтыр ставсӧ вӧчисны сідзи, кыдзи тшӧктіс Иодай поп. Быд веськӧдлысь чукӧртіс ассьыс йӧзсӧ – найӧс, кодъяслы колӧ вӧлі кесъявны крамын шойччан лунӧ, и найӧс, кодъясӧс колӧ вӧлі вежны кесъялӧм бӧртиныс. Иодай поп некодӧс эз лэдз мунны гортас.

2 Каднебӧг 24:14

Дзоньталӧмсӧ помалӧм бӧрын сьӧмсӧ, мый коли, вайисны Йоас ӧксылы да Иодай поплы. Тайӧ сьӧм вылас вӧчисны Господьлӧн крамын кесъялӧм вылӧ да вись вайӧм вылӧ дозмук-кӧлуй да зарни-эзысьысь мукӧд дозмук-кӧлуй. Иодай поплӧн олан лунъяс чӧжыс Господьлӧн крамын вайлісны сотан висьяс.

2 Каднебӧг 31:17

Найӧс вӧлі лыддьӧдлӧма попъяслӧн чужанвуж гижӧдын рӧдныс серти. Кызь арӧса да ыджыдджык арлыда левитъясӧс вӧлі лыддьӧдлӧма налӧн удж вӧчӧмныс да котырныс серти.

2 Каднебӧг 35:2

Попъяслы Иосей индіс вӧчны ассьыныс уджсӧ да ышӧдіс найӧс кесъявны Господьлӧн крамын.

2 Каднебӧг 5:11

Быд котырысь крамӧ локтӧм попъяс вӧлі вежӧдӧмаӧсь-сӧстӧммӧдӧмаӧсь асьнысӧ. Кор попъяс петісны вежаинысь,

2 Каднебӧг 8:14

Давид батьыслӧн тшӧктӧм серти Соломон индіс кесъявны поп котыръясӧс, индіс тшӧтш левитъясӧс быд лун кежлӧ вӧчны ассьыныс уджнысӧ – ошкыны Господьӧс да отсасьны попъяслы. Нӧшта Соломон сувтӧдаліс быд дзиръя дорӧ крам видзысьясӧс. Тадзи вӧчны тшӧктіс сылы Енлӧн морт Давид.

Ездра 6:18

Мӧисей небӧгын тшӧктӧм серти поп котыръясӧс да левит чукӧръясӧс индісны кесъявны Енлы Ерусалимын.

Неемий 11:17

Ерусалимын олісны тшӧтш Маттанай, Бакбук да Авдай. Маттанай вӧлі сьылысь котырын ошкӧм-кевмысьӧм дырйи шылад босьталысьӧн. Сійӧ вӧлі Микейлӧн пи, Микей – Завдийлӧн, Завдий – Асафлӧн. Бакбук вӧлі сьылысь котырын шылад мӧд босьталысьӧн. Авдай вӧлі Шаммуйлӧн пи, Шаммуй – Галаллӧн, Галал – Едутунлӧн.

Псалтыр 134:1

Аллилуйя! Ошкӧй Господьлысь нимсӧ! Господьлӧн кесйӧгъяс, ошкӧй Сійӧс!

Еремей 33:11

нимкодясьӧм да гажӧдчӧм, кутас кывны верӧспулӧн да гӧтырпулӧн гӧлӧс шыныс. Бара кутас кывны Господьлӧн крамӧ аттьӧалана вись вайысьяслӧн гӧлӧс шыныс. Найӧ кутасны шуавны: ”Ошкӧй Господь Саваофӧс, ӧд Сійӧ бур, Сылӧн буралӧмыс оз помасьлы!” Тайӧ муас олысьяслы Ме бара сета воддза кодьыс бур олӧм, – висьталӧ Господь.

Лука 1:5

Ирӧд ӧксыалан лунъясӧ Иудея муын оліс Закар нима поп, сійӧ вӧлі Авий поп котырысь. Закарлӧн Елизавета гӧтырыс вӧлі Аарон чужанвужйысь.

Лука 1:8

Воис кад Закар котырлы кесъявны Ен водзын.